論盡家傭今日: 4|主題: 133734

收藏本版

發帖

返回列表

跳至頁

查看: 5265 | 回覆: 4

如果你是我，會炒工人嗎？ [複製鏈接]

mrs.crown

大宅

積分: 2001

1^#

發表於 19-8-23 13:04 |顯示全部帖子 |倒序瀏覽 |打印

第一次請工人，請嘅時候因為好急，於是經親友用開嘅AGENT 請左個未做過嘅印尼姐姐，至今入屋5個月。
自問唔係高要求嘅人，而我屋企絕對係好好做：得一個已上小學嘅女，無FTM，無老人家，工人只須做清潔同接放學，唔駛買餸同煮飯。
但從佢入屋後，我本人心情從來無好過，手腳慢、咩都唔識、做野求其嗰D 唔講了。。。。。

1) 經常整爛野：由入屋第一個星期開始到今日，已打爛左好多你諗唔到會整爛嘅家品：床頭燈、廁所鏡櫃、廚櫃門......仲要整爛野次次賴唔關佢事.....

2) 無照顧好小朋友：入屋第一日開始就不斷提住，照顧好小朋友係佢最大嘅責任。佢平時已經唔理個女，由佢自生自滅，自己就閃埋響廁所廚房玩電話，我都算，自己間屋又唔係多野做。點知有一次﹐ 亦係我最不能接受嘅一件事，佢留低個女響平台，自己走左入舖頭買午餐。因為我到夜晚返到屋企女先講，除左話佢同同AGENT 講之外，已經無野做到。

4) 無心學無心做：溝通唔到係另一大問題。佢唔識中文同英文，明白嘅，我一開始都好努力教佢聽下廣東話。當然複雜少少嘅我都用GOOGLE TRANSLATE 做印尼文等佢明白啦
但亞姐你明知自己要響呢度生活，係咪嘗試下學廣東話呢？完全無諗過學，5個月啦，到依家仲未識聽匙羹、麥當勞（已經寫好紙，佢落去只需俾職員同嘟八達通）。。。。。每次到最後都係我地自己攞返、落去買咁。

都睇得出我有幾不滿了吧。。。。。。。。

連我女都問，佢做野做到咁，你做咩會請佢？

我一路本住心，人地要放棄自己家庭，離鄉別井黎香港搵錢，要對佢好D，多D包容；但呢。。。。。唉，話佢話到自己都覺得自己討厭，好矛盾

俾著係你地，你地會點處理呢？