自由講場 今日: 1432|主題: 1303969

勸喻大家小心PCCW 搬遷服務

(有時間,可以看內文。無時間,請看最後一段的重點。)

我近日搬家,要搬上網、NOW同電話，要各畀600幾蚊搬遷費，合共OVER $1000大洋。但換來一個怎麼樣的服務呢?
一字記之曰:
「劣」

話說, 我約咗30/5 下午做搬遷, 點知大約11至12點鐘時,佢哋個師父就致電我,說他路過附近，要提早上門。當時，我說明我還在搬家中，所有機件下午才齊, 而他說得事件非常容易——告訴只需把所有線插好就能恢復所有連結,也遊說我簽名確認..結果就是——名就簽好,但機件來後自行接駁時,機就唔WORK, 上唔到網、睇唔到電視及用唔到固網電話。

正路地，我翌日回電1000。悲哀的結論——就被告知要分開三個部門當申請維修，要再找師父逐一上門SET。這還算數，只怪自己信錯他人，也低估接駁難度。

然而很經典地---PCCW應該是人手十分不足，也可能全港九只有一個所謂師父。所以還是安排同一個師父來（！！！）。於是,故事再一次重覆：預約今天4點至6點，然後又是11點幾打來話路過搞埋。我再清楚說明我不在家，叫佢唔好來住。然而，趣在佢可以話因為佢好忙，4點唔來，佢只需要過來SET一SET，叫我如果自己再ＳＥＴ唔到就打畀佢。

哈哈哈!
叫我ＳＥＴ，我當然係ＳＥＴ唔到啦。咁，咪打畀佢囉。。哇！勁！
師父的處理方法係——摇控我去自己駁,過程中佢當然說得我唔明白,態度當然也不耐煩,而實在我認我真係唔識電腦上網接駁技術, 識的話,我做佢果行啦…. 結果正常地繼續失敗….更趣係,佢話佢近日真係好忙,叫我再試,真係唔得,就打畀佢...我正路地係搞唔掂,但我唔打畀佢,我打畀客戶服務部.....

不過, 故事係未完的,
好辛苦咁打通1000顧客服務部的電話喇,被接駁共3個部門,每次轉駁應等最少5至10分鐘, 扯貓尾的情況下，他們還是打算叫番同一個師父上門幫我SET番D嘢……我堅持唔會再用果位師父，結果我而家３０分鐘內收到那位師父４次電話。。。。而5分鐘前,再收到維修部電話,只問: 咁你打算約幾點,我們師父可以上來SET嘢? (無道歉、無打算上報、仲要再SET,都係只能SET上網咋喎,無提NOW同固網電話…..)

結果,因為我真係好嬲,預計5月30日下午SET好嘢可以上網,但而用咗我3日時間,我繼續交昂貴月費中郤還是未上到網並且極受氣及勞氣後問題還解決不到的情況下.....我決定放下所有UNPACK的工作, 一口氣去打呢封信..

故事教訓我們：

1. 最好唔好用PCCW啦,搬屋都搬成千蚊.

2. 唔好彩咁用咗PCCW,要搬遷SET嘢時,一定要機件齊才可以SET,檢查清楚先好簽嘢

3. 唔好彩咁用咗PCCW,交咗貴月費然後得到勁劣服務時,記清楚合約幾時滿,準時CUT!

請廣傳,提醒用PCCW服務的朋友要小心…