吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 你見過最差既弱能人士宿舍／老人院係點？ ...

自由講場今日: 999|主題: 1302992

收藏本版

發帖

返回列表

跳至頁

查看: 3833 | 回覆: 41

你見過最差既弱能人士宿舍／老人院係點？ [複製鏈接]

12 3

傳統涼果

大宅

積分: 3406

2024年龍年勳章

1^#

發表於 16-10-23 09:58 |只看該作者 |倒序瀏覽 |打印

本帖最後由傳統涼果於 16-10-23 10:49 編輯

《喺香港地，老弱傷殘都會「嫌命長」》

同大家講一個悲劇......
我呀媽係一個專業c9，c9嘅networking係超乎你想像，唔使靠facebook，c9係靠儲印花換煲同打麻雀建立友誼，但佢哋呢份友誼絕對唔薄弱。(雖然我唔明換咁多煲來做咩，但我信c9 心目中唔同型號嘅煲，就好似唔同型號嘅高達一樣，外行人識條鐵咩)

10年前，我呀媽喺百佳識咗一個part time賣壽桃面嘅 c9 ，壽桃面c9有一個獨居婆婆鄰居，於是我媽就識咗呢個獨居呀婆，呀婆好早守寡，佢有一個仔，讀完中學就去咗加拿大，呢個仆街仔竟然由個刻開始，無返過來香港，亦再無理呢個呀婆。呢10年間，我呀媽，壽桃面c9 都嘗試摷呢個仆街仔出來，問佢點解唔返來，但個仆街仔話呢啲係佢家事，堅持唔返來，叫其他c9 唔好理。呀婆咁多年都透過社福機構捐款度日。
　
2015年10月，呀婆喺將軍澳一間百佳行緊街，有一個大陸女人手持行李，撞向呀婆，呀婆跌到，送院之後腳骨同盆骨斷裂，做完手街之後唔行得。呀婆手術後堅持出院，寧願住老人院，當時好多人都勸佢留院多一排，因為「老人家入老人院係死得特別快」
　
呀婆做完手術，一直都唔行得，大小二便都要人照顧，當時c9 們都輪流去探佢，個間老人院細到不得了，間房就係一張床加一個櫃，可能你會話佢都唔郁得，幾細都doesn’t matter，但我覺得，呢個空間真係衰過赤柱，亦解釋到點解入老人院會死快啲。
　
※※※※※※※※※※
大家仲記唔記得2015年5月，大埔劍橋護老院俾人影到，職員安排院友除哂衫喺天台等沖涼。呢幾日，我睇到日日夢遺嘅院長張健華涉嫌性侵智障女事件，初頭我以為又係個間仆街劍橋，原來今次係康橋。呢啲集團式院舍，改埋呢啲「豪華」名，真係好諷刺。張健華有無性侵智障女？就憑佢呢個星期訪問嘅對答，佢真係「屎味甚濃」，身有屎個屎。但我今日想講嘅唔係張健華「屎味甚濃」，我想講下照顧老弱傷殘嘅責任.....
※※※※※※※※※※
　
政府有責任，但政府就係唔負呢個責任.....
政府無撥到應有嘅資源同土地做老弱傷殘院舍，亦無監管呢啲私人經營嘅院舍。政府嘅監管永遠都係出事之後，如果大家記得，上年劍橋係俾人巡查過96次，出過15封警告信，社署都無釘佢牌，係俾傳媒揭發咗，先唔俾佢續牌。而今次康橋八個月發生六宗院友死亡事件都無人理，係直至爆出性侵女院友事件先俾人釘牌。
　
政府唔負呢個責任，私人院舍更加唔會負.....　
私人院舍經營者係當一門發大財嘅生意來做，佢哋唔係社福機構，要賺盡，加上呢行根本係嚴惡性行業，私人院舍於是用好低嘅價錢，請一班唔合資格嘅員工。佢哋唔做無人做，咁亦解釋到點解呢啲院舍服務咁差。
　
而香港嘅家屬，亦只可以用錢負上照顧家人嘅責任.....
你唔搵食，你點有錢俾私人院舍照顧你家人，而你搵食，你點目及住院舍有無照顧好你家人？
　
※※※※※※※※※※
大家都知院舍係(等)死路一條，但香港地亦只有呢條死路.....
香港地，老弱傷殘必然係一個悲劇。無論係我呀媽個呀婆朋友，上年劍橋院友，甚至今年康橋院友，都係俾社會一班繁忙嘅人遺棄。政府拎多啲錢出來？院舍賺少啲？家屬唔好搵食？無一方係做到架。
　
呢個死局，大家都見到，但大家都解決唔到.....
只要政府俾多啲資源，監管多啲就會無呢啲悲劇？香港地呢個地方，秒秒鐘幾百萬上落，政府邊得閒理啲「對經濟無貢獻嘅弱細社群」。政府根本無興趣解決呢啲悲劇，佢只係想大家唔好目睹呢啲悲劇。
　
咁可以點？作為一個香港人，我會希望我死得有技巧啲.....
香港地根本係一個只可以(即)死，唔可以「等死」嘅地方。你有病，要拖長來死，你就必定要入老人院舍，因為我捱足一世先買到層樓，如果我死返屋企死，我層樓就會變成凶宅，所以話香港人真係好撚可憐。
　
PS. 我呀媽個呀婆朋友，喺今年1月過身，入老人院唔夠半年。我媽最後一次探呀婆嘅時候，問呀婆想食咩，呀婆話佢好想食杯面，因為佢好耐未食過咸野，於是我媽買咗個合味道俾佢。其實，人真係好簡單，就係食同住姐，但呢兩樣咁簡單嘅野，喺香港真係好難。

岩岩上網睇到呢篇文，我唔係去得多弱能人士宿舍／老人院，想知道入面其實係點？

0 0 0

我鐘意舊嘢，新嘢點都取替唔到。

私人傳訊

baby_ju

子爵府

積分: 13384

2^#

發表於 16-10-23 10:44 |只看該作者

回覆樓主:

聽到呢d好sad, but true

私人傳訊

mickey2013

男爵府

積分: 9181

2018復活節勳章開心吸收勳章

3^#

發表於 16-10-23 10:51 |只看該作者

有次探人，丁咁大既私家單人房過萬，入到去老人院一大陣尿味，隔離既呀婆成日大叫，又有個不停話好痛，見到佢食既野真係我都唔想放入口，佢個女就係怕個呀媽係度俾人蝦，朝朝返工前收工後都上去陪呀媽。d姑娘呼呼喝喝，當你唔係人咁。我唔敢想像無人探既老人家會有咩待遇。咁我都有親人係政府老人院，個度簡直係天堂，有空間又乾淨，飯菜又好，但要排隊排幾年

私人傳訊

QQ6543

大宅

積分: 2289

4^#

發表於 16-10-23 10:53 |只看該作者

香港地「唔駛病自然去」先係福氣。

點評

wcpcelia

發表於 16-10-23 15:28

私人傳訊

Smallraindrop

翡翠宮

積分: 75393

5^#

發表於 16-10-23 12:20 |只看該作者

mickey2013 發表於 16-10-23 10:51
有次探人，丁咁大既私家單人房過萬，入到去老人院一大陣尿味，隔離既呀婆成日大叫，又有個不停話好痛，見到 ...

政府老人院真係環境靚好多
又多空間好多
我有個舅父去過住所以知道

私人傳訊

Smallraindrop

翡翠宮

積分: 75393

6^#

發表於 16-10-23 12:23 |只看該作者

QQ6543 發表於 16-10-23 10:53
香港地「唔駛病自然去」先係福氣。

就算政府醫院D 姑娘有D 都好衰架

我公都試過比姑娘好衰咁對待，插喉在喉嚨好大力咁插入去，大老人地仲未死架，又出唔到聲

可以用一般力度架嘛

私人傳訊

701003

水晶宮

積分: 60378

畀面勳章

7^#

發表於 16-10-23 12:29 |只看該作者

引用：Quote:QQ6543 發表於 16-10-23 10:53 香港

原帖由 Smallraindrop 於 16-10-23 發表
就算政府醫院D 姑娘有D 都好衰架

我公都試過比姑娘好衰咁對待，插喉在喉嚨好大力咁插入去，大老人地仲未 ...

係，我住過\"大\"愛醫院內科，見過亞婆俾姑娘蝦，我向醫生投訴，醫生仔唔敢話佢，我揹住廿四心電圖裝備，都去office投訴果個港女姑娘

私人傳訊

chairhair

男爵府

積分: 8251

8^#

發表於 16-10-23 13:20 |只看該作者

baby_ju 發表於 16-10-23 10:44
聽到呢d好sad, but true

睇完心好難受好難受

私人傳訊

ivycowcow

公爵府

積分: 29789

9^#

發表於 16-10-23 13:36 |只看該作者

政府果d好好，私人果d勁差。

完全唔明點解政府唔增加資源

私人傳訊

zola

侯爵府

積分: 20471

2018母親節勳章 2018復活節勳章醒目開學勳章

10^#

發表於 16-10-23 13:36 |只看該作者

一諗到自己都會有咁既一日，好無奈。。。

私人傳訊

SS0303

珍珠宮

積分: 43036

11^#

發表於 16-10-23 13:45 |只看該作者

mickey2013 發表於 16-10-23 10:51
有次探人，丁咁大既私家單人房過萬，入到去老人院一大陣尿味，隔離既呀婆成日大叫，又有個不停話好痛，見到 ...

有時排到死都未入得到政府老人院，但如果有殘障可能會快少少入到院！

私人傳訊

fishfish121

子爵府

積分: 11216

12^#

發表於 16-10-23 13:54 |只看該作者

回覆樓主:

早2年望住劍橋既員工推呀婆出街。商場啲門準備關埋時, 個員工快快趣推住呀婆撞開度門, 眼見呀婆腳係咁撞度門都出唔到聲

私人傳訊

baby_happy

公爵府

積分: 27520

好媽媽勳章醒目開學勳章環保接龍勳章

13^#

發表於 16-10-23 14:08 |只看該作者

回覆樓主:

好心up

死唔可怕，冇好死﹑等死先可怕，所以有句鬧人嘅說話好毒：冇好死，小心後尾兩年

私人傳訊

SullytheMonster

伯爵府

積分: 17868

14^#

發表於 16-10-23 14:45 |只看該作者

睇完好不安，唔係怕自己，係怕自己冇能力俾屋企人好的養老生活

私人傳訊

Bibibut

公爵府

積分: 25201

15^#

發表於 16-10-23 14:48 |只看該作者

無論私院及NGO機構，同樣面對低薪，請吾到人的問題，試問萬鬆d人工，請咩質素的人做嬸嬸，又要輪更，打風又要返，又要扶抱，冲涼屎尿餵食......坐都冇得坐，人手又吾夠，講咩質素？有d老人要覆診，家人吾陪診，請到陪人還好，請吾到，出自已staff, 又少對手做野，因為一覆就幾個鐘。做老人還好，做智障，分分鐘收埋d暴力case,比case打都有。家人呢兩個字名存實亡，有d有家人，成年吾來探，衣服鞋襪有d係staff貼錢買，或staff的家人的舊衣。有事的時候就問責。今次康橋事件，係社署自己用石頭砸自己的腳。

私人傳訊

SullytheMonster