因為有左, 所以想請工人幫輕家務, 順便照顧初生bb,但第一次請工人,結局是非常嘔血, 刻骨銘心！話說由第一日到婆婆家, 工人已經識得擺架子！
第1天(Sat)：第一天, 工人返到婆婆家, 就好勤力去廚房抺野, 到晚上訓覺時, 姐姐就話好驚. 吾敢訓訓碌架床上層, 因婆婆家只有兩張碌架床, 佢竟然開口叫婆婆同佢交換, 話佢以前個主人有房比佢同小朋友一齊訓; 我咪出聲同佢講, 你竟然叫婆婆同你換床訓上層, 婆婆60幾歲咁大年紀,點爬上上層, 姐姐回答：我問下姐, 吾得咪我上去訓！當晚激到我
連肚內bb都不停咁郁！
第2天(Sun)：星期日放假, 比姐姐出街, 到晚上8點, 姐姐還未回來,whatapps 我回家中,但吾識得落車, 好似落錯小巴站, 所以遲左返一大堆藉口, 咁我同姐姐講, 無下次, 下次一定要8點前準時回來, 佢說ok, 我叫佢沖涼,佢竟然回答我, 已經係出面沖左涼, 不用沖, 連底衫褲都吾換！oh my god,
全身都是汗水,叫佢沖涼, 仲摶咀話係出面沖左,又吾肯換衫褲,心諗BB 出左世, 佢咁污糟, 點算？跟住我當晚打比老公已傾, 覺得好有問題！
第3天(Mon)：早上叫佢食早餐, 佢話吾食走入廚房不停咁抺野、清潔, 仲以為佢好乖！點知度佢竟然走去同婆婆講, 吾食隔夜面包(美心買定排包做早餐, 我大肚都食得, 你點解吾食得)！佢竟然開口叫婆婆比錢佢落街買野食！
咁我唯有同婆婆一齊跟佢出去買野食, 看一下佢的飲食習慣, 如買印尼咖啡、Indome 放家中等佢整自己早餐, 入到印尼舖頭, 佢話吾飲coffee、吾食Indome, 佢竟然選左飯盒, 話每朝都要食這種新鮮做的印尼飯盒做早餐, 叫我地每朝比佢$20就得！即場激到我嘔血
,飯盒材料只係白飯同鷄翼, 邊洗每朝比$20走到咁遠買,我家中冰箱大把鷄翼, 你自己開火煮咪得！
第4天(Tue)：好啦！叫佢煮中午、晚餐, 姐姐竟然全部都用哂d雞粉來醃全部的肉(包括新鮮魚、雞柳、雞翼、豬扒), 跟住全部攞去炸, 仲話自己識得煮飯！婆婆同佢講太太大肚, 點可以食咁多雞粉, 炸野？對BB不健康, 佢就摶咀”我以前主人都係咁煮” 都無問題！仲一言九鼎！
第5天(Wed)：今日比婆婆發現姐姐用綱絲刷洗電飯煲、平底鍋, 洗到花哂！婆婆話佢, 仲話你都無同我講”吾可以用這個刷洗電飯煲、洗平底鍋”, 真係吹漲
！！
~姐姐又話識煮餸, 切蕃茄, 不是十字形切開4格, 而係打橫切, 切成三層, 仲要上、下層吾要, 得返中間那層, 碟蕃茄旦超細碟, 問佢發生咩事, 佢話d蕃茄好細隻,切出離炒係咁多！煲蓮藕湯,d蓮藕又吾刨皮, 羅去煲湯, 全煲湯無咩蓮藕, 一睇湯渣將兩斤蓮藕切淨返一節羅去煲,全部比姐姐拋掉入垃圾筒, 激到婆婆嘔血！！
~姐姐連續幾晚半夜玩手機, 咁我咪開聲同佢講, 晚上11點後訓覺, 係吾可以玩手機, 會騷擾到婆婆同太太休息, 佢竟然駁咀話:”你都無講晚上訓覺, 吾可以玩手機”！咁我咪現在同你講, 晚上訓覺吾准玩手機！佢就唔出聲……
~同姐姐傾完, 就叫左姐姐落樓下平台曬bb被舖, bb衫褲, 任得佢玩手機, 難得咁好天氣, 順便自己落街散下步,婆婆同佢一齊set好哂個場, 叫佢睇住d 野, 吾好比人羅左！我同婆婆上返樓,點知佢竟然將bb被舖、 bb衫褲搬左去無太陽地方; 婆婆落到去問佢, 仲咩搬走d 野去無太陽地方, 佢話d太陽咁曬, 曬到我出哂汗, 咪搬野去無咁曬的地方睇住羅, 你叫我睇住嘛！ 婆婆忍住氣同佢講：人係生, 物件係死, 太陽曬到你, 你可以自己坐去無太陽曬的地方遮蔭, 但d物件洗嘜移走呀！叫你落離曬野, 無太陽點曬？姐姐仲駁咀, 係你叫我睇住嘛！移到去邊關你咩事……..
第6天(Thur)：同佢講完, 姐姐竟然係晚上仲繼續傾電話, 但仲過分起床去廚房傾電話, 傾到半夜三點至訓; 而且日頭曾我去散步, 佢私底下問婆婆,你d仔女有冇比家用你？每人比幾錢你嫁﹗你d仔女做咩職業嫁…..問長問短, 婆婆話有比家用, 但吾知d仔女做咩喎！跟住我同婆婆都覺得佢吾多妥！點知, 原來姐姐每朝早都曾婆婆落街晨運, 我訓覺時(我聽到廚房有聲,以為係婆婆咁早揾野), 原來係姐姐走入廚房翻天倒地咁揾野！直至姐姐走左, 婆婆至知道全廚房都比佢翻轉左, 連吾見左好耐的鍋都浮現出離, 而其他用具的擺法都吾同左, 同埋有好多瓶瓶樽樽都不見了, 原本想用來裝薑醋送比人的瓶, 全部都吾見哂！姐姐無問過人, 就將廚房的用品、用具拋棄掉！
第7天(Fri)：早上陪太太去e院產檢, 全朝係e院玩手機, 上fb睇韓星！產檢完返到家, 婆婆叫姐姐掃地、拖地, 然後至食午飯,婆婆已經煮好午飯！姐姐聽到後, 入左去洗手間關埋門, 用腳踢拖地桶,好大力將盆、水桶拋落地下”Pang pang 聲”, 係洗手間發脾氣！全朝淨玩手機, 返離只叫佢拖地、煮埋午飯比佢食, 佢竟然發脾4！之後, 全日就黑口黑面, 最醒就係下午休息時段2點至4點, 陪婆婆一齊睇韓劇, 可以連洗手間都吾洗去…..住左7日, 無見過姐姐洗一件自己的底衫、底褲, 吾好意思問, 我就同agent 講, agent反而問我家中係咪無地方掠衫, 我話露台好大, 每天都開洗衣機掠衫,但無見過姐姐洗一件自己的底衫、底褲, 個agent 仲幫姐姐講野, 可能佢用即棄under, 我咪問咁bra都用即棄！佢至話會同姐姐傾下, 我同agent 講好担心姐姐的個人衞生, 叫佢同姐姐星期日順便傾下, 要改善個人衞生問題！
第8天(Sat)：導火線….婆婆早上發現刷鞋的木刷仔吾見左, 問姐姐有冇見過, 佢話有, 好舊比佢拋棄了！跟住婆婆話, 你仲嘜無問過我, 就拋棄了我d野？姐姐回答：幾錢？我賠比你！咁婆婆當然同佢理論, 這家屋係我, 你拋棄了我d野吾洗問人, 你係主人咩？鍾意點就點？姐姐就即場喊哂, 走離同我講比婆婆好大聲咁鬧！我咪問婆婆發生咩事！了解後, 我咪帶左姐姐落街傾計, 想同姐姐傾下佢的工作態度, 點知佢覺得自己無錯, 係婆婆挑剔、難相處, 以前主人吾係咁,仲讚佢做得好好添！！我同佢傾, 佢話我同婆婆一樣, 對佢吾好喎…..嘔血！跟住就打比agent 哭訴,話同婆婆吾夾、係度幾受氣, 係條街大喊, 踢垃圾筒添…..全個下午都無做過野, 係度狂喊！！不停打電話比依個比那個, 我就打比老公講, 諗住叫佢同姐姐傾下,點知等到先生離左, 佢就投訴左一個鐘, 先生同佢傾完, 佢仲問先生羅左$20, 又走去間印尼舖買飯食, 話一小時後會返上去, 點知成1個半鐘, 都吾見人！返到離, 就躲係廚房, 吾出離, 吾同婆婆講野, 婆婆叫佢仲吾采婆婆添…..真的嘔血！！
第9天(Sun)：太太早上肚痛、見紅！叫姐姐起身陪佢入e 院生bb,姐姐早上7:00就立即起身執行李,佢竟然曾太太入左洗手間, 佢同婆婆講佢出街, 就執哂行李拖篋走左人！太太由洗手間出離, 姐姐已經無左影踪………超級過分, 留底見紅的太太, 自己拖篋走左人！！
發表於 
！ 現在已經吾洗賠一個月通知金, 已經好好喎！點知, 最近比我發現agent 同衰姐姐係夾埋, 佢根本無飛返印尼, 12月仲留係HK , 去睇韓星握手會, 最後仲同間AGENT和其他姐姐一齊留港過聖旦節添！Party費用咪係我家出的機票錢羅！黑店！
返回列表
