警告,呢篇係放負文!!! 我都唔想放負,不過係屋企同C6講佢又無咩反應…唯有係呢度搵下同路人啦~
講下背景先,我而家28歲,身體都算健康,年幾年前有咗,大肚既時候都有食下保健品、葉酸個D,而且我都好乖,有日日散步同做孕婦YOGA,身體一切都正正常常,BB出世都有6點2磅,好健康!
我無請工人,所以產前已經BOOK晒月子餐,媽媽亦有煲下湯水俾我飲,但我真係無咩胃口,所以食得好少,加上我係新手媽媽,照顧BB有D手忙腳亂,話就話放8個星期,但其實仲忙過返工,2個鐘餵一次奶,想訓都無得訓,雖然C6收工返黎都有幫手,但大部分時間都係我照顧BB,真係好攰好攰…短短一個月我就輕左10磅同面色好差。
之後返番工,情況好似越來越差,有返胃口但磅數繼續跌,而且同事成日都話我面青青,經期仲要遲左足足3個月先出現,仲要一黎就連續20幾日,真係好恐怖,到而家生完都8個月喇,經期仍然好唔穩定,真係唔知點算好…