吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› FTM全日在家，你地工人幾點做到幾點？

論盡家傭今日: 2|主題: 133731

收藏本版

發帖

返回列表

跳至頁

查看: 4364 | 回覆: 23

FTM全日在家，你地工人幾點做到幾點？ [複製鏈接]

tha

大宅

積分: 1143

1^#

發表於 17-7-22 23:19 |只看該作者 |倒序瀏覽 |打印

通常新工人到，house rule 都講明工作時間唔准玩電話。
如果係上學日，佢要6:00起身，晚上9:00可休息。真係跟house rule 既話，佢真係15小時無得睇手機，無休息。
但如果佢新來，唔通我開口叫佢去休息，做完可以坐下？咁又做壞左個頭。
但我大部分時間在家，佢地唔休息既話會勊，慢慢又會變左好似我前任工人咁，拖長d野做，想做少d野。
應該點樣有個balance 呢？

我interview 講明我唔駛由朝做到晚，唔駛無野做拖長扮做野。做完就出來同小朋友玩。我要work smart, not work hard. 仲set左時間表，以免佢拖長。
你們覺得點？

0 0 0

私人傳訊

PJ媽咪

大宅

積分: 2451

2^#

發表於 17-7-23 01:30 |只看該作者

其實佢一定可以偷到雞玩手機。
如果佢做唒啲野之後偷雞玩手機，我會扮睇唔到。
唔洗出聲叫佢休息，因為佢一定會搵到位去休息，我又會扮唔知。
只要姐姐規管好時間做好哂野，佢其他時間做啲咩我都唔會點理。
通常我姐姐會係小朋友瞓午覺嘅時候去休息，而我自己都會午睡，所以姐姐係該時段會停晒所有手頭上工作，因為佢會嘈到小朋友瞓覺。
總之佢一有錯誤，你一定要即刻糾正，唔需要鬧，坐低慢慢傾你嘅要求。
如果佢做得好，要出聲鼓勵佢，又或者可以買咖啡零食日用品衣服送俾佢。

私人傳訊

細姐姐

子爵府

積分: 14425

3^#

發表於 17-7-23 03:14 |只看該作者

tha 發表於 17-7-22 23:19
通常新工人到，house rule 都講明工作時間唔准玩電話。
如果係上學日，佢要6:00起身，晚上9:00可休息。真係 ...

我工人7點起身，大概10點熄燈瞓
她只負責清潔，我冇俾時間表，任佢自由發揮，我想睇吓佢有冇sense, 會唔會唔叫唔做，so far, 清潔都ok, 要佢改善，都肯跟我方法

佢到屋企，我都冇同佢講每日邊段時間可以休息，但我發覺佢自己會揾時間返房休息，玩電話，我冇話佢，因為，每天重複清潔，屋企真係唔多汚糟，冇咁多嘢做，而且佢態度ok, 冇黑面

我冇返工，但日日會出街，有時5，6點返到屋企，佢係房，7，8點返到屋企，佢已經食咗飯，冲咗涼，可以瞓，但佢唔敢瞓住，佢係房開著燈，我叫佢，佢會出''黎幫手，大概10點，佢會行返出廳，同我講晚安先瞓！

私人傳訊

susupertomato

大宅

積分: 1956

4^#

發表於 17-7-23 11:00 |只看該作者

tha 發表於 17-7-22 23:19
通常新工人到，house rule 都講明工作時間唔准玩電話。
如果係上學日，佢要6:00起身，晚上9:00可休息。真係 ...

咁好harsh囉，全日工作時間唔俾玩電話，我係佢真係會做到冇心機搏炒算數，佢咁遠來打工，都會掛住家人，做完野玩電話都冇所謂，總不會你15小時不停有野俾佢做掛？

學上面兩位JM一樣，我只給工作時間表，佢做哂自己識揾位抖，玩電話，我從來不干涉，但也不會岀口叫她休息，佢有分寸，有時佢夜晚洗緊碗同仔女玩視象我也由佢，佢洗唔完咪洗天光囉，總之我食飽話之佢。我唯一的要求是佢同我小朋友單獨岀街不可以玩電話，要拖實，如她只和我岀去買餸，佢玩我都不會理佢。

私人傳訊

susupertomato

大宅

積分: 1956

5^#

發表於 17-7-23 11:07 |只看該作者

tha 發表於 17-7-22 23:19
通常新工人到，house rule 都講明工作時間唔准玩電話。
如果係上學日，佢要6:00起身，晚上9:00可休息。真係 ...

所以你應該俾工人少少自由，知道做快d有得抖，唔好拖長，反而你見佢得閒，你可以order 佢做其他野同陪玩，而唔係佢拖長做變到周身唔得閒咁

私人傳訊

tha

大宅

積分: 1143

6^#

發表於 17-7-23 11:39 |只看該作者

susupertomato 發表於 17-7-23 11:07
所以你應該俾工人少少自由，知道做快d有得抖，唔好拖長，反而你見佢得閒，你可以order 佢做其他野同陪玩， ...

個point 就係度啦。通常見佢得閒，會俾野佢做。
工人就會諗: 我一得閒，老闆會俾野我做。咁我咪拖長，望落好似做緊野咁，咁佢咪唔會俾野我做囉！
我上手工人就係咁。

私人傳訊

susupertomato

大宅

積分: 1956

7^#

發表於 17-7-23 13:02 |只看該作者

tha 發表於 17-7-23 11:39
個point 就係度啦。通常見佢得閒，會俾野佢做。
工人就會諗: 我一得閒，老闆會俾野我做。咁我咪拖長，望落 ...

講真佢有幾多野做要做幾耐我地點會唔知，不過我做法係，只要做好我要求的事，佢可做自己野（玩手機，午睡），以我家為例，湊一個小朋友，煮三餐，做清潔，有幾忙丫，佢做野就正常速度既，通常上午做好哂清潔，每天下午基本都可以抖兩，三個鐘，不過佢都好醒目，唔係一次過訓兩個鐘，佢咪慢慢整下餸，整好又hea半個鐘玩電話，又再做下ad hoc 野(抹玩具，洗風扇，執衣櫃呢d唔駛日日做，同做遲一、兩日都冇所謂既野),跟著又hea一陣咁先煮晚餐。

不過好睇工人本身，你之前兩個咁，今次新工人未必都係咁既，或者你俾左時間表佢，寫明幾點至幾點做什麼，起碼佢知道9:00-9:30係拖地，唔係拖到你11:00都未拖完

私人傳訊

susupertomato