懷孕前後今日: 1|主題: 329760

收藏本版

發帖

返回列表

跳至頁

查看: 2721 | 回覆: 26

收爐之作～威院生仔 [複製鏈接]

huwyoyo

複式洋房

積分: 489

1^#

發表於 17-10-6 00:03 |只看該作者 |倒序瀏覽 |打印

其實都生完3個幾月
心血來潮想回顧一下我既生仔過程

6月順產生左細佬，果時一路跟貼其他媽媽既消息，知道威院產前房冷氣壞左，天氣又開始熱，心情好緊張。原本預產期6月3日，點知等極細佬都未肯出黎（家姐2015年出世時又係過期居留40w5先出世）

就嚮臨到期催生既前一朝早，起身就見紅啦！有左上胎既經驗，加上知道產前房冷氣唔掂，我決定慢慢沖個涼，重新執多次走佬袋，再坐馬鐵去威院。臨上房仲嚮餐廳嘆個早餐..果時開始有少少痛，但完全接受到。上到產前房，開得1度，駁完心跳睇陣雜誌就午飯。因為上胎我又係見紅入院，足足痛左40個鐘先生得出大女，老公瞓左2晚醫院走廊瞓到驚左，加上走廊無咩冷氣好焗，老公話要先回家休息睇睇大女，等探病時間再黎睇我。我果時都仲係10分鐘左右痛一次，無咩進展就放左個老公返屋企。

食完午飯，痛多左長左，諗起上胎想聞笑氣都排左3個鐘先有，今次決定早d同姑娘request... 姑娘度一度，開得2度，佢話見得係第2胎有可能快開度數，就幫得check笑氣有無位。約半個鐘左右有位就俾我去候產果邊。好開心因為上胎聞左10個鐘笑氣救左我一命！

過到候產果邊，姑娘問一堆問題，開始幫我駁機開喉，突然間.....feel到卜一聲有暖水流出，我就同姑娘講我應該穿左水，果時笑喉條喉剛剛駁好準備俾我聞，姑娘睇一睇我，話confirm穿水開左4度，我問佢可以聞氣未因為開始好痛，佢再望一望我，就大叫 6度呢個可以落產房.....我心諗....下我仲未聞到氣..... 當佢地ready幫我過床時，姑娘又大叫....快...fully open, 生得啦... 千鈞一髮間有6，7個人圍住我推我落產房，問我老公係咪陪產，我話佢返左屋企喎.....

0 0 0

私人傳訊

gloria12345

大宅

積分: 2080

2^#

發表於 17-10-6 00:10 |只看該作者

回覆樓主:

甘而家威爾斯有返冷氣未啊？

私人傳訊

huwyoyo

複式洋房

積分: 489

3^#

發表於 17-10-6 00:13 |只看該作者

回覆樓主

繼續........

落到產房，嚮陣痛之間打電話俾老公，竟然無人聽，再打俾我呀媽，又係無人聽.... 我同姑娘講打唔通唔理佢啦...個仔已經趕住出黎好想痾。有個姑娘繼續幫我打電話俾老公，另外一個助產士guide住我push, 但我硬係出唔到果度力，開始無咩氣... 後來助產士教我全個人打側晒再屈埋個身痾，開始用到度力。push多幾下細佬就出黎啦！原來咁難push因為呀仔有8磅幾（大女果時出世6磅8）嘩！好大舊呀！剪完臍帶我就見到我老公入黎，佢見證到個胎盤出世(emoji)

就係咁我就嚮無笑氣無任何止痛情況下生左細佬。威院助產士好pro, 雖然無幫我剪但下面都有少少裂左，佢地幫我縫完針仲用冰敷左半個鐘，一路縫針呀仔就一邊埋身啜奶，果刻覺得舒服晒，終於生埋細佬可以收爐....生仔真係十級辛苦，今次仲要無啦啦嚮大痛唔夠2個鐘之下極速生仔，老公都黎唔切醫院。

宜家細佬快4個月啦! 最緊要健健康康成長！