夫婦情感 今日: 0 | 主題: 42451

積分: 48105

1^#

發表於 16-2-25 23:05 |只看該作者 |倒序瀏覽 |打印

以前同老公好恩愛，屋企嘅家務，佢好經常都懶理，佢好中意打機，砌lego，上淘寶，不過佢處理好屋企嘅財政，咁好多時我都由得佢，雖然日日我都朝8晚6，但都等自己放工或放假番去做囉！費時計咁多。。。
係計劃生b前，我同佢傾過，第時我有左，佢未必可以成日打機，有好多野要準備，我又未必可以咁粗勞，老公樣樣話ok...
到依加有左，佢繼續不停打機，我胃口唔好，我媽有時會燉湯，話唔食都飲淡湯，到番自己屋企，乜都無，我自己發好左花膠，想老公日頭煲下湯，都可以日日無件事，我有時等放假先自己煲，加上我腰加坐骨又唔好，根本無辦法做得多，同老公講過，洗衫其實好快，又唔駛自己手洗，唔好積埋，吸塵拖地前後一個鐘就搞掂，都係唔理，我試過忍唔住，做左個幾鐘，又mou又搬搬抬抬，結果條腰痛到郁唔到，又頭暈，連肚都痛埋，差啲要去醫院。。
今晚番到屋企，間屋好似狗窩咁，我睇見已經好唔舒服（隻杯可以飲完丟係度起一層積，啲衫堆到起碼有三機，廚房有佢日頭食公仔面剩番嘅碗同煲未洗，成個玄關都係佢嘅鞋，成張梳化都係佢背囊，屋企一滴飲嘅水都無），我都唔出聲，佢一番屋企，就開始砌lego，一個鐘後，我見佢開始打梗機，佢有問我食唔食野，我話唔係好有胃口，等多陣，一個鐘後，我話要點都要食啲野，去食野啦～佢就繼續打機，我又等多半個鐘，我再問佢要食野，佢可以答我，其實唔食野都得啦！
我戈下無出聲，唔想望住佢打機，自己入左廚房，發現個廚房又係狗窩，如果有煲湯，我都可以自己飲加熱由得佢，但戈刻我係乜都無得食，仲要收拾殘局！
我除左憎佢，無第二種感覺，我未試過咁憎佢，我真係好想叫佢走，我唔知係咪懷孕都會有影響，但我未試過嬲成咁！
希望唔好鬧我唔俾老公打機咁變態，我無反對過佢打，但打到自理能力都無嘅，我覺得仲變態！

0 0 0

私人傳訊

tommy715

男爵府

積分: 6304

2^#

發表於 16-2-25 23:30 |只看該作者

回覆:有左係咪真係會睇老公唔順眼

靚太保重粗身大細，你一係請个鐘點，一係返外家住同坐月可以的話?个C6咁沉迷打機又冇愛心，㸃對得落去真的冇人性，走啦理Q佢呀正C6留係度小產都似!

私人傳訊

GilTse

積分: 2202

3^#

發表於 16-2-25 23:48 |只看該作者

回覆：有左係咪真係會睇老公唔順眼

你老公又係幾沉迷打機喔，你粗身大細幹脆無理佢，番娘家。

私人傳訊

purplerain0348

男爵府

積分: 9888

想生BB熱投

4^#

發表於 16-2-26 00:35 |只看該作者

回覆：有左係咪真係會睇老公唔順眼

我唸如果果一刻你一個人落咗街，佢都可無發現

老婆大肚，打少陣機都唔得，真係被遊戲迷成咁，好討厭

私人傳訊

積分: 48105

5^#

發表於 16-2-26 01:26 |只看該作者

引用：我唸如果果一刻你一個人落咗街，佢都可無發

原帖由 purplerain0348 於 16-02-26 發表
我唸如果果一刻你一個人落咗街，佢都可無發現老婆大肚，打少陣機都唔得，真係被遊戲迷成咁，好討 ...

佢一直打，其實我有提過，話唔好打到乜都唔理啦～第時有阿b都無得打，咁點算喎~
直到兩個星期前，我見佢真係無打喎~咪問佢完全唔打嘅?我都無要求咁極端，佢答我，唔打啦～你唔想咩？我戈時仲有啲開心~
點知上個星期佢開始砌lego。。過左幾日，我發現佢原來打梗新game。。最衰佢啲朋友，仲要打尼氹佢快啲一齊打~

私人傳訊

積分: 48105

6^#

發表於 16-2-26 01:29 |只看該作者

引用：靚太保重粗身大細，你一係請个鐘點，一係返

原帖由 tommy715 於 16-02-25 發表
靚太保重粗身大細，你一係請个鐘點，一係返外家住同坐月可以的話?个C6咁沉迷打機又冇愛心，㸃對得落去真的 ...

我有請鐘點，不過唔係日日有，可能一星期一兩次，但我老公，每次鐘點執完，乾乾淨淨，佢可以快速整番亂！
其實佢都幾錫我，就係好懶懶閒，真係唔踢唔郁，仲要踢幾下先郁！有時我仲好似反而係衰人咁！

私人傳訊

積分: 48105

7^#

發表於 16-2-26 01:32 |只看該作者

引用：你老公又係幾沉迷打機喔，你粗身大細幹脆無

原帖由 GilTse 於 16-02-25 發表
你老公又係幾沉迷打機喔，你粗身大細幹脆無理佢，番娘家。

我就係費時日日都番娘家，一番去，真係好夜先番屋企，有時真係想早啲食啲野，早啲訓，但個老公唔爭氣！

私人傳訊

Masaaaaaa

複式洋房

積分: 454

8^#

發表於 16-2-26 01:33 |只看該作者

回覆：有左係咪真係會睇老公唔順眼

我同老公分居佢嘅其中一條死罪就係我有咗成日逢五，六就出去打機叫佢早啲返佢打到朝早5,6點先返到啊女出咗世頭一個月最難熬我坐月要休息多d佢完全唔幫手，無再出街打機，但轉咗打手機game ，我月坐得唔好。仲搞到有抑鬱，咁當然唔只打機咁少事啦

私人傳訊

ANNATERA

積分: 2430

9^#

發表於 16-2-26 01:39 |只看該作者

回覆：有左係咪真係會睇老公唔順眼

我同你情況好似，不過我地冇小朋友。我屋企果件又係淨係識得打機，咩都唔做，真係成日諗嫁佢做咩，做女好過。我依家都成日睇佢唔順眼。

私人傳訊

camilleting

積分: 2304

DHA勳章

10^#

發表於 16-2-26 01:43 |只看該作者

回覆：有左係咪真係會睇老公唔順眼

做爸爸啦仲成日打機唔掂喎

我有左反而無生左先開始睇佢唔順大大小小既事例如：佢連整棵菜比個仔食都唔識而佢就覺得我連佢唔識整菜咁小事都話一餐有好多磨擦

私人傳訊

Philover

積分: 2806

11^#

發表於 16-2-26 02:08 |只看該作者

引用：Quote:原帖由 tommy715 於 16-02-25 發表靚

原帖由 做個靚太 於 16-02-26 發表
我有請鐘點，不過唔係日日有，可能一星期一兩次，但我老公，每次鐘點執完，乾乾淨淨，佢可以快速整番亂！
...

靚太，完全明白妳嗰種陀一個，仲要湊一個大細路嘅苦況，首先現時嘅妳最緊要靜心，唔好激動，人哋話陀住B成日激氣會生個炆B㗎。至於家務方面，可能妳要家務助理嚟密啲，但記得一定要叫C6負責筆數，等佢知道妳頂唔順佢嘅壞習慣而安排家助嚟密啲，另外好好認真同C6傾個問題，俾我會恐嚇佢話要中止懷孕，事關佢咩都零幫手，仲生BB 做咩？咁當然唔會真係唔要個BB啦，但妳要有心理準備，BB 出世後，問題會加劇，妳會更加頂C6唔住，所以要及早正視問題

私人傳訊

jzzz1102

伯爵府

積分: 15361

12^#

發表於 16-2-26 02:20 |只看該作者

回覆：有左係咪真係會睇老公唔順眼

你c6真係太過分，jm大住個肚就唔好咁操勞啦，勸下你c6啦，否則阿b出世後仲多野煩

私人傳訊

cheungngstella

積分: 1741

13^#

發表於 16-2-26 08:11 |只看該作者

回覆：有左係咪真係會睇老公唔順眼

結婚後不嬲佢都係乜都唔使做，所以就算佢懷孕前答應左你會幫手，最後都係無左回事！男人就系禁，永遠講完就算，就算嗌極都唔郁架。

你唯有密啲請鐘點啦，再唔係就返媽媽度住，等坐完月先返去，你老公係心態上問題，除非佢自己醒覺，唔係既話，生完仲多問題架啦！一系睇開啲，一系自己做返哂！

點都好，陀住一個仲要湊一個，我好明白你感受，因為我老公起初都係禁，後黎我辛苦得濟，佢又唔知點解叮一聲禁，自動照顧我同打理屋企，希望你老公都會！加油！

私人傳訊

積分: 48105

14^#

發表於 16-2-26 08:25 |只看該作者

引用：我同老公分居佢嘅其中一條死罪就係我有咗

原帖由 Masaaaaaa 於 16-02-26 發表
我同老公分居佢嘅其中一條死罪就係我有咗成日逢五，六就出去打機叫佢早啲返佢打到朝早5,6點先返到啊女 ...

佢唔會打到5，6點，但都會打到2，3點，我有時訓到半夜醒一醒，見佢仲打梗，都會提早啲訓~
佢成日打到咁夜，跟住日頭叫佢執一執屋，佢就眼訓，要休息下。。一係攤係度上網淘寶，就係度話唔得閒！
我真係忍夠佢啦！

私人傳訊

chelseywong

男爵府

積分: 6823

15^#

發表於 16-2-26 08:27 |只看該作者

回覆：做個靚太的帖子

Find a maid / 鐘點。你唔係工人，係靚人妻。

私人傳訊

MrsBlueBlue

子爵府

積分: 10708

16^#

發表於 16-2-26 08:50 |只看該作者

嗯.......
男人........
我老公都好鍾意打機....
（我未有小朋友）
不過老公好錫我嘅算
佢放假我叫佢做家務佢都會做
以前我放工都未做話佢一兩次要喺我返黎前做
佢就做好晒⋯⋯
以前佢煮完嘢食又係留過夜都未洗
我話唔可以留！惹小強
佢就冇再留一定洗（除非佢唔舒服
但會喺我耳邊細細聲講話冇洗因為頭痛（我瞓左））
男人係要馴服佢你應該一開始就訓練佢

我睇我老公愈來愈順眼希望我有左佢都好錫我

私人傳訊

積分: 48105

17^#

發表於 16-2-26 08:52 |只看該作者

引用：做爸爸啦仲成日打機唔掂喎我有左反而無

原帖由 camilleting 於 16-02-26 發表
做爸爸啦仲成日打機唔掂喎我有左反而無生左先開始睇佢唔順大大小小既事例如：佢連 ...

我就係擔心，有左小朋友，會好多口角，我都有聽朋友講過。。。
所以我有時見佢玩梗乜，我就順便講，如果有小朋友，就無得咁玩，咁點算。。
我真係唔想咁樣嘈，我覺得好煩！

私人傳訊