我曾經做過兩次痔瘡槍手術
第一次係幾年前,醫生A幫我做痔瘡槍
手術後情況幾好,但之後翻發
我就去睇另一個醫生B,
佢建議我再做多次痔瘡槍
個陣我無諗咁多,見第一次做都ok,相信今次都唔會有事,
所以係諗都冇諗就接受左醫生B意見,做左第二次痔瘡槍
但今次手術後出現問題,肛門有d拉扯嘅感覺,每次排便都好難,大便好似條蟲仔咁幼
之後我再去搵醫生B睇,佢話係手術後嘅正常反應,叫我唔洗擔心,所以就冇理到
以為會有好轉,但情況一d都無改善,而我仲係排唔到便,搞到身體越來越差...
之後我去左睇醫生C,檢查先知我因為做左兩次痔瘡槍先令到肛門收窄,
令到我唔可以正常排便,要做一個肛門擴闊手術去改善呢個問題
但手術後情況唔理想,每次排便都係好辛苦,身體就更差..
為左可以排到便,我就要做一個人工造口...
因為咁,我嘅生活同人生就咁改變曬,全日要帶住個造口袋係身…
真係諗都諗唔到咁就影響左我一世...
本來只係醫痔瘡,但最後變左4次手術,同一世嘅後遺症...
後尾上網睇先知,醫生係唔會同同一個病人做兩次痔瘡槍
因為做第二次個時D釘有機會同上一次手術嘅重疊,
就好似d釘釘埋一齊咁,搞到效果差同肛門收窄…
我分享呢個經歷係想同大家講,所有手術都係有一定風險..
病人本身都應該要有基本醫療知識,唔好盡信所有人..
手術前要了解風險,上網揾唔同方法比較一下...
最好睇多幾個醫生,問下專業意見..