婆媳關係

收藏本版
發帖
返回列表
跳至頁

首頁
12

尾頁
   1
ORZ新抱


別墅

積分: 738


1#
發表於 18-10-17 10:30 |顯示全部帖子
我同c6都係全職父母，因為賺錢好少（兩個夾埋3萬都唔夠）所以冇辦法辭職唔做。請工人，基於同6299一齊住，所以屋企又冇位俾姐姐瞓；四大長老得我6299冇做野，我媽要返工養家，於是係呢種情況底下，儘管知道99湊仔方式有問題，又湊緊一個好百厭嘅5歲細路，我都只有放低個女俾佢湊。
平日我一收工就俾我99係咁鬧、呼喝，例如阿女扭眼瞓，佢就會鬧我唔識湊女，聲稱自己幫我日頭照顧阿女咁耐都冇喊過，係我湊就喊，然後就要搶咗阿女拎去玩，玩夠就丟返俾我。
私人傳訊

ORZ新抱


別墅

積分: 738


2#
發表於 18-10-17 10:38 |顯示全部帖子
ORZ新抱 發表於 18-10-17 10:30
我同c6都係全職父母，因為賺錢好少（兩個夾埋3萬都唔夠）所以冇辦法辭職唔做。請工人，基於同6299一齊住， ...

再唔係，就係逼我要食完晚飯先可以餵女，佢自己就死攬住我個女黎玩，唔聽又鬧，有次阿女食完奶兩個鐘，我打算飲碗湯應酬完我99就算，點知一坐底阿女就扭瞓覺（因為日頭我99同佢個5歲孫係咁嘈，成日開手機開最大聲，電視開到30幾咁大聲，搞到阿女日頭瞓得好少）我99就鬧我，話我顧住自己食，唔係餵女，餓死個女。到我開緊糊仔個陣，佢就係咁鬧我餓死女，鬧我點做人阿媽，越鬧越過份，又唔發現其實阿女係俾佢嚇親。佢唔會識分阿女個喊聲究竟係悶、肚餓、嚇親定眼瞓⋯到宜家做粥仔，又鬧我煮菜粥，又鬧我俾阿女食咁少（最少有大人嘅半碗份量）阿邊個邊個嘅細路咁上下大已經食碗半
私人傳訊

ORZ新抱


別墅

積分: 738


3#
發表於 18-10-17 10:47 |顯示全部帖子
ORZ新抱 發表於 18-10-17 10:38
再唔係，就係逼我要食完晚飯先可以餵女，佢自己就死攬住我個女黎玩，唔聽又鬧，有次阿女食完奶兩個鐘，我 ...


最近因為發生咗太多危險事故，曾經令阿女受傷同獨留在家中，c6終於同意將阿女放去托兒所，尋日同99嘈交，話佢放任個5歲細路唔教，我個女好危險，話要將阿女放去托兒所。然後夜晚開始，我就係咁俾99鬧，話我唔當佢係阿媽，裝IP cam去監視佢，當佢工人咁，又唔俾錢佢湊女，鬧我鍾意俾外人照顧，佢肯幫我湊女已經好好，bb碌落床跌跌撞撞就梗架啦，係我小題大做，大驚小怪，佢碌咗我個女落床，佢驚咗半日去，佢帶我個女去飲茶，個個都讚佢照顧我個女照顧到咁靚，飲茶都抱住阿女，係個好好嘅奶奶。我個刻真係好辛苦，我唔明白點解做錯事嘅人，可以大大聲咁鬧人，可以講到佢有道理。

點評

JD930    發表於 18-10-19 11:39
私人傳訊

ORZ新抱


別墅

積分: 738


4#
發表於 18-10-17 10:56 |顯示全部帖子
ORZ新抱 發表於 18-10-17 10:47
最近因為發生咗太多危險事故，曾經令阿女受傷同獨留在家中，c6終於同意將阿女放去托兒所，尋日同99嘈交， ...

實情點解裝cam，係因為作為半職媽媽，為咗返份工，好易miss咗阿女好多嘅第一次，我想係返工有到少少嘅時間裡面，睇一睇cam，儘量唔miss得太多第一次；加上我99成日久唔久就話自己胸口唔舒服，我都會擔心佢一個人係屋企會出事，如果不幸發生咩事，我咁岩又睇到，都可以幫佢call白車。點知佢就只係聽街外人講，令到我99唔聽我地講。
佢話佢碌完阿女落床驚半日，話說一早已經多次同佢講，叫佢唔好就咁放底阿女係梳化或者床，行開就放返去bb床，佢就唔聽，仲鬧返我地轉頭。最後發生咗事，又唔知阿女頭定pat落地，又唔帶阿女去睇醫生。

私人傳訊

ORZ新抱


別墅

積分: 738


5#
發表於 18-10-17 11:10 |顯示全部帖子
ORZ新抱 發表於 18-10-17 10:56
實情點解裝cam，係因為作為半職媽媽，為咗返份工，好易miss咗阿女好多嘅第一次，我想係返工有到少少嘅時間 ...

個次我鬧都冇鬧過佢，佢地亦都唔俾我帶阿女去睇醫生，而且朝早發生，到我收工返到去已經過咗9個鐘頭有多，我自己一個擔心咗3日去，每日放工就檢查個女邊度瘀，每晚隔一個鐘起身睇阿女識唔識動。佢講到自己幾驚咁，轉個頭第二日就將我個女放係碌架床度，自己又行開，繼而佢個5歲嘅孫當我個女玩具咁左右碌，玩夠就放底佢走咗去，歷時都有10分鐘，佢都唔知個人去咗邊。咁就叫好驚？
私人傳訊

ORZ新抱


別墅

積分: 738


6#
發表於 18-10-17 14:56 |顯示全部帖子
美之選468 發表於 18-10-17 12:19
在你無自己屋企之前，千祈咪生第二胎。以你老公的經濟狀況就根本不應該嫁，而不是生左bb才發覺屋企環境差? ...

當初一開始結婚嘅時候，係講到明搬出去住嘅，搬出去住就唔洗成日俾人鬧，亦都可以大條道理將阿女交托兒所，只係俾啲3姑6婆搞事，最後我c6無辦法搬走，就打算過幾年就搬，加上原先我99湊仔方式雖然係成日以佢鄉下嘅方式湊，但不至於宜家咁過份，最無奈係果個5歲嘅細路突然間話要俾我99湊，佢自己個老母就咩都唔理走去返工，我99就係次次因為佢，而搞到我個女整親。加上公園啲八婆實在太多，成日都係度食花生，亂咁教我99野，又話泵出黎嘅人奶有菌、黃疸就12點正出去公園曬太陽、bb四個月大食魚粥⋯⋯總之就搞到我99信晒佢地講，我地同佢講親都俾佢鬧：人地係咁樣講，你地嘜都唔識
私人傳訊

ORZ新抱


別墅

積分: 738


7#
發表於 18-10-17 14:59 |顯示全部帖子
anyuser18 發表於 18-10-17 11:44
你老公英明，你奶奶無 安全意識，跌落地可大可小，仲要獨留在家。真係搏唔過
...

唉，但宜家我99一野就話唔再湊阿女，一鑊蹺起我，話等我個女去托兒所俾外人餵屎佢食，俾人跌佢落地下，俾人打佢囉。我都未排到托兒所
我煩惱緊聽日點算
私人傳訊

ORZ新抱


別墅

積分: 738


8#
發表於 18-10-17 15:12 |顯示全部帖子
mini1204 發表於 18-10-17 15:05
既然當初係准備搬既
咪而家即刻搬囉

一搬入去，就好難話搬，呢度亦都係最頭痛嘅地方，搬唔係最煩，最煩係搬咗出去之後邊個湊？
私人傳訊

ORZ新抱


別墅

積分: 738


9#
發表於 18-10-18 06:50 |顯示全部帖子
heather1106 發表於 18-10-17 21:43
你小朋友幾大呀？

7個月大
私人傳訊

ORZ新抱


別墅

積分: 738


10#
發表於 18-10-18 12:58 |顯示全部帖子
長毛免 發表於 18-10-18 07:38
我想問你呢個情況
可否請社區保毋嗎？

其實排緊育嬰院，都仲未有通知，社區保母又full晒
私人傳訊

ORZ新抱


別墅

積分: 738


11#
發表於 18-10-18 12:59 |顯示全部帖子
cheese1987 發表於 18-10-18 08:53
.要改變呢個情況
不如試下諗辦法搵多d 錢啦～

我有諗過開網店，但又諗唔到可以有咩途徑拎貨
私人傳訊

ORZ新抱


別墅

積分: 738


12#
發表於 18-10-18 13:05 |顯示全部帖子
Solarflare 發表於 18-10-18 09:19
樓主自已湊有可能得番萬五。
點湊? 一人使5千?
未計搬出去住。

我最頭痛係面對我99，我宜家每日收工都覺得好大壓力，落車就開始唞唔到氣，好想嘔
私人傳訊

ORZ新抱


別墅

積分: 738


13#
發表於 18-10-18 13:30 |顯示全部帖子
o_____o 發表於 18-10-18 10:13
你99話＂唔當佢係阿媽，裝IP cam去監視佢，當佢工人咁，又唔俾錢佢湊女＂，咁其實你他係咪咁先，佢好似累積 ...

其實件事係，我老公勸我99，叫佢睇實5歲果個細路，叫佢唔好再係梳化頂度係咁跳，我個女都同樣被放響梳化度，咁好危險，然後我99就話我地小題大做，都冇出事，點會跳落去踩中我個女。再同佢講話，個細路一放學返黎，逐件衫褲丟向我個女個頭，最後仲連底褲都丟落頭，蓋住我個女塊面，我99就響側邊係咁笑，直到個細路丟條底褲落我個金度，我個女喊喇，我99先鬧個細路。我老公話咁好有問題，好易出事，點知又俾人鬧，話個細路同我個女玩下炸嘛，我個女都笑架⋯⋯
我裝cam嘅原意並唔係監視佢，亦都冇長時間睇，但自從佢就咁放阿女係屋企，自己走出街後，我就多睇咗個cam，先發現問題
私人傳訊

ORZ新抱


別墅

積分: 738


14#
發表於 18-10-18 13:40 |顯示全部帖子
望月童 發表於 18-10-18 10:23
話我唔當佢係阿媽，裝IP cam去監視佢，當佢工人咁，又唔俾錢佢湊女，鬧我鍾意俾外人照顧，佢肯幫我湊女已 ...

裝cam係一半因為自己陪唔到個女成長而裝，另一半係我99心臟係有事，試過係屋企暈咗，當時係有其他人係度先幫到佢call白車，如果佢照顧個女途中，真係暈咗，出起事上黎，係兩條人命。
我一早俾家用佢，係佢唔肯要，我自問我待佢地兩老不薄，大時大節俾幾千蚊，62話身癢想食個隻藥，每次二千蚊我都照俾，見佢地兩老用手機煲劇，隻眼好辛苦，我買平板電腦俾佢地，佢地個陣用用下嫌load段片太慢，發脾氣丟爛佢，事後冇得睇，我都即刻再買過部新嘅俾佢地，買個小米盒子俾佢地煲劇。話腳痛，我當晚即刻跑去買dr kong 鞋墊、膏布俾佢地。佢兩個新抱都冇咁做過，講到尾，就係因為我係香港人
私人傳訊

ORZ新抱


別墅

積分: 738


15#
發表於 18-10-18 13:54 |顯示全部帖子
嘉德莉澳 發表於 18-10-18 12:33
其實99係咪有情緒病呀～99見自己同62幾十歲要湊一個你都話百討厭5歲人仔返學出入，再湊埋一個7月個月bb咁 ...

我當初一知有咗，已經講咗話排托兒所，係佢自己鬧我，話一齊住做咩要送佢托兒，話我唔信佢可以湊到兩個細路。我同我老公於是就諗住睇下佢搞唔搞得掂先再決定。加上佢係唔做家務，我就算大住肚，都係我做晒啲家務，照顧62c6，樣樣都要跟足佢要求，全部衫都要手洗，連62條底褲我都要洗埋，個陣仲要一路小心個肚唔好俾個細路整到，一邊湊埋佢。佢每日湊b嘅方式都係拎個奶嘴滅我個女聲，自己就坐係隔離玩手機，我返工個陣，佢就成日係個親戚群組度share啲片出黎，次次都係話後生虐待老人家。
佢有冇情緒病我就唔知，反而我俾佢逼到無時無刻都喊，宜家要見醫生跟進。
私人傳訊

ORZ新抱


別墅

積分: 738


16#
發表於 18-10-18 14:01 |顯示全部帖子
做個靚太 發表於 18-10-18 12:32
3姑6婆做左乜咁利害，可以令到你地決定左搬都無搬到？
對住D咁嘅99，仲要危害到自己嘅仔女，話之99以死威脅 ...

原先係我老公三兄弟連佢啲屋企人同我6299一齊住，咁後尾一知我要嫁入去，同搵緊屋，佢地兩房人就即刻搵地方搬，一聽到我話搵好地方，差未俾訂嘅時候，就同我99講讓間屋俾我地住，佢地已經搞掂晒嘅野。然後再補尾刀，係咁同我99講唔可以俾我地搬走，一個人係屋企會好悶，有個仔係身邊會好啲，我99後尾咪倒轉頭鬧話我地搵屋住，同我老公嘈咗好多次，又搵埋啲姨媽姑姐黎嘈我地，當初佢啲脾氣亦冇咁過份，我咪諗住免得過個老公俾人日日鬧，嫁得入去都應該要盡孝，孝順下佢地兩老，之前未嫁嘅時候，亦叫相處到嘅，於是咪冇搬到。
私人傳訊

ORZ新抱


別墅

積分: 738


17#
發表於 18-10-18 14:13 |顯示全部帖子
吹吹水 發表於 18-10-18 12:59
3姑6婆點夠錢威力勁，你話搬就搬，2+2個都無3萬，當時可能最少。
2老無做野，我諗樓主1家家用都未必多，家 ...

我前排已經打好晒辭職信，同咗我99講，等佢輕鬆啲，唔好咁辛苦，點知又俾人鬧我：點解辭職吖！政府工鐵飯碗，你唔做等我個仔養你吖？辛咩苦吖？你覺得我做唔黎吖？我阿媽、阿妹都係咁樣湊幾個架啦！（PS佢以前係冇湊過佢啲仔，就咁俾佢媽湊就算）然後，又日日鬧鬼我辭職、又搵啲姨媽姑姐黎鬧，最後我老公覺得當時99應該湊得黎，所以都唔同意我辭職。
私人傳訊

ORZ新抱


別墅

積分: 738


18#
發表於 18-10-18 14:40 |顯示全部帖子
xavierma215 發表於 18-10-18 13:53
樓主你一係就自己湊返先
一路繼續排住育嬰園
佢就係睇死你無佢唔得先至當你唔係人咁看待

最慘我今日遞埋信，我老闆唔批准，話宜家唔夠人做野，要我考慮下先，做多一兩個月先，之後再覆佢，話當冇見過封信。我堅持話個女冇人湊，佢就話叫我放大假頂住先(emoji)(emoji)‍♀️
私人傳訊

ORZ新抱


別墅

積分: 738


19#
發表於 18-10-18 14:42 |顯示全部帖子
雞蛋公主59 發表於 18-10-18 14:32
如果你之前已經預左錢出去租屋及/或湊bb，相信你而家照你當初既plan係冇問題。始終bb既安全係首選，有咩事 ...

我搵唔到育嬰院，話仲係冇位，有百幾人係我前面，啲姨姨我老公就唔放心，所以只係同意話送去托兒所。
私人傳訊

ORZ新抱


別墅

積分: 738


20#
發表於 18-10-18 21:44 |顯示全部帖子
hotarufuu 發表於 18-10-18 16:50
你係公務員定政府合約員工？如果是公務員我唔建議你辭職，因人工加跳point 比出面好好多。而且如果是公務員 ...

唉，我係公務員，但仲要等到下年先有得申請公屋。講真，我一早都已經講過甚至錢都㩒埋出黎話交家用，係我99又鬧，話我亂用錢、浪費佢個仔啲錢，宜定62有開工，洗咩要你啲錢。再者，阿女所有嘅支出洗費都係我自己出錢，由我坐月到添購bb野、奶粉片片嘅費用，全部都係出我錢，宜家調轉頭鬧話唔俾錢佢湊女？我俾完錢佢，佢之後就將啲錢買晒零食野飲俾佢5歲嘅孫，咁我個女呢？之前我發現啲奶粉好似飲得咁快，同我老公講笑話阿女大食，跟著我99竟然話都係奶粉，佢見佢個5歲孫要飲奶，於是咪拎黎沖俾佢飲。佢洗我啲錢養佢個男孫就得，個5歲細路個阿媽咪又係冇俾過錢我99，成日雙重標準
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見