自由講場今日: 3078|主題: 1302830

收藏本版

發帖

返回列表

跳至頁

查看: 6757 | 回覆: 33

今日聽到一個故事。想分享下（長篇但真實） [複製鏈接]

凌太

大宅

積分: 1639

1^#

發表於 18-5-14 17:04 |只看該作者 |倒序瀏覽 |打印

有個女仔廿一歲當年工作上認識到佢前夫，相處一年之後結左婚，4個月後仲生左對孖仔。前夫自己唔係搵到好多錢。但屋企比較富有，當時佢老公d叔叔、舅父淨係比禮金都比幾十萬...仲買左條好貴既鑽石頸練和一對勞力士送比個女仔作為結婚禮物。佢地一家都好幸福咁和男家一齊住。不過佢既奶奶，姑拉姑仔都在美國住。所以屋入面只有佢老爺、老公。工人，當個女仔生完對孖仔坐完月番老爺家住時，惡夢就開始...響孖仔三個月大時，個女仔就發現佢老公櫃筒有事後藥。有condom,佢當時手都震晒，因為知一定唔係自己，然後襯佢老公訓左覺，睇佢電話，已經睇到訊息中佢老公叫另一個女人做老婆。個女仔好傷心，失控地喊，喊醒左佢...個老公仲好溫柔咁問：老婆咩事呀？做咩事喊？
個女仔就講晒佢發現到佢既比佢知，佢老公亦無否認，係響佢住院到回娘家坐月時佢一直有帶女人番去訓。訓佢地張床度做...個女仔心如刀割，真係痛到唔識形容，佢老公話佢地母子可以繼續留響度同佢老爺一齊生活，佢自己搬出去。不過個女仔選擇帶對孖仔離開番媽咪家住住先。
未搬到媽咪家住時，佢有同佢老爺講呢件事，最驚嚇是佢老爺都見到佢帶女人番去訓而無話比佢知。個女仔日日都攬住對孖仔喊...個工人就好唔忍心見佢咁，都叫佢快d走，因為佢其實不單止見到佢老公帶個女人番去住，亦都見到老爺帶另一個女人番去訓。
我聽到呢度心裡只有一句：犬父無犬子。咩人教出咩仔女
之後佢奶奶為左呢件事由美國番來同佢傾，同個女仔講幫對仔申請個美國passport ,跟佢番美國重新生活，亦一早知道老爺有女人所以佢地成家都在美國住。很少番去。叫自己新抱都看開一d!去到美國到時再搵過另一個男人佢亦會支持佢。但如果佢話放棄對孖仔自己留在香港奶奶亦願意在美國照顧佢地對囝既生活。係咁說服個女仔仲有大把青春，無謂浪費左人生。（續）

0 0 0

私人傳訊

凌太

大宅

積分: 1639

2^#

發表於 18-5-14 17:06 |只看該作者

回覆樓主

個女仔最後同男既攪離婚，問佢要番當時叔叔、舅父果幾十萬禮金用來生活，個男人話佢做生意蝕晒，（到年幾兩年後遇番佢地其中一個common fd,,話男既在澳門輸晒）個女一定唔會放棄對仔，個官亦判左$3000 蚊膳養費比佢，不過佢真係唔夠用，所以申請左綜援自己搬左出來住，女仔媽咪得閒就幫佢睇住佢再出去做兼職養佢地。

個女仔其實憎前夫憎左十年，如果唔係每個月要問佢拎膳養費過活，一定唔會再聯絡佢，個男既呢十年都無見過對仔..中間只係問佢近況，天氣凍會寒喧幾句，到近期佢話自己要比醫藥費用佢老豆做大手術，連$3000都唔比佢地了。跟住個女仔就打左段野比佢：
呢十年我無一刻唔憎你。我之所以仲放低身段同你講野，只係為左$3000，而你既呢$3000 當我有閒錢時我已捐了出去做慈善。呢十年我去進修已有份穩定既工。一早我已經唔稀罕你果$3000 ,不過我唔想你一毫子都唔洗比我地而已。睇到你老豆就快死，你媽已癌症死左。你家姐細妹通通離晒婚做晒單親，教識我做人都唔好做到咁盡，唔好對人咁仆x..我而家生活好好。對仔早幾年已有爸爸了，而你我一早已同佢講你死左好多年架喇。佢地兩個讀書都很好好不過你永遠都唔會分享倒佢地既喜悅。
你唔洗再過錢比我地。亦唔洗再搵我們。你好自為之吧啦。

我覺得呢個女仔終於都放下唔再憎恨。憎一個人真係好攰。我聽完都覺得佢身心都好攰。

私人傳訊