到底應唔應該分開,放棄一個自己很愛既人,自己將來又會唔會後悔?
依幾個問題,我問過自己超過一千次~
讀中學時認識佢,唔知點解男仔既數學多數比女仔好, 因為我數學超差,所以佢主動幫我補習, 慢慢我對佢都有好感, 我地好自然就係埋一齊, 亦都係我地兩個人既初戀, 感覺特別美好,簡簡單單但當時大家真係好開心, 佢接我放學,一齊行下街,睇下戲,食下飯.
我地拍左2年拖,由最初熱戀--->平淡 --->最後都敵唔過要分手. 分手係我提出既,原因係我地平淡到可以好耐唔見,電話又唔洗傾,而最重要係我感覺到佢已經唔再關心我, 幾乎感覺唔到有男朋友既存在.
(後來佢先講返比我知, 當時其實佢都想分手, 但又唔知點開口, 所以唯有對我冷淡,令我知難而退.但總算和平分手.)
分手之後,我地各自各生活, 亦各自有左新戀情, 個時真係以為自己會同當時既男朋友結婚.但緣份既野… 後來我地又因為種種原因各自都同自己既男女朋友分開左, 之後係一次朋友聚會, 我地再次見面,發現過左咁多年, 原來彼此都仲有感覺, 舊情復熾,好快我地就決定結婚.
所有事都好美好,我亦以為自己會好幸福,我由細到大最大既夢想就係擁有一個幸福既家庭,有老公錫,然後生一兩個小朋友.
但事與願違…直到結婚後, 我先發現原來老公有野無講我知...
結婚前,我地從來都無發生過關係,一直以來我以為係因為尊重我,直到婚後我地先住埋,但佢竟然無主動要求過,我開始覺得奇怪,初時都唔好意思開口問佢,或者因為佢累,返工太辛苦, 但過左大半年佢都仲係無任何動靜,最後我忍唔住問佢…
（待續）
Sorry, 要大家等！
****************************************
我問佢你唔覺得我地有問題？正常既唔會係咁，點知佢竟然答我
「我唔覺得有問題，而家咁咪幾好」
我念左好耐，甚至懷疑係咪我既問題，又或者我唔夠吸引，所以好努力咁扮靚裝備自己，點知佢都係無反應，跟住又過左一段時間，佢再次比我既答案係
「你可唔可以唔好成日問，咁樣我好大壓力，要順其自然」
好吧！！我忍⋯唔問等運到既日子又過左一排，結果又係一樣，我真係頂唔順啦！同佢再傾，點知仲演變成嘈咬，我真係唔明，點解每次佢都可以講到好似有問題既人係我，我做老婆既，唔諒解佢工作辛苦，年紀大體力下降等等.
唉，講真，佢又唔係好老！依啲事，我真係唔知可以同咩人講，我知自己就快發癲, 最後我選擇左去見輔導，不過見左2-3次，個導師叫我要帶埋老公黎先有用，否則問題唔能夠解決. 因為我一個人係解決唔到，但我老公根本由頭到尾都唔覺得自己有問題，佢又點會乖乖去呀！我用左好多方法，最後只迫到佢去一次，但我地既關係亦開始變差，而且最重要既係見完等於無見，佢同導師話自己工作壓力大，太辛苦,所以無心機。
見完後，佢嬲左我！佢覺得我迫得佢太緊，所以之後無再去啦!
可以念到既方法我都用過, 直到上年,我終於說服到佢去見醫生,一開始醫生開左”偉哥”比佢, 叫佢試下, 但都係唔得, 佢一食完就話頭痛, 次次總有藉口. 後來醫生叫佢去做BODY CHECK, 但check完竟然話佢完全無問題,可能因為緊張
*************************************************
緊張, 咁即係點先,即係往後既日子都係咁, 我要做好心理準備, 但我最怕係, 我地咁既關係可以維持幾耐? 前前後後已經8年啦, 要放棄真係唔容易,我係真心愛佢, 我有諗過如果佢真係唔得, 咁不如用人工受孕生個BB, 唔好再念太多, 接受往後日子無性生活就算啦!點知而家CHECK到佢係無事, 我完全說服唔到自己
JM們,如果係你地,你地又會點? 有無男士可以比下意見我,從你地既角度睇, 係咪真係有男人係咁?
發表於 
佢唔得?
返回列表
