只係呻下！別無他意，真係好想辭左份工全職照顧阿女，不過老公冇本事，我唔出黎做野唔得。睇見有D媽咪成日都唔開心，要做全職媽媽，覺得自己冇用。其實，我覺得咁樣係對小朋友最好。對仔女，對自己都係最幸福既.
我份工，工作壓力勁大，個個月有QUOTA，要追BUDGET，成日OT到爆晒燈，日日都好掛住阿女，個心好急，但係又走唔到，老細係女人，自己都過人地阿媽，工作狂，要我都好似佢咁做工作狂，上次打9號風唔返公司，7.1放3日假我冇返公司，星期一返去插到我成身傷晒，開會話我：我放３日假都返黎做野，唔明有ｄ人坐大位都好似ｄ靚咁照放。。。。大佬呀！我個女我日日返去佢都訓左覺，我放難得放３日假陪下佢都唔得？！
佢以前仔女細就準時走返屋企同仔女做功課，佢而家仔大女大，我阿女讀小一，我7點幾走佢都黑口黑面。日日做到８，９點試過１２點都有，日日返到家阿女都要訓冇得教佢功課。 個心好難過，呢個香港地點都仲有呢D咁既人？ 我要轉份好工，各位請給我正能量！THANKS！！
魚說：「你看不見我的淚水，因為我在水中....」 水說：「我能感覺到你的淚，只因妳在我的心中」 ...
發表於 
返回列表
