Hi 20161029 ,初生 BB 呼吸道比較窄,係食奶/瞓覺時頸部摺住或者鼻垢嘅影響可能間有少少hehe聲,如果BB臉色、精神、胃口、瞓覺都好就唔駛擔心,建議媽媽將BB微微打側瞓,佢抖氣會舒服D。BB床係唔係靠近窗?空氣流通好唔好呀?
唔駛客氣,bb 各樣都好媽媽就可以放心 鼻粘膜上的細小血管和分泌物(鼻涕)可以粘附塵埃、病毒、細菌,保護呼吸道,鼻涕乾左會形成鼻屎,BB鼻孔比大人更為狹小、敏感,鼻涕/鼻屎可能會比大人多架,建議係沖涼時潮濕d嘅環境下按鼻仔清除鼻涕,以預防鼻屎塞住鼻仔,或者等鼻垢濕左同鬆番自然流出來架。BB新陳代謝比較快容易出汗,依家天氣炎熱明白可能需要長開冷氣,有可能會導屋企空氣唔流通/室內濕度乾燥,建議媽媽開少少窗增加空氣流通,放杯水增加室內濕度,每星期用溫水清潔床單/被單,放係陽光下曬乾或用高溫燙斗清除塵蟎,媽媽試下睇下有冇幫助。