想生BB 今日: 0 | 主題: 109088

積分: 226

1^#

發表於 18-1-25 20:06 |只看該作者 |倒序瀏覽 |打印

hello，大家好。我叫阿穎，今年31歲，（老公37y）于2017年12月分開始我概試管之路。宜家進行到取完卵階段，儲埋儲埋好多感慨，今日系呢度同大家分享下我概經歷。我覺得IVF唔辛苦，亦都唔簡單，只要行出左第一步，一切都會迎刃而解。暫時我只是覺得好似中學畢業左甘，跟住落黎仲要等移植，保胎，直至生育，都是一項又一項考試。
唔洗驚，生bb系一個女人成長概里程碑，亦都系我同我先生愛情概延續，所以我一定要勇敢直往。希望呢度所有備緊孕概媽媽最後都心想事成！

0 0 0

私人傳訊

dingding963

別墅

積分: 631

2^#

發表於 18-1-25 20:42 |只看該作者

樓主，加油(emoji)(emoji)(emoji)(emoji)

私人傳訊

Howingman

積分: 1191

3^#

發表於 18-1-25 20:55 |只看該作者

naobabee 發表於 18-1-25 20:06
hello，大家好。我叫阿穎，今年31歲，（老公37y）于2017年12月分開始我概試管之路。宜家進行到取完卵 ...

請問你ivf,放day幾胎及放幾多粒？因我啱啱開始ivf之路，聽日就開針了

私人傳訊

fairymeow

積分: 1196

4^#

發表於 18-1-25 21:52 |只看該作者

回覆樓主:

加油吖

我還未勇敢開始去ivf呢個考驗。。。
好怕期望太大會更失望

私人傳訊

積分: 226

5^#

發表於 18-1-25 22:18 |只看該作者

本帖最後由 naobabee 於 18-1-27 12:11 編輯

前言
31歲的我結婚超過3年都未試過懷孕，期間有飲過多處中醫開概中藥，有經痛，血液不循環，宮寒，氣血不足，可能跟我欠缺運動，同成日飲凍野，又鐘意食辣，同老公一起又煙又酒又捱夜有關。仲有M期有同房，十分不懂愛惜自己身體有關。如果我有機會生囡囡，我一定會好好教佢！

第一步：不孕檢查
2016年（30y）終於將生bb之事提上日程，開始去家計會咨詢同做相關檢查（超聲波+抽血）
預約見醫生，預約做檢查，預約羅報告，又預約複診。
（走左好多轉，用左幾個月時間）
各項數據都無問題之後，家計會轉介我去中環做“輸卵管造影”。系好痛噶！~
結果系：我兩邊輸卵管堵塞，醫生仲要話我輸卵管有積液脹到輸卵管都變曬形，只能做試管了。我問醫生有無得通返，醫生話我甘嚴重，無得醫了。我問佢甘系唔系要切除？如果壞曬了留系身體入邊始終唔好。醫生話可切可唔切，留系度只是有個心理安慰罷了。我果一刻真系萬念俱灰，腹部又痛，最後同老公系附近食左一碗牛河粉，就返屋企訓覺算了。

第二步：選醫院（IVF）
於是又返家計會複診，醫生又寫轉介信卑我去沙田威爾斯親王醫院婦科掛號排期，排到19年，仲話見醫生仲要等半年！我覺得太耐了，返到去上網查資料做功課，有香港私家，台灣，泰國等多家醫院，唔系太貴，就系太遠。加上老公話唔好心急，就等19年先做，我地儲錢先買樓。我話你系咪顛左，女人要趁後生卵巢功能仲可以就要快d生了，為此我地分歧好大，嘈過好多次。我喊過好多次。到最後老公話你想生就生，尊重我概決定，一定配合我。老公對我甘好，我都唔應該卑壓力佢，唔好同佢嘈影響佢工作。於是我決定就近系深圳做IVF。全因為有個friend，40幾歲一次成功生左個仔。我直情就穩佢個主治醫師幫我做。
我friend只是卑左個醫院電話我，全程都系我一個人去穩地址，去見醫生先。所以唔洗驚，總要踏出第一步！
{醫院簡介}
呢間醫院成立有30週年，專做試管，仲可以做免疫系統，成功率算比較高概。最主要系唔洗周圍走，出報告結果又快。
1樓：抽血同送檢尿液/白帶
2樓：婦科/病房
3樓：生殖科/取精室/打針房
4樓：B超室
5樓：取卵室/冷凍胚胎室
醫生團隊有幾個專家，最勁概一定系主任胡醫生同副主任莫醫生喇，不過醫生都系輪流排班概，如果你第一次無講到明掛邊個醫生概話，一般就睇排班了。我睇概莫醫生，第一次去佢休息，我去左兩次。
第三步：醫院體檢&建檔
11月初到左醫院一樓先掛號。男女都要掛。我第一次去，所以就只掛了自己。交40蚊，有一張就診卡同一個病歷本。（之後每次去見醫生都唔洗再掛號費啦）如果下次帶老公去體檢，一定要先掛老公概，（甘樣就唔洗上到去見醫生又要出示就診卡，又要落返大堂去掛號）。
跟住到三樓護士臺，出示就診卡（以後都要好多次出示），姑娘卑一張號碼牌我，我就坐系度等叫號。以後凡是見醫生，做超聲波（B超）,抽血，打針，都要先羅飛等叫號。
見到莫醫生了，佢卑我印象系一個短頭髮，微胖身形，眼睛大大，比較幹練講野比較一針見血，唔會同你講廢話，但唔代表佢唔溫柔。

幫我做左個B超（87蚊）同白帶常規（20蚊）
跟住就叫我同我老公一起到醫院做一次體檢總共花費7000蚊（男3000女4000）我就抽血，拍心電圖，照胸片。我老公就抽血同驗精。跟住就返屋企了。等15日之後返醫院。如果檢查出有事，姑娘會提前打電話來通知，就要早d返醫院複查。
點知第二日醫院就打黎話我老公概精液白細胞偏高，之系話有炎症，叫距翻去複查精液，做一個細菌培養。200幾蚊，但又無開藥，只叫我地同房時要帶套，驚傳染卑我。
等我地所有報告都出黎了（微信有醫院公眾號，添加就診卡號就可以查看自己概報告數據），就一起返醫院。帶埋結婚證書。我同老公一起按左手指摸。（以後取卵，移植時都要驗證夫妻手指摸）
莫醫生根據我概身體狀況（10個基礎卵泡），同我定左一個叫（常規長）概方案。系卑卵巢功能好概，而且最穩陣，成功率最高概一個方案呢。
醫生叫我來M概第三日返院，（唔系M完，其他方案有M完后第三日返院）系呢段等待概期間中，於是我專心學車，並且12月1日成功考試pass左。因為我之前肥左一次，我唸應該系我終於開始做試管了而更加放鬆左自己吧。

私人傳訊

積分: 226

6^#

發表於 18-1-25 22:40 |只看該作者

第四步：住宿

12月2日我就馬上行動搬去深圳住，起初我系airbnb穩民宿住。每日都換一間都唔方便修養，又好貴。之後醫院概論壇有一位媽媽自己搞左個家庭旅館，專門收一d外省黎左試管概媽媽住宿。一間三房一廳套房，千幾呎，合住3-5人。我包左一間帶洗手間概大床房，只要160蚊一晚，仲要包一日三餐，同埋房間水電煤氣寬頻任用。我真係覺得太抵啦。只是要同其他人相處就有d麻煩，大家平時去完醫院，一起系阿姨度食完飯，就系廳睇電視，一系就八卦。我唔中意八卦，我就走出街周圍逛。宿舍樓下有一間gym室，我辦左一張月卡680蚊，開始每日宴晝系果度跑步，每晚都上瑜伽課，我唸呢d都系對我之後取左39粒卵有幫助吧。

仲有一間琴行，我系果度報名學鋼琴，每堂課150蚊。一周上一堂課。但練琴無限制免費！所以我每日都去練琴，我覺得真系好抵，哈哈哈。
仲有一間咖室，有好多書睇，咖啡20幾蚊一杯可以坐成日，環境真系好舒服。
仲有一間茶餐廳，入邊概菠蘿油包好好味，我老公每次來必點！
仲有一間腸粉小店，超好味！

點解我要搬來深圳住？因為我要提前過黎調理身體，我系香港就無辦法改到食煙同夜訓概習慣，除非兩個人一起改先改到。同埋我系香港每日只食一餐晚飯！我要一個健康概身體來懷孕，聽講備孕概話至少戒煙半年，於是我同醫生講可唔可以遲d先開展我概治療，我想先調養兩三個月，醫生話無呢d擔憂，影響唔大。好啦，黎到呢度就聽醫生講概啦。不過我都算提前左啦，因為我一直到18號先開始打針。

私人傳訊

laisausau

男爵府

積分: 6415

7^#

發表於 18-1-25 23:48 |只看該作者

naobabee 發表於 18-1-25 20:06
hello，大家好。我叫阿穎，今年31歲，（老公37y）于2017年12月分開始我概試管之路。宜家進行到取完卵 ...

私人傳訊

yeeyooyoo

積分: 1729

8^#

發表於 18-1-25 23:58 |只看該作者

回覆樓主:

加油呀！

私人傳訊

積分: 226

9^#

發表於 18-1-26 12:37 |只看該作者

第五步：卵泡監測

B超卵泡監測其實就是連續的B超檢查，觀察卵泡的發育情況，根據卵泡的發育情況調節使用促排卵藥物的劑量和時間，並適時注射HCG促進卵泡的成熟。

12月8日,9日，10日，11日連續4日朝早8點前驗尿板，呈兩條線就返去做B超。醫生話我基礎卵泡有10個。右邊輸卵管有積液，呢種情況下，如果移植后有機會積液流向子宮會殺死胎兒，又叫我做個彩超確診一下。￥255蚊。睇完報告醫生建議我先取卵再做個宮腹腔鏡，先再幫我移植。本身要同我做一個內膜搔刮（聽講好痛）都因此而取消左。

第六步：打針（降調針，促排針，夜針）
1、使垂體降調節，抑制或減少自發性LH峰的出現，避免自發排卵，可以主動的決定HCG的給予時間和取卵時間。
2、利用用藥初期對Gn分泌的短期促進作用，增加卵泡募集的數量。
3、改善卵泡發育同步化，爭取得到更多的同步發育的成熟卵泡。

12月18日開始打針做B超￥87蚊驗孕尿￥20蚊（驚呢段時間有同房，其實系做試管期中禁止同房概），抽血￥292.9蚊，降調針系打手臂，￥55.22每支，注射費￥2.5蚊每次。之後開始每日打一針手臂針（藥名：醋酸曲普瑞林注射液）連續打左28日！（因人而異，中途做左好幾次B超同抽血檢查先再開藥卑我打針）。
1月3日開始打促排，有分國產同進口，價錢差一半。我打概系進口（果納芬）一隻￥1750左右，可以打2-4次。因為打肚皮唔痛，無感覺。仲有一種粉狀概果納芬，￥400幾，系醫生話開始減針了，就打呢只細單位概粉狀果納芬，都系唔痛概。打肚皮我總共打左11日。連埋手臂針一起。有一日開左兩日尿促針，系打屁股概，果兩日好犀利，手臂，屁股，肚仔一起打，不過都唔痛概，好似蚊咬甘。
打促排開始每三天一次B超，抽血，之後兩日一次，之後一日一次。一般醫生會預約B超系每日8點半-9點半，甘要提前半個鐘去排隊羅號，因為醫生要睇抽血報告先開藥卑我打針，而抽血報告要兩個鐘。醫生會提前開埋下次抽血單卑你，所以每次我都系7點就食完早餐去抽血，之後去3樓排B超，照完后仲返宿舍休息一陣，10點鐘翻去1樓羅抽血報告卑4樓B超醫生睇，醫生先根據我概身體狀況開藥卑我打針，我又去翻1樓羅藥，再去3樓打針（暈坨坨，人多我好少搭lift），繳費單上有微信同支付寶二維碼，掃一掃就可以支付了，非常方便。
1月14日，呢一日早上B超同抽血完，醫生只安排我打一針降調，跟住叫我晚上9點50打夜針。跟住隔一日就可以取卵了。
15號早上7點驗尿板兩條線就代表夜針成功，如果得一條線就要即可翻去穩醫生。夜晚12點之後就唔可以再食野同飲水了。

私人傳訊

積分: 226

10^#

發表於 18-1-26 13:23 |只看該作者

第七步：取卵
1月16日朝早8點半，我同先生帶上香港身份證（唔系回鄉卡）去一樓前台預約，護士卑我老公一個貼住姓名概裝精杯，一個好似系餐廳用概叫號碟，一震動就要去取精室了。仲有一包手術后飲概鹽包，囑咐我老公等我出黎后沖卑我飲。跟住我地就去左五樓。坐系度等叫號了。
我老公先入去取精，之後就叫我入去手術室門口繼續等，當時仲有三個女仔，大家仲可以傾下計，唔會甘緊張。差唔多十幾分鐘叫一個，我唸手術應該都好快。終於到我啦，入到去系好大一間手術房，入邊有兩張好似B超床甘概兩張，有一個女仔昏迷中做緊手術，叫我除左褲，躺系張床度，兩隻腳放上去支架度，有個姑娘就即刻幫我沖洗下身，做術前消毒。另一個姑娘就開始幫我掛吊瓶，系手背上插針，吊鹽水甘，跟住就有個年級大d概女麻醉師，過來問我野，有無感冒發燒啊，先生叫咩名啊，之類概，我答下答下就好快不省人事了。應該系10點半入去，出到黎11點。我聽到姑娘同我老公講："叫醒她吧，唔好卑佢訓了“，我仲同老公開玩笑，覺得好好玩，原來麻醉后系甘概感覺，第一次打全身麻醉。
跟住老公就卑我飲鹽水，又飲冬瓜湯，叫外賣都系一隻大雞脾。點知我麻醉藥有反應，應該未散透，飲概野全嘔曬。無胃口，無得去廁所，吊鹽水加葡萄糖，要卑營養我先得。隔左一陣間姑娘過來同我地講，我取左39個卵，好多啊，一定要留院觀察，驚有咩危險。跟住我地就去左2樓住院部。床位好似系100幾，雙人間系200幾，老公幫我轉左一個VIP房，每日￥540蚊。有埋客廳，好似酒店甘，老公夜晚就系廳張沙發床訓。
終於吊完四大樽鹽水后，我系3點半去左小便。之後我開始腹痛。陰毛上邊，肚臍下邊，正中間個位好痛。痛死！醫生驚我卵巢扭轉，幫我做B超查看，好彩無事，但我個卵巢腫到平時概3倍甘大，醫生話甘系，你取甘多，人地都系幾粒幾粒甘取，所以咪無事囖。我見到我地宿舍甘多人取卵，都無事。取完就去觀光。有d人仲唔打麻醉藥，我一直以為系唔痛概，唯獨是我取得太多了。醫生診斷我系“卵巢過度刺激綜合征，OHSS”，系有好大危險概。好多人會腹水，會胸腔積水，會呼吸困難，會腎衰竭致命。所以命令我每日要食兩斤肉，包括魚肉，蝦肉，要不停甘飲水，仲同我打左兩樽人血白蛋白，好似￥千幾蚊。
最後我住左三日院。每日食唔落都要食。日日好痛。無辦法，呢種痛都要靠自己忍落黎。我喊左好多次，我都開始鬧醫生做咩同我取甘多卵，老公就系身邊不停甘安慰我，鼓勵我，話我好叻，系一個偉大概媽媽。終於第四日就無甘痛了，我好想出院返屋企。

第八步：聽胚胎/養囊
1月19日，取卵后第三天，我地一起去一樓聽醫生同我地講胚胎概配對結果，（如果夫妻雙方有一方唔方便黎，要在取卵果日簽字）醫生話我概結果非常好，一級卵有24個！二級6個！三級1個！四級1個！建議我地全部養囊。養囊系幫助我bb系體外先發好芽，再移植系我子宮入邊等著床，成功率更高。我好驚失敗，到時我就覆水難收了。我唸住養一半，凍一半。但醫生話我甘多優質卵，唔洗驚。而且養幾多卵都系收一個價錢￥3600蚊左右。甘就聽醫生概。去交錢，仲有3000蚊系押金。跟住就同老公好艱難甘行去福田口岸過關，哇，每一步都行得好慢，我出曬汗。系打的士去到關口概，但過兩個關都系要靠雙腿去行，一過關，就直接搭的士返屋企。￥120幾蚊。
系屋企每日都依然系要飲好多好多水，食好多蝦。驚有高峰期，突然腹痛再去醫院就黎唔及了。醫院每日早上打黎問我尿量有幾多。至少要2000ml以上。
1月25日，醫院打黎話我養囊結果有20個優質囊胚。我真係高興得不得了。呢次真系無後患之後啦。想生幾個都得了。果然辛苦得黎系有回報概。之後系屋企等待經期概到黎。

私人傳訊

積分: 226

11^#

發表於 18-1-26 13:26 |只看該作者

回覆 Howingman 的帖子

你好。我打算每次放2個。起碼都可以中一個。又或者一次生兩個。之後唔系煩。祝你好孕！

私人傳訊

Sodacream

積分: 3677

12^#

發表於 18-1-26 16:24 |只看該作者

naobabee 發表於 18-1-26 13:26
回覆 Howingman 的帖子

你好。我打算每次放2個。起碼都可以中一個。又或者一次生兩個。之後唔系煩。祝你好 ...

我有問醫生放幾個囊胚
但醫生話囊胚質量好嘅話
暫時先放一個

你係咪有得揀放2個？
你以家黎月經未呀？

私人傳訊

joeylylee

別墅

積分: 602

13^#

發表於 18-1-26 16:34 |只看該作者

回覆樓主:

我想問下樓主喺邊間做 ivf

私人傳訊

積分: 226

14^#

發表於 18-1-27 12:06 |只看該作者

回覆 Sodacream 的帖子

醫生會根據我地概身體情況而定。1，一般後生概只放一個。如果媽媽自己要求放兩個，可以放。
2，如果年紀大概媽媽，醫生會放2-3個。如果中曬3個就要減胎了。
3，如果媽媽曾經剖腹產生過bb，醫生會建議放1個。如果成左兩個都系要減胎。

我已經黎M啦。不過移植之前要做一個手術。

私人傳訊

積分: 226

15^#

發表於 18-1-27 12:10 |只看該作者

回覆 joeylylee 的帖子

系深圳呀。福田口岸附近。深圳中山泌尿醫院
好多香港人系度做。
我系香港排到19年，我唸住趁呢段時間系深圳試下。如果唔中，仲有機會返香港做。

私人傳訊

Sodacream

積分: 3677

16^#

發表於 18-1-27 12:47 |只看該作者

naobabee 發表於 18-1-27 12:06
回覆 Sodacream 的帖子

醫生會根據我地概身體情況而定。1，一般後生概只放一個。如果媽媽自己要求放兩個， ...

我都係中山啊
等月經黎先開始放胎

私人傳訊

joeylylee

別墅

積分: 602

17^#

發表於 18-1-27 13:32 |只看該作者

naobabee 發表於 18-1-27 12:10
回覆 joeylylee 的帖子

系深圳呀。福田口岸附近。深圳中山泌尿醫院

甘你地知唔知完成成個過程要洗幾多錢嫁？

私人傳訊