懷孕前後 今日: 24|主題: 329770

各位陪月及媽媽們，請問大家遇到「早產」既 case會點處理？謝謝！

https://www.babysitter.hk/job/%E6%9E%97%E6%85%A7%E5%84%80hon-ee/

陪月名稱：韓姨姨，真名「林慧X」，約60歲，住觀塘區，自稱有十幾年陪月經驗，湊過超過90個BB喎。 話說我老婆早產左兩個月，當我聯絡「韓姨姨」時佢話佢同佢D姊妹全部冇期「唔得閒理」，呢點我都明白，佢亦都話行規係唔會退訂，呢點亦可理解。但請問各陪月姨姨們：

1）如果你地遇到早產case會點處理？因為當我問佢可唔可以抽一兩日幫我太太手時，佢立即話只會跟合約定立既日期行事，絕對唔會喺合約以外的日子過黎。

2）BB入左NICU，媽媽已經夠晒擔心，我問陪月可唔可以打個電話問候一下太太，講解下注意事項呀、適合既食譜等等，雖然我明白佢當時照顧緊另一個媽媽，但係咪忙到一個幾分鐘既call都冇時間打呢？

3) BB出院後問佢可唔可以喺合約期內上黎教下媽媽同工人姐姐，但佢話唔得因為唔啱「行規」，一黎就要黎晒整個合約期果個月。

成件事喺法律上坦白講我覺得絕對冇問題，但其實「行規」究竟係點呢，想大家比D意見。一般陪月遇到咁既情況會唔會都係咁樣處理，定係因為我地係新手父母所以俾佢恰？謝謝！

韓姨姨聯絡電話： 9618 xxxx