吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 如果我響度出LI個topic多數比人炳.......... ...

婆媳關係今日: 0|主題: 27701

收藏本版

發帖

返回列表

跳至頁

樓主: Praetorian

如果我響度出LI個topic多數比人炳.......... [複製鏈接]

123

siuwa

大宅

積分: 1824

21^#

發表於 08-10-19 00:08 |只看該作者

原文章由 Praetorian 於 08-10-18 23:34 發表
咁多位大家姐,可能小弟真係有d偏見,但小弟見親10個有8個topic都係講我個姑仔乜乜物物、唔係就我個姑奶又點點點、再唔係就我個奶奶又點嫲嫲煩煩咁。我真係諗都唔明，所以小弟先開哩個topic來探討同學習一下點先可以平衡 ...

大多數都以為結婚係2個人既事, 其實錯得好離譜. 結婚係2家人既事. 雙方都想對方當自己屋企人係自己人, 但講真, 你既屋企人你自己由細對到大, 好多嘢你會覺得冇問題, 因為你已經習慣. 但對方呢? 男人同女人既解決方法又唔同, 當女方知道男方唔喜歡佢家人, 女方通常會少返娘家或者自己獨自回家, 因為女方唔想男方唔開心, 而自己又難做. 而女方既家人多數因為個女已經嫁左, 唔想個女難做, 想個女開心d, 多數會討好男家以換來男方好好愛惜自己既女. 男人呢, 就算佢明知個老婆同自己既屋企人幾唔夾, 幾唔開心, 佢都要逼個女方去就範, 明知自己家人針對老婆都當睇唔到. 老婆投訴又話老婆煩, 又問點解你唔可以當我屋企人係你屋企人?? 請問, 你又可唔可以當女方既屋企人係你屋企人?(而前提仲要係對方下下都要針對你). 男人啊男人, 其實你地有冇想過, 點解你會落到今日2難既田地, 最大既起因都係你自己. 女人要既唔多..... 真係唔多既, 而當初結婚時你都承諾過佢既, 但你有冇做到啊? 唔係炳你, 只係想你好好想下.

私人傳訊

alphabetagamma

珊瑚宮

積分: 108855

環保接龍勳章

22^#

發表於 08-10-19 00:18 |只看該作者

原文章由 Praetorian 於 08-10-18 23:34 發表
咁多位大家姐,可能小弟真係有d偏見,但小弟見親10個有8個topic都係講我個姑仔乜乜物物、唔係就我個姑奶又點點點、再唔係就我個奶奶又點嫲嫲煩煩咁。我真係諗都唔明，所以小弟先開哩個topic來探討同學習一下點先可以平衡 ...

就係這個原因, 我無同老公彈過奶奶. 做夾心人就最慘啦.
記得我未入門, 奶奶開口叫我唔好供樓, 又話要俾多d錢佢. 我個心好唔舒服, 我只係回了一句, 我唔係供樓, 我係俾家用我父母啫.
之后, 我就同我老公講, 我聽了好唔開心, 不過如果我係你阿媽, 唔知頭唔知路, 佢當然希望我地將來兩公婆無咁大負担. 我老公當時聽完都無出聲, 不過我老公都幾開心, 你話如果我不停咁"嘈"住佢, 我估佢真係會爆炸囉. 講左自己感受就算啦. 受左氣講左出來就算囉. 老公聽到知就得啦... 唔洗佢表態架. 係我眼中鍾意同奶奶作對的新抱唔可愛囉.. 如果我老公日日批評我至愛的父母, 我都會覺得佢好"魔鬼".

私人傳訊

alphabetagamma

珊瑚宮

積分: 108855

環保接龍勳章

23^#

發表於 08-10-19 00:32 |只看該作者

原文章由 siuwa 於 08-10-19 00:08 發表

大多數都以為結婚係2個人既事, 其實錯得好離譜. 結婚係2家人既事. 雙方都想對方當自己屋企人係自己人, 但講真, 你既屋企人你自己由細對到大, 好多嘢你會覺得冇問題, 因為你已經習慣. 但對方呢? 男人同女人既解 ...

結婚係2個人既事, 無錯.

當女方知道男方唔喜歡佢家人, 女方通常會少返娘家或者自己獨自回家, 因為女方唔想男方唔開心<<<係個女人自己無用, 手指撬出, 我家中無這回事. 我家庭是大家族來的. 仲要女多過男. 個女自己返或叫個男人唔返, 果d都最後離婚了. 大家無共同話題, 家庭生活. 你估個男人會尊重女家的人嗎? 最後一係真係做外嫁女, 斷女家, 反則紙包唔住火, 問題最終都會浮現的.

女方既家人多數會討好男家以換來男方好好愛惜自己既女.<<<我唔信囉. 一d家庭的99又有女又有仔, 如果係衰的, 對邊個都係衰囉.

男人要逼個女方去就範, 明知自己家人針對老婆都當睇唔到. 老婆投訴又話老婆煩<<< 都係場show啫. 如果男家家人係差. 做下笨人咩都唔識, 軟皮蛇咁, 鬧你都可以無反應. 最蠢的女人就係同男家作對. 搞到今天的田地, 我覺得男女相方的有份. 有時間就好好享受同老公/小朋友的家庭生活, 或者為將來作準備. 唔投訴唔日講夜講你就唔會上心. 我覺得日日去講人地阿媽有幾唔好, 好浪費青春囉.

如果連男人唔想個家"嘈"咁簡單的事都做唔到, 唔明白, 我想問你有幾愛佢? 我老豆以前有理無理見我同阿妹嘈, 佢一定會話我嘈, 因為我要據理力爭, 因為我無錯. 我阿妹成日唔聲唔聲, 我阿爸每次都好似話我錯咁. 到大個左發覺, 佢只係唔想嘈. 唔想家嘈屋閉. 相哎唔好口. 男人係咁架啦. 我阿爸好錫我的. 我亦都知佢無話件事邊個錯或對, 但我開口就係我無容人之量, 係我錯.
其實贏左場交, 輸左個家, 男女都有份的.

私人傳訊

xoboy1125

大宅

積分: 4694

24^#

發表於 08-10-19 00:41 |只看該作者

原文章由 Praetorian 於 10-18-08 23:34 發表
咁多位大家姐,可能小弟真係有d偏見,但小弟見親10個有8個topic都係講我個姑仔乜乜物物、唔係就我個姑奶又點點點、再唔係就我個奶奶又點嫲嫲煩煩咁。我真係諗都唔明，所以小弟先開哩個topic來探討同學習一下點先可以平衡 ...

如果係甘真係要同老婆傾下...
因為成日翻舊帳真係會影響夫妻感情架,
我諗我之所以唔會同 99 吵,
係因為我 /C6 同 99 都識幾時要出聲, 幾時要收口

私人傳訊

vickiwai514

男爵府

積分: 8506

環保接龍勳章大廚勳章親子達人勳章

25^#

發表於 08-10-19 00:53 |只看該作者

講真一隻手掌係拍唔響.
但有幾多新抱係做第一隻手ar ??有邊一個吾係個99攪咁多野出來.個新抱sin 做第2隻手ar ? 有邊個新抱吾想同個99做到朋友咁好ar ??有邊個女人想自己心愛ge 人做夾心ar ?你話你地做男人好辛苦,女人何嘗吾係 ? 我地做人老婆.眼見自己屋企人俾個99當街罵.眼見個妹俾人周圍唱(仲要屈我個妹落過仔周圍講)我地做人新抱可以點.吾通周圍唱返個99 講大話咩.我地依+就連保護屋企人咁簡單ge 事都做吾到.我地心裹果種痛係你地男人可以明白嗎?明白的只有係bk 裹同病相連ge媽媽,大家互相鼓勵.如果吾係佢地.,我已可能吾係依個地球生存..
一個女人吾開心.最想邊個係佢身邊傾訴ar ?吾想媽咪同屋企擔心.就只有同c6傾..好似我咁.我從來無要求過c6要係我同99之間會做d 咩,因為我知佢咁大個人會識分邊個對邊個錯.佢有眼see 佢ar 媽點對我.
c6 吾會因果個係佢媽就吾話佢.老婆係要保護ga,吾通眼見心愛ge 人俾別人打,俾人屈都吾理咩!係我老公眼中.佢ar 媽係一個好媽媽,但絕對吾係一個好99.

私人傳訊

leopak

伯爵府

積分: 19255

26^#

發表於 08-10-19 01:27 |只看該作者

其實我老公都同樓主一樣有呢D思想, 之但係如果耐唔耐成日有人整D事出來, 好難唔番舊帳個喎, 咁點當無事呢?

私人傳訊

bblucky

別墅

積分: 708

27^#

發表於 08-10-19 03:23 |只看該作者

其實我覺得樓主對婆媳版有這樣的見解，是因為這版大多是新抱上來發洩一下，真係冇乜99會上嚟講
我真係好唔明點解咁多女網友都話佢老公/男友的屋企人有問題?
作為c6 (好似我咁)通常只會睇，好少回覆，其實有時女家入面咪又係咁多問題！

[ 本文章最後由 bblucky 於 08-10-19 03:26 編輯 ]

bblucky之家

私人傳訊

wmpl

大宅

積分: 3000

28^#

發表於 08-10-19 03:57 |只看該作者

原文章由 Praetorian 於 08-10-18 23:34 發表
咁多位大家姐,可能小弟真係有d偏見,但小弟見親10個有8個topic都係講我個姑仔乜乜物物、唔係就我個姑奶又點點點、再唔係就我個奶奶又點嫲嫲煩煩咁。我真係諗都唔明，所以小弟先開哩個topic來探討同學習一下點先可以平衡 ...

做乜鬼叫我哋做大家姐???討論吓啫,無分大細嘅~~

每個人心裡面都存在着偏見,尤其是對自己未曾體會及不能理解的事,就好似你老婆或你母親大人每次向你投訴對方的時候,你又總會用你一貫男人的思維去肯定女人便是這樣,永遠都喜歡囉囉唆唆,一說起話來便沒完沒了,你自然然又會塞起耳朵,閉起咀巴,不想和對方多說,不作交流一樣~~

不過,照你寫嘅嘢嚟睇,你都唔係蠻不講理嘅人,只係又可能犯咗一個大多數夫妻或情侶都會犯嘅錯,就係關係一耐咗,就老馮用自己嘅思維方式去諗對方說話的真正含意,然後又老馮要求對方自自然然就會明白你想點,要對方老馮用你嘅思考方式嚟思考~~

總之,我嘅經驗話俾我知,男人要永遠記住老婆唔係男人,女人要永遠記住老公唔係女人,就算你哋幾咁夾,幾相似都好,都唔好隨便用自己嘅價值觀嚟衡量對方,那些能天長地久的夫妻嘅相處之道總離唔開嗰幾樣,就係,互相包容,信任,愛護及體諒~~

你唔需要迫自己完全明白女人諗咩,我同你講,就算我講晒俾你聽,你都唔會明,個原因就只得一個,因為...你係男人!!

科學啲嚟講,女人個腦同男人個腦嘅思考模式天生根本就唔同,如果你要完全明白女人嘅思想行為,咁你就唯有再去投過胎至可能會明白~~

你娶咗個因為愛你嘅女人返嚟做老婆,跟住事事就同佢講道理,你會唔會覺得好奇怪??咁你老婆同你啲fd有乜分別??你做乜要娶佢??我相信你娶你老婆嘅最大原因都係因為愛佢,假如佢成日同你講道理,你都會覺得好煩,係咪??

你阿媽同你講你老婆啲乜,你唔駛諗點樣可以做到佢滿意,須知人心冇厭足,人愈老又愈返老還童,你就得多佢就過態,到時就係你嘅錯,唔須要鬧佢,我絕對唔贊成你鬧佢,你只要真真正正俾阿媽知道,咩叫做'仔大仔世界"就得,哩個過程好可能佢會唔開心,但請相信我,如果你真係孝順佢嘅話,佢一定會接受得到,總好過你成日立場不定,又俾佢以為阿仔會聽佢話嘅一個假希望佢,但最終又令佢失望,咁樣佢嘅不滿和不快一定會倍加累積~~

你老婆同你講你阿媽啲乜,你都只係負責聽,又一定要俾少少反應佢知道你係聽緊就得,至於駛唔駛解決,不如你直接問吓你老婆,問吓佢想你點?掉轉佢係你,佢又會點做??俾一個思考嘅機會佢,但係大前題,就係俾咗佢發洩先,到最後,你不妨俾老婆一個擁抱~~

另外一個方法,好似我個朋友咁,放手個老婆出去同人傾,聽唔到亦唔好諗老婆會講咩,唔好捉得太緊,又俾自己可以唞吓氣,咁等個老婆發洩咗之後,而家佢哋兩公婆不知幾好,個case就係>>>佢老公又好係似你咁,因為唔想成日聽老婆話佢屋企人啲嘢就同個老婆嗌交,咁我就叫我個朋友唔好同佢老公講咁多,又叫佢老公放手,叫佢俾佢老婆同我傾,因為佢老公唔想老婆唔開心,但又唔鍾意老婆話自己屋企人,又諗唔到解決辦法,就喺度鑽牛角尖,終於就好心做壞事,原本唔想個老婆唔開心就同佢傾,但自己又頂唔順老婆咁講嘢,兩公婆就因為咁成日吵大鑊,你話係咪自己攞嚟煩??

至於女人點解會咁鍾意同自己老公講佢屋企人嘅事,其實邊有人鍾意成日提住啲唔開心嘅事,個原因大多都以為家醜不出外傳,對外隨便講老公屋企人嘅不是唔係咁好,同人哋講人哋又解決唔到,而老公又應該係最明白自己嗰個嘅誤解而造成~~

女人唔係要迫死老公,只係當前事未解決,就又嚟多件唔開心嘅事,所以先成日舊事重提,想你知件事嘅根源係咩??不過哩個都係女人唔瞭解男人嘅錯誤,男人一件事就係一件事,又冇女人咁好聯想力,知道好多事都係源於一個問題,又唔明又分唔到女人究竟幾時只係想呻吓,幾時係求救??就基於大家思想根本就唔同但又用自己嘅思維去諗對方嘅關係,所以大家就會造成好多誤會同埋怨,有好多時,死結係自己造成~~

所以呢....我都要講返句公道說話,各位姊妹,唔好成日做嫦娥,我都係男仔頭一名,都明白成日俾人" e e 哦哦"真係好Q煩,同男人講嘢,儘量講重點,你講多兩句,啲男人又以為你想鬧佢架咋,而就算真係要鬧,都要揀個聰明啲嘅方法,哈哈!!

[ 本文章最後由 wmpl 於 08-10-19 03:59 編輯 ]

私人傳訊

shannnb

水晶宮

積分: 59158

29^#

發表於 08-10-19 04:08 |只看該作者

都係想上黎呻下姐,,

是關, 除左呻, 仲可以點丫?
你阿ma對你唔好,你可以話佢,,
99對媳婦唔好, 除左搵人呻之外,仲可以點丫,,

私人傳訊

a776170

大宅

積分: 1600

30^#

發表於 08-10-19 08:01 |只看該作者

因為多數９９唔識上網ｌｏｈ

如果唔係一樣咁多ｌｏ　ｓｏ啦我估

其實樓主你有無聽過”好仔兩頭瞞”呢句話咩，你的腳色唔係替代其中一方ｔａｋｅ　ａｃｔｉｏｎ，而且阻止事但一方有所ａｃｔｉｏｎ，你的方位係一個ｃｏｏｌ　ｄｏｗｎ者而唔係加油人，ｏｋ？

原文章由 Praetorian 於 08-10-18 23:34 發表
咁多位大家姐,可能小弟真係有d偏見,但小弟見親10個有8個topic都係講我個姑仔乜乜物物、唔係就我個姑奶又點點點、再唔係就我個奶奶又點嫲嫲煩煩咁。我真係諗都唔明，所以小弟先開哩個topic來探討同學習一下點先可以平衡 ...

私人傳訊

小肥§澄

子爵府

積分: 11731

wyeth冷知識勳章畀面勳章環保接龍勳章親子達人勳章 BK Milk勳章

31^#

發表於 08-10-19 10:20 |只看該作者

舉雙腳贊同!!!

原文章由 tantanmama 於 08-10-18 23:12 發表
"妳地可唔可以同老公/男友投訴完之後當無事,唔好鬧交果時又囉來嘈."

如果個男人做到嘢, 解決到個老婆嘅不滿, 個老婆又點會再攞出黎講吖. 個老公都冇平反個老婆嘅寃屈, 仲想個老婆當冇事發生過, 以後都唔准提, 個老 ...

私人傳訊

zxzx

伯爵府

積分: 17283

32^#

發表於 08-10-19 10:23 |只看該作者

原文章由 Praetorian 於 08-10-18 16:25 發表
妳地明唔明白做老公/男友果個夾心人好慘嫁!!!!

明, 但做老公果個又明唔明白如果你處處被人針對、冷嘲熱諷, 做セ都係你錯ge,都好慘嫁!!! 個99仲要話埋你家人 (外家冇得罪99 ge wor, 只係99自己唔抵得外家實力雄厚過佢小小). 我就係果個新袍喇, 不過我從來冇同99嘈 (我ma 話千萬不要頂撞99), 見到佢我仲笑笑口, 每次見面我都期待99冇比我聽難聽既說話, 但每次都失望, 99話我講一句(even 普通既), 佢會反番我三句, 咁點溝通? 99話我一次兩次, 我冇野, 但當次次都係咁, 當一百次, 你又會點呢? 我唔係冇反激之力, 我為我愛既老公去受苦, 咁做老公果個又可唔可以體諒個老婆, 聽下佢呻呢, 比佢feel到自己唔係孤單 (p.s. 我真係好小同老公呻, 除非頂唔順) - only this, 唔需要佢鬧佢亞ma. 我忍左99 5年, 忍到病(好彩唔係情緒病), 因為見完99唔開心, 所以抵抗力差常常感冒發燒. 有d sisters比我慘, 你唔見有好多比99攪到抑鬱/產後抑鬱, 咁唔通佢地唔慘, 佢地抵死咩???

講多個case過你, 我fd話佢亞嫂由做girl friend開始已經好識做, 逢節日正日同母親節都同佢而家既99過, 但我fd話佢亞ma都仲係唔心足依然睇唔開話個新袍.

私人傳訊

zxzx

伯爵府

積分: 17283

33^#

發表於 08-10-19 10:30 |只看該作者

Post 區樂民醫生專欄ge 文章:
對　立

以婆媳對立為題材的電視劇大受歡迎，足見此處境能產生廣泛共鳴。
我認識的女性朋友中，有老有嫩，她們都是很好的人，性情沒有問題，但不少對婆婆或媳婦有意見，婆婆投訴媳婦不顧家庭，媳婦埋怨婆婆事事挑剔。

一個心理學家分析：「婆媳難共存，主因是她們愛上了同一個男人。」
這個矛盾甚至發生在幻想中。曾聽過一位母親說：「兒子沒有女朋友，我為他擔心；可是如果他真的結婚了，我又怕會失去兒子。」

一個學弟告訴我，他結識了女朋友，母親

他帶女朋友回家吃飯。他故意考驗母親的觀察力，邀請了女朋友和另外兩個女孩子一同回家，然後叫母親猜猜哪個是意中人。飯後，大家談了一會兒，女孩子們離去。學弟問母親哪個是他的女朋友，母親回答道：「茱

。」
「你怎會知道是她？」學弟出奇地問。
「因為三人中，」母親直說：「我最討厭她。」

私人傳訊

PatsyPun

洋房

積分: 90

34^#

發表於 08-10-19 10:51 |只看該作者

我係PATSY既老公,基本上我比較同情各位難為既家嫂,以下係我既小小建議:

1. 問題主要出現係呀媽同家嫂之間, 其實係決定要同住之前,應該諗清楚雙方都係唔係一D十分隨和既人, 呢D野最清楚就緊係身為老公/仔架啦,自己唔諗清楚,自尋煩惱... 搬出自住係最簡單直接既解決方法.
2. 如果真係冇能力搬, 就要幫2者之間建立"朋友"既關係...呢樣各家嫂都要努力下,我相信有部份家嫂都冇出/盡過力...盡可能搵一D婆媳之間有共鳴既野(例如劇集,一齊買餸煮飯,打牌),多D溝通,老人家都係鐘意人氹,專重架啦,如果連呀媽要點氹都唔知就抵死啦,記住係要用老婆既名義去氹喎
3. 多D係呀媽面前題及老婆既優點,呢個係跟共產黨學返黎, 慢慢幫佢洗腦

個老婆矒矒地咩都唔知唔問就跟左你返屋企都係因為信你咋,唔好再淨係話佢煩啦,用下腦,出下力啦,你諗到既方法一定仲好過我果D

私人傳訊

ivory0915

珍珠宮

積分: 39762

開心吸收勳章醒目開學勳章

35^#

發表於 08-10-19 12:01 |只看該作者

原文章由 zxzx 於 08-10-19 10:30 發表
Post 區樂民醫生專欄ge 文章:
對　立

以婆媳對立為題材的電視劇大受歡迎，足見此處境能產生廣泛共鳴。
我認識的女性朋友中，有老有嫩，她們都是很好的人，性 ...

This is not a joke, this is a real picture of 99.

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

36^#

發表於 08-10-19 12:33 |只看該作者

原文章由 selinapoormom 於 08-10-18 23:36 發表
我曾經都當99係自己阿媽，仲公開係 wedding thank Q 佢，但婚後佢"原形畢露"，處處迫人，甚致係想我死和無bb生〔99嘅99講出來，但因大年紀，所以沒有揭穿99〕所以成日"涼"湯比我喝！佢真係有做過！好彩，太99会叫我唔好喝，工人又会 ...

完全明白你感受, 我同你也有差不多的經歷, 所以額外珍惜和愛錫囝囝, 但c6唔明, 仲覺得個仔有咩事(even病咗死咗)都唔及佢阿媽咁重要, 總之佢阿媽開心就乜都得.

以為有個小朋友, 我地真真正正有「家」的感覺, 殊不知, 原來只有我做咗媽媽, c6冇做到爸爸, 老婆同仔係唔重要o既.

私人傳訊

zxzx

伯爵府

積分: 17283

37^#

發表於 08-10-19 13:00 |只看該作者

"見您都算忍得,我太太同我亞媽唔順到幾年唔見面,不過都是亞媽對我差在先人格天生連我大哥個太太一見我亞媽都面黑黑,自己亞媽都幫唔落,一見面就講點點點煩加難頂人家唔是你個女,忍得一次兩次十次實忍爆,人相處真的很難我太太試過忍忍忍最後都唔得,無計最後就唔見面仲好耳根清靜,無計我太太試過知我亞媽仲意打麻將日日叫他來叫定腳買定食物啤酒,好過對自己亞媽,最後都頂唔順,一句講完,兩個人相處兩方面都要付出單方面實唔長."

from one of the C6s

http://www.discuss.com.hk/viewthread.php?tid=8194801&extra=page%3D2&page=3 (#39)

~~~ What he said, I think it's really true !

[ 本文章最後由 zxzx 於 08-10-19 13:01 編輯 ]

私人傳訊

wmpl

大宅

積分: 3000

38^#

發表於 08-10-19 14:46 |只看該作者

原文章由 zxzx 於 08-10-19 13:00 發表
"見您都算忍得,我太太同我亞媽唔順到幾年唔見面,不過都是亞媽對我差在先人格天生連我大哥個太太一見我亞媽都面黑黑,自己亞媽都幫唔落,一見面就講點點點煩加難頂人家唔是你個女,忍得一次兩次十次實忍爆,人相處真的很 ...

我C6都同我講過類似嘅說話,佢同我講,"諗返起以前,連我自己都頂唔順我阿媽,都唔知你點解會頂得順??"

同佢一齊超過十年到今時今日佢先大慨知道我嘅感受,都唔知好嬲定好笑,定還是係值得安慰??!!

私人傳訊

Bellnyky

大宅

積分: 1494

39^#

發表於 08-10-19 15:12 |只看該作者

樓主.
我係99既大新抱. 我同奶奶平時就冇咩見面架. 因為. 佢知道我忙. 所以, 佢寧願有事才找我. 或有事才找我商量. 而我對奶奶就好以對住一個普通人咁..唔係唔尊重佢..而係我覺得有問題我會私底下同佢講(不會有第三者在場), 如果99私地下找我. 就會好以朋友咁乜Q都會講....
咁當然...有時佢講野都好長氣...同埋..有時講d野(明知都要講或問之類既"白痴野" PS. 我意思唔係指我99白痴)...但同99都OK..冇問題.

其實講真. 兩個婆媳相處, 要大家就下...如果你媽咪(既你老婆個99)原本係麻煩人, 你老婆私底下同你呻. 好過佢同你媽開火吖...
而你. 我覺得適當地處理你老婆既問題,你可以"氹"下佢. 同佢講.:真係辛苦你了. 你唔好理99啦. 由得佢啦"之類既說話. 咁你老婆同你開火時. 陳年舊野都講(如果係講你唔好之類既野, . 咁你同你老婆講,:[ 都過去了, 都知自己錯左. 所以..現在唯由對你多陪好. 來COVER之前唔好既野, ] 等等LOW..
講真. 男女駡架. 有時女方錯. 但男方要大方D. 當錯的是你LOW., 如果你愛你老婆. 你會包容晒. 咁多然, 女人唔係白痴架. 你真的有為佢, 同埋,你真心咁付出. 當女人用時間去証明到既話. 女人係會睇開晒架(意思係. 唔會為小事去煩你. 會站在你那方看), 到時. 就會生活美滿了. 你身為老公. 點都要去體諒你老婆同你媽咪相處既問題. ..

其實. 你開左個TOPIC.,,會有人反駁你. 係因為. 你好以講到係D老婆唔去體諒D老公咁.
你要想想. 你同你媽一起生活. 一起相處咁多年. 你當然已習慣啦. 但你老婆唔係架麻....
兄弟姊妹都會有問題啦....
你可能有時都會覺得吖媽煩架..但你媽煩你.你只係可以唔理之麻.所以咪覺得你媽好LOW..
但你老婆煩你. 你就冇可能唔理..所以咪覺得老婆唔好LOW>..
我只係講中肯既野. 我唔知有冇講錯....

私人傳訊