Re: 2002年2月BB會(Part II)
cherie媽:我工人都好忙架, 豬寶寶返左學, 佢要買送, 煲湯, 燉野, 煮飯仔, 仲要prepare dinner, tidy up 屋企, 你諗下, 我同個仔兩個人o既衣服, 由內至外都要iron, 我個仔d 床單, 被, 三日要洗一次, 一個星期要clean up all the window once, 仲要日日洗toilet 及kitchen. 你都唔好話佢冇野做.
而豬寶寶由八個月開始已經係返學返全日架喇, 我自己就覺得, 小朋友要在羣體之中成長, 我得佢一粒仔, 邊到搵咁多人陪佢玩呢, 返學就最好架喇, 而且, 早d返學, 早d習慣左個生活o既pattern, 日出而作, 日入而息, 好過日日對住屋企人或工人, 到兩歲喇, 真係要學習o既時間, 就好驚返學, 喊足兩個星期, 仲晚晚都發惡夢大叫, 仲要成日病, 影響學習o既進度, 所以我寧願佢早d返學, 開頭我個仔都唔肯食粥仔架, 一返學第一日就食半碗, 第二日就已經食一碗喇, 無他o既, 有peer pressure 丫嘛, 見倒坐響自己旁邊o既同學仔食得咁開心, 自己咪又食埋一份囉! 而且, hkspc d 姑娘好pro架 , 佢地spot problem 真係有一手,有咩唔妥就即刻call我, 唔駛自己估估下, 究竟個仔係唔係唔舒服, 真係你唔帶bb去睇醫生都會俾姑娘話, 係時候唔駛食藥, 姑娘又會話你知.
我今年年尾想搬去紅磡灣中心或者黃埔架喇, 因為間nursery 嚮黃埔架, 到時咪叫工人送lunch俾寶寶囉, 煮好即刻pack至夠新鮮架嘛, 到時佢仲忙呀, 兩歲返full day o既nursery, 學校會俾小朋友訓晏覺架, 你唔駛擔心. 我好明白"唔捨得"呢種心情, 講真丫, 我個仔第一日返學, 佢冇喊呀, in fact, 果日我只係俾佢試返兩個鐘咋, 都唔係full day, 我一踏出校門, 就喊到好似死老豆咁呀. 之後o既一個星期, 我日日連lunch都唔食, 都去望下個仔, 後來都係得佢地o既主任encourage我, 依家都叫做捱過左喇.
豬寶寶依家都知道咩係返學, 咩係放學啦, 佢都會放假架嘛, 點會冇home sweet home feeling呢! 最大o既問題, 係佢放學之後, 你都要抽多d時間陪佢o者. 我自己依家就好少去街架, 一放工就返屋企, 因為個仔等梗我架嘛, 放假呢, 去邊都帶埋個仔一齊架, 不過bb有佢o既作息時間, 所以我要出街, 都係要就返佢d schedule囉.
hkspc 豁下o既日托中心及nursery 一向都好有口碑架, 你可以俾電話個主任, 約時間去參觀下囉, 始終你心中的"好", 可能跟我的不一樣吧.
食療係中國人o既養生之道, 化痰止咳o既湯水, 唔係一食就唔咳架喇, 要慢慢黎o既, 最好就係等d西藥完哂喇, 至開始煲呢d湯俾佢, 連續飲幾日, 就見效架喇. 咳有分寒熱, 請參考我在"嬰兒食譜"中post 過o既一d資料丫. 祝你o既小朋友早日康復.
居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。