有個中學便認識的朋友,每次出來gathering 都話要同老公離婚。最初大家都好關心佢,第一次嗌離婚係十幾年前因為發現老公有外遇仲帶埋返屋企,我地都好支持佢又安慰佢,點知無耐佢不但無離婚仲生左個仔。大家以為佢和好如初啦,但佢又成日打比唔同的朋友喊同訴苦,又話老公打佢,然後叫我地幫佢揾離婚律師,有個朋友真係幫佢揾資料,當然最後佢又無離。佢個仔今年已經快十歲,我朋友仲係講緊要同老公離婚,仲揾埋我同另一個朋友陪佢睇樓話準備分居,但轉頭又係FB post 一家三口去酒店玩的幸福家庭照。真係唔明咩心態,其實冇人有興趣知你的家事,亦唔係想朋友離婚,但呢十幾年的聚會佢都係狂數個老公,次次都話準備離婚,但又永遠得個講字,真係聽到好厭。