網購天地 今日: 4|主題: 70450

但係我試過廣州的集運都係一樣出事啊，又係話計體積但公司規定唔可以拆開喎，結果5kg貨最終實收11kg計體積，冇下次！

咁明目張膽的打手宣傳回帖都係第一次見咋，不過真小人都總好過偽君子嘅！

我就係試過5kg貨實收我11kg，話要計體積喎，但係收到貨時發覺張底單乜都冇寫嘅，又冇寫重量、又冇寫係計重量定係計體積喎，邊個知那集運交比快遞係5kg定係11kg，有冇從中食差價呀？

佢話：8个件，46*47*30/6000=10.81，要求佢拆開幾件貨pack埋一個包裹以「實際」重量來收費，佢又話公司規定唔可以咁做喎，但係以前反而試過佢在冇問過顧客的情形下就私下拆開貨品來寄個喎？

但係以前試過一次收我8kg，但之後就拆細淨番3kg至交比快遞，咁就賺多差價5kg喇，但係唔明果陣就可以拆開，但宜家又話唔可以嘅呢？

宜家就轉咗第二個濫收費用方法，宜家越嚟越多集運都興計體積，因為真係有呢個計法你都奈佢唔何，最多以後唔用佢而已，我有次5kg貨那集運企硬話要計體積，D貨都喺晒佢度咯，佢開幾多你都要比架啦，我冇得選擇咪照比囉，但到收件時，發覺張order form除了姓名、地址、聯絡電話的必須資料外，就乜都冇寫的了，就連件貨有幾重，是計實際重量定體積都冇註明的，邊個知佢係咪收我就計體積收11kg，但交比快遞就計重量只比5kg人哋而已呀？咁樣就可以賺多6kg架喇！

唔知比人以體積收取過費用的JM們，張order form有冇列明嘅呢？唔知身為消費者有冇權利要求清楚列明嘅呢？因為內地人不嬲都冇明碼實價的概念，如果咁要求會唔會反而被人話香港人真麻煩架？

我就通常唔會多過10間，宜家好多時5、6間貨齊就走架喇，免得比人籍詞話oversize要計體積呀！