懷孕前後 今日: 22 | 主題: 329757

積分: 550

1^#

發表於 20-8-21 15:51 |只看該作者 |倒序瀏覽 |打印

本帖最後由 z957570 於 20-8-23 19:03 編輯

請關閉帖子

0 0 0

私人傳訊

kuanhoho

複式洋房

積分: 226

2^#

發表於 20-8-21 18:45 |只看該作者

z957570 發表於 20-8-21 15:51
同老公沒有共識的避孕方式，結果又搞出人命。
有咗後覺得好大壓力，陀呢胎好辛苦，嘔到七彩，老公唔多表態 ...

給你抱抱，需然幫唔到任何事，但可以找人傾下舒發下你想想

私人傳訊

M.A.C

伯爵府

積分: 17773

3^#

發表於 20-8-21 18:51 |只看該作者

本帖最後由 M.A.C 於 20-8-21 18:51 編輯

事情發生左，唯有安慰你。抱抱。
古語有云，寧教打仔莫教人分妻。
我只能勸你諗清楚現實環境，好好處理。因為你巳有2個小朋友要比較多照顧。

小心身體，祝你一切平安。

私人傳訊

積分: 550

4^#

發表於 20-8-21 20:22 |只看該作者

回覆 M.A.C 的帖子

多謝你，其實我老公對我也不錯，只是很木訥，好難逼到佢講內心所想，同埋把口衰d，例如我呢排作嘔反胃，個人好忟，佢一句“係咪你心理作用咋”，我幾乎想喊出黎

私人傳訊

mi_mama

積分: 1045

5^#

發表於 20-8-21 20:26 |只看該作者

z957570 發表於 20-8-21 20:22
回覆 M.A.C 的帖子

多謝你，其實我老公對我也不錯，只是很木訥，好難逼到佢講內心所想，同埋把口衰d，例如 ...

男人通常都唔識講野去氹老婆。
希望你可以舒發下情感，唔好屈住。
有咩係度發洩下會好啲，抱抱

私人傳訊

積分: 550

6^#

發表於 20-8-21 20:26 |只看該作者

回覆 kuanhoho 的帖子

謝謝，我都好想搵人抱抱

私人傳訊

M.A.C

伯爵府

積分: 17773

7^#

發表於 20-8-21 20:43 |只看該作者

本帖最後由 M.A.C 於 20-8-21 20:43 編輯

回覆 z957570 的帖子

看睇黎你都幾清楚你老公為人。所以你更要有心理準備，
懷孕期老公未必會細心貼心咁幫手，
但懷孕的女人又容易情緒波動，
特別身體多狀況時候，
假如你決定要3胎，你要保重自己
因為你重有另外2個小朋友要照顧。
抱抱，加油

私人傳訊

積分: 550

8^#

發表於 20-8-21 20:57 |只看該作者

回覆 mi_mama 的帖子

喺，我算係半個孤兒，細個無感受咩家庭溫暖，大咗亦唔識做人阿媽，出嚟做嘢好簡單，做得好老細會升職加人工，自己做生意做得成功賺到錢又可以買嘢氹自己開心，但做阿媽永遠都做得唔夠好，有時間陪佢嫌悶嫌玩具唔夠多，總之比時間物質活動比小孩就係父母責任，小朋友未識滿足，父母又無理由要同佢計較，有taker就自然有giver，兩個我已經覺得好吃力，再生多個，我唔知自己究竟為咩。

私人傳訊

積分: 550

9^#

發表於 20-8-21 21:10 |只看該作者

回覆 M.A.C 的帖子

係呀，我老公好簡單，就係我想點，要講得清清楚楚，最好寫個list出黎，佢能力範圍內會跟task做到足，但唔好幻想想我唔講佢識自動波。
其實上一胎有咗，都係我set一堆action plan ，佢先至會介紹我比佢屋企人識同結婚，開頭我都有d嬲，後來了解咗大家家庭背景好唔同，佢家族好大，家庭中好多嘢唔駛佢決定，佢甚至唔習慣規劃人生，覺得計劃黎都無用，聽日又會變。而因為我好細個就獨立，不斷做好多決定，所以大家步伐不同。
生多個細路唔同養多隻貓，空間分配，照顧人手分配，時間分配全部都唔同哂，原有一d計劃亦要改變，但佢唔會攤出黎同我傾，當我指出以上呢d問題，咁佢就會好委屈咁講句“如果你唔想生，咁一係算數啦”，根本討論唔到。

私人傳訊

sostepa

男爵府

積分: 5429

10^#

發表於 20-8-21 21:45 |只看該作者

抱抱，你諗法好清晰
大部分男人都係踢一踢郁一郁
有時見到人地老公好好
要返工又日日拖地洗廁所浪衫
放假又會篤住小朋友學習
好羨慕.....
再望下自己老公

好明白
如果可以繼續set 一堆野叫佢do
而佢又做到都好好

最難係時間人手分配
你兩個小朋友都需要比更多時間照顧陪伴
再加nb一個人好難做得晒
老公一定要更幫手陪小朋友
而家幾週？快d傾下
set好d野安排比佢睇下大家o唔ok
另外姐姐可能需要請多個？又係要諗下

私人傳訊

積分: 550

11^#

發表於 20-8-21 22:10 |只看該作者

回覆 sostepa 的帖子

你真係好聰明，屋企500呎到，大仔一間房，細仔同姐姐一間房，空間係好大問題，如果多個nb, 大細仔就要一間房，前文都講過大仔有ADHD,佢間房似狗窩，功課同書有檯唔擺，擺到一地都係，我為咗大仔的自理問題成日都好勞氣，成日要搵社工協調。佢同細仔住埋一齊，大仔唔會忽然成熟咗，細b肯定又會亂咁整爛哥哥d嘢，諗起都夠亂。姐姐照顧nb, 肯定會忽略咗細仔，望就望出年有學返，否則我都唔知一個姐姐點湊兩個b。請多個姐姐實在唔知瞓邊。
仲有，我老公係冷門工種合約制，可以完約後一年半載無嘢做果隻，而我份工應該做多一年半載都要無得撈，如果去埋生仔，應該更快無得撈。咁當然有積蓄啦，但開支都唔細， touch wood一齊無嘢做，真係會情緒好差。

私人傳訊

matcha-moo

男爵府

積分: 6777

12^#

發表於 20-8-21 23:05 |只看該作者

既然你老公無堅持要定唔要你就自己諗清楚再決定喇。

私人傳訊

BaileyChung

積分: 1189

牛年勳章

13^#

發表於 20-8-21 23:12 |只看該作者

加油！難題總會有方法解決的。
唔好太負面

私人傳訊

honeybid2

男爵府

積分: 8127

14^#

發表於 20-8-21 23:17 |只看該作者

z957570 發表於 20-8-21 22:10
回覆 sostepa 的帖子

你真係好聰明，屋企500呎到，大仔一間房，細仔同姐姐一間房，空間係好大問題，如果多 ...

你姐姐知你有左未？你細B 就算有學返你姐姐都未必制湊3個仲要其中一個係nb...

。呢個期間，工人斷約唔使返家鄉等，份工辛苦啲都即斷約。你9成要請2個姐姐先有人肯做... 一係就銀彈政策。
你老公唔決定你就要自己決定

如果唔係拖拖吓都唔係辦法...
做女人係好辛苦，抱抱。

私人傳訊

積分: 550

15^#

發表於 20-8-21 23:52 |只看該作者

回覆 honeybid2 的帖子

姐姐知道我有咗，佢ok的，不知幾開心，咁我間中都有銀彈政策。請多個工人，我老公唔會肯，住宿的確是一個問題，我連話想賣屋買間大d遠d, 老公都覺得無需要，佢唔會講出口，但睇完樓會當無睇過，所有嘢都拉牛上樹咁。
做女人真係好難，男人鐘意搞嘢，作為老婆想滿足佢，代價又要自己受，如果呢胎決定唔要，我諗我會去結紮，或者迫我老公去紮。

私人傳訊

viann_655665

積分: 1511

16^#

發表於 20-8-22 00:22 |只看該作者

回覆 z957570 的帖子

其實唔好成日諗負面野，活得係呢個個個世界上，總會有解決方法，最緊要唔好放棄，依家可能會比較吃力/辛苦，但係小朋友慢慢長大，一個家庭多d人開心好多⋯有兒女一齊成長⋯歡笑聲都多左，我都意外有左第三個小朋友，我當初好迷惘⋯但係呢份係上天俾自己既禮物⋯好多人想要都無，所以要珍惜，我依家倒數緊⋯就快生啦⋯你都要加油⋯無罰係解決唔到，放鬆心情，好好咁享受自己懷孕過程，做媽咪係偉大的，加油啊^^支持你

私人傳訊

積分: 550

17^#

發表於 20-8-22 00:53 |只看該作者

回覆 viann_655665 的帖子

你點跳出呢個迷惘狀態？我岩岩同老公傾緊佢份工，佢續約個月份就正正係預產期，如果到時真係唔好彩唔續約，bb又日喊夜喊，日子真係會好難過。佢支支吾吾，然後話真係都無計。
講完大家靜咗兩句，轉頭老公已經扯緊鼻鼾

私人傳訊

viann_655665

積分: 1511

18^#

發表於 20-8-22 03:09 |只看該作者

回覆 z957570 的帖子

其實懷孕開頭既時候，我除左迷惘，仲有百感交集，我份人都比較鐘意諗最懷打算⋯有左個刻我係好驚訝，跟住個心又開心，跟住又好驚又擔心等等所有感覺好難形容，當我驗左有bb個刻，我係洗手間既時候，我既手係震既，我老公係廳，個晚我地打邊爐，仲未開始食野既⋯我係次所出返黎個刻我心情又興奮又開心又擔心⋯個晚打邊爐未開始晚時候，我仲同我老公講，我仲未黎m...我就買左支涼茶，我老公話：係囉⋯飲支涼茶睇下會唔會通一通d月經唔洗谷住⋯咁我買完支涼茶之後我洗走我老公返屋企先，我去左藥房買左2支驗孕棒⋯叫工人放係次所收埋唔好俾我老公見到⋯跟住我想係打邊爐開始之前，我打算驗左之後安心可以飲涼茶，點知一驗就驗左兩條好淺色既線，對於我地生左兩個既媽媽有經驗當然一睇就知道中左⋯當晚我都無同我老公講，因為我未有心理準備，我只係信息左我兩個朋友，同左我兩個朋友講⋯之後過左兩日我先同我老公講⋯我老公晚反應係：佢尊重我决定，佢話我想生就生，唔想生就想另外方法⋯當時我都好開心，因為佢俾個决定權我，不過我拜佛既，我無論如何都唔會落bb...唔知道點解，一知道有左開始⋯我頭一個月開始額頭生痘痘⋯我本身係唔生痘痘既人，我接受唔到額頭不停生痘痘，跟住一路生，生到全臉，頭髮頭皮同埋條頸都係痘痘，我簡直情緒低落到完全唔想見任何人，加上害喜得好緊要，成日同老公罵交，發好多皮氣，好易就發皮氣⋯成日喊⋯時新年，疫情岩岩爆發⋯攪到自己好飲痴左線一樣

私人傳訊

viann_655665