吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 好想磨滅一些不愉快記憶

心聲留言今日: 8|主題: 17322

收藏本版

發帖

返回列表

跳至頁

查看: 5865 | 回覆: 44

好想磨滅一些不愉快記憶 [複製鏈接]

12 3

愛莎皇后

民房

積分: 14

1^#

發表於 16-3-12 04:56 |只看該作者 |倒序瀏覽 |打印

童年被祖父非禮，自小父母離世，跟從祖父母長大，寄人籬下的生活就像粵語長片般劇情（不詳盡）！今日都已高0了，幾十年呢些不愉快的往事...記憶約五歲開始祖父經常手多多對我摸手摸腳（包括私處、胸部，隔著衫褲），整完你就笑一笑，細個真係唔識既，可能未有那些感覺，以為佢特登「嚌」你，其實已經好唔鍾意被掂既感覺，屋企有其他人見到都無出聲，可能大家都仲細或者見慣咗，唯有時祖母見到會話兩句：「正經啲啦！」直到十歲八歲開始發育期，都仲有出手，不過我戎心已好強，經常擋開走去祖母附近，最慘係有時瞓著咗，又唔知佢返咗黎，就中招，好似要揸到你先心息，我真係好唔開心，我當時大個喇，成日咁樣無啦啦被人非禮敏感部位，好難形容令心、生都唔舒服既感覺，仲要日夜都在防被狀態，無一晚瞓得冧，因為一聽到腳步聲就醒，要百份百聽到佢行番入房+鼻寒聲才敢入睡，我沒有父母的，可向誰呻訴？！根本唔敢講，只有想過死...應該沒有人感受到每天過著提心吊膽怕被人偷襲的生活係點過！...亦試過屋企只剩自己和祖父，佢竟然用一千元引誘我，叫我「同佢瞓覺」，佢果陣係咁講，我有得十歲再蠢都唔會唔知佢講乜，諗番自己真係好慘當時，佢又坐你隔離攬住你，但我已用盡方法不斷將自己隻手摭住重要部位，早上九點幾開始問，心不斷祈求祖母快啲
返，我當然不停say no!根本無諗過一千蚊有幾多，我仲不斷提佢，我係你個孫，你個仔個女、你係我祖父！...最後佢選擇放棄，我竟然得到既係被稱讚，祖父話我有骨氣，無被金錢出賣自己！我當然無覺得自己叻叻啦，只覺得逃過一劫，咁多年我第一次抒發，點解過咗咁耐，且祖父都已過身，我仲要提？唔係我想，而係我經常發夢都係細個時被非禮的畫面！而現實我已無嬲，無因為咁而唔開心！只不過逃不過我潛意識既夢，令我成日想起，好煩！...係咪因為我從來無同任何一個人講過，鬱住係個心我唔知呢！我唯盼開post講出黎，希望對自己有幫助，完全可以放下！補充：好似自那次我拒絕陪瞓後，記憶沒有被非禮了，或者佢真係被我提到佢：「我係你個仔個女」！之後我並沒有放下戎心，直到住到十八歲，我就搬走！
另，祖父已過身！故唔想各位對他有所欲罵！

0 0 0

私人傳訊

愛莎皇后

民房

積分: 14

2^#

發表於 16-3-12 05:08 |只看該作者

回覆：好想磨滅一些不愉快記憶

其實無論幾細個，意思大約兩三歲左右，被非禮過都會記得，在我媽媽未離世前，我大約三歲左右（因我未夠四歲時媽媽就走了），跟她到街坊家打牌，佢有佢地打牌，大家既仔女就玩埋一齊，果家人屋企有張吊床，唔知算唔算角仔，我殘留既畫面係，被個男仔（大我兩三歲）剝光豬，已唔記得佢做過咩，大個啲之後先諗番被個細佬非禮！呢個畫面而家仲記得！

私人傳訊

愛莎皇后

民房

積分: 14

3^#

發表於 16-3-12 05:27 |只看該作者

回覆：好想磨滅一些不愉快記憶

希望我一次過吐出咁多年自己鬱住既陰影！...係我第一次跟老公開始dodo，竟然勾起了我一個回憶，才驚嚇醒！...咁我背住老公，好自然會感到有些東西貼住自己！就係呢種感覺，原來自己一直矇而不知，白痴！又講番細個，其實都係約十歲前（可能最易蝦，最唔識保護自己），寄人籬下，我阿爸個細佬成日襯屋企無人就叫我坐係佢前面，佢平時都好賤，成日打我、恰我，我果陣好驚被打，都服從多，佢只叫我坐，我唔知做乜架，每次都感到有啲東西貼住我patpat，貼下貼下佢就會自己走番入房，又唔會話叫我可以行開！我見無乜動靜之後先敢走開自己去玩！（細個從來無見過男人即部位，更加唔知會硬，所以唔知阿叔用咩貼住我，只知佢越坐越我）呢個陰影至今仍影響我心理，我唔鍾意老公既東西係後面掂到我，有時佢想要，不免會發生，那陰影即時重現！個天點解咁對我...！

私人傳訊

愛莎皇后

民房

積分: 14

4^#

發表於 16-3-12 05:29 |只看該作者

回覆：好想磨滅一些不愉快記憶

呢些事我唔想係公海講，因公海好多無理人，只管鬧人或自以為給意見等！希望此版明事理些

私人傳訊

愛莎皇后

民房

積分: 14

5^#

發表於 16-3-12 05:50 |只看該作者

回覆：好想磨滅一些不愉快記憶

我所說的，可能大家覺得匪夷所思！但全部都發生係親人對我身上，我都唔知同邊個講好！...最後一個，又係關於交易，呢個係我哥哥，我唔知點解，上天要咁安排！我就只有一個大我多年的阿哥，當時佢約廿幾歲，佢問我可唔可以比佢睇下「下面」，最多比錢我丫，接住解釋就係未見過女人？！（由於我和哥哥同樣自細就無父母，佢性格都變得沉默！莫講話女人，同人溝通都難）我好嬲咁拒絕！之後其實我好心痛，千千萬萬個點解？最親的就係我既哥哥，佢角色唔係應該保護我架咩？點會對我發出咁要求？佢幾時開始無當我係相依為命既妹妹呀？到今日我同關係扮無野，或者佢地都以為我唔記得，但呢幾位屋企人既刺仍刺在我心上，呢世都唔會有人拔得走！

睇到呢度，大家會唔會明白我，可以向誰傾訴？

私人傳訊