母乳餵哺 今日: 0 | 主題: 85696

積分: 6371

21^#

發表於 19-4-24 20:14 |只看該作者

momo.f 發表於 19-4-24 16:19
本帖最後由 momo.f 於 19-4-24 16:23 編輯

求救呀

你向右側瞓bb就向左,食右邊。攝背脊。1個月大應該唔駛攝下面。

你係佢肚餓個陣俾佢食少個邊先,靠佢大力吸啜增加奶量。試多幾次。可能佢記住邊邊多奶都未定。

佢肚餓自會開口啦～(雖然我有朋友嘅bb唔多食奶)

私人傳訊回覆引用

積分: 388

22^#

發表於 19-4-24 21:31 |只看該作者

dreamboy_man 發表於 19-4-24 20:14
你向右側瞓bb就向左,食右邊。攝背脊。1個月大應該唔駛攝下面。

你係佢肚餓個陣俾佢食少個邊先,靠佢大力吸 ...

多謝指教

其實攝背脊係防止佢個身反返正？

我諗佢應該記得邊邊多奶，因為比左邊佢，佢會自己開口，自己chok 個頭埋嚟啜，有時都唔需要我推佢埋我個胸到

而佢食右邊好多時會發爛渣，同埋亦解釋到點解谷奶時食右邊佢會食得好啲

私人傳訊回覆引用

積分: 6371

23^#

發表於 19-4-24 21:52 |只看該作者

momo.f 發表於 19-4-24 21:31
多謝指教

其實攝背脊係防止佢個身反返正？

咁嘅話2邊奶量差距會越黎越大。都是監佢食少個邊先。小朋友好醒。你企硬佢都奈你唔何。佢再大d仲多呢d情況。我大仔有時想玩唔食飯,我就監佢食晒先準玩

諸如此類

係。姑娘話bb頸背要成1直線先食得舒服。但是佢未控制得到身體就要靠外物支撐。

私人傳訊回覆引用

積分: 388

24^#

發表於 19-4-24 22:11 |只看該作者

dreamboy_man 發表於 19-4-24 21:52
咁嘅話2邊奶量差距會越黎越大。都是監佢食少個邊先。小朋友好醒。你企硬佢都奈你唔何。佢再大d仲多呢d情況 ...

我就係唔想兩邊越差越遠

隻b 絕對吹得我漲，因為佢會發爛渣，繼而咬我，正衰仔

而家搞到又要轉泵，前兩日個血泡先好返，今日就比個水泡我嘆… 而家唯等右邊好返再同佢嚟過… 不過換左個泵真係好似泵多左啲啲

其實訓喺到餵會唔會太舒服訓著左

私人傳訊回覆引用

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

25^#

發表於 19-4-25 09:09 |只看該作者

本帖最後由 bosch 於 19-4-25 09:11 編輯

momo.f 發表於 19-4-24 10:56
如果唔係食人奶對佢好，我放棄左啦，只係而家右邊好似停滯不前咁，成日整損，佢又好似唔鐘意食右邊咁

佢 ...

你堅持到成個月, 已經要為自己鼓掌啦. 大家都係學習中, 慢慢黎, 唔駛喊呀, bb 係咪早產都好, 人奶路上個個bb同埋媽媽都有好多困難要面對, 將來你生第二胎甚至第三胎都一樣, 煮到埋黎咪食, 有問題搵方法解決.

bb 便便前應該乽痾左尿先, 你睇尿濕指示都應該會知. 一日換到至少6條重重地既片就OK啦.

bb 飲完奶, 掃完風又坐左一陣, 瞓果陣最好俾佢打側身咁瞓一陣至俾佢平瞓, 就算佢嘔奶都唔會濁親. 醫院做法係俾bb 挨住床仔側邊, 當然都要留意bb 唔會碌左落黎變趴響度 (好危險). 你亦可以整到bb 床褥一邊高d, 可以卷條毛巾放bb 床邊 **床褥下**, 有少少似醫院d bb 床仔咁斜斜地.

有時BB 係啜幾啜就瞓著, 我d 仔女啜5分鐘就瞓, 初初攪下佢地就醒一醒啜多幾下, 之後點摷都唔醒, 1,2個鐘佢地喊又要再餵, 頭幾個月真係非人生活.

至於幾耐食到後奶係冇乜標準, 如果你密密餵, 即係前奶唔多.

你可以試不同餵姿勢, 手抱咁, 攬球式或側卧式, 要不停試至會搵到適合大家既方法.

側卧式係舒服, 但都要小心, 要肯定你唔好餵到瞓著同埋屋企有人定時睇住你地. 因為個個產婦都攰到爆, 瞓響度餵有機會餵到瞓著而造成意外 (大人責住個b, 或張被蓋住個b等). 我試過瞓著左幾次, 其中一次我扎醒時唔見左bb, 嚇到我全身發麻, 好彩係老公抱走左bb, 果次真係嚇破膽.

你餵緊左邊時, 當有噴奶反射時, 你可以手擠右邊, 用奶樽裝住d 奶. 側卧式餵奶時咁做會容易d. 你餵到損晒, 暫時唔好咁做, 好番至咁做啦.

如果試下唔同方法都唔可以將右邊追番奶, 咁接受現實, 唔好因為左右唔同奶量或者bb 唔食一邊而搞到自己咁大壓力. 一邊多一邊少同埋奶量都唔係重點, 你enjoy 去餵係最緊要.

私人傳訊回覆引用

積分: 388

26^#

發表於 19-4-25 12:10 |只看該作者

bosch 發表於 19-4-25 09:09
你堅持到成個月, 已經要為自己鼓掌啦. 大家都係學習中, 慢慢黎, 唔駛喊呀, bb 係咪早產都好, 人奶路上個 ...

每次當我想放棄，我就搵佢食飽奶奶好滿足嘅相睇… 同埋多謝各位比意見，呢條人奶路比想像中難行好多。我真係唔敢諗再生，一嚟生呢個已經好難得（因身體狀況難以自然懷孕，再加上佢之前已化學過兩次）…

睇尿濕指示有時就算轉左一半色我都同佢換，所以一日肯定多過六次片，但未必次次都有重量… 聽日一去磅重就知呢兩星期餵成點，同埋順便搵姑娘再睇下佢食右邊個情況。我好理由相信佢知右邊無咁好奶所以發爛渣，因為今朝右邊谷奶，一比佢食，佢初初都好抗拒咁，但過一陣奶出順左，佢就好正常咁食

私人傳訊回覆引用

積分: 388

27^#

發表於 19-4-25 12:17 |只看該作者

bosch 發表於 19-4-25 09:09
你堅持到成個月, 已經要為自己鼓掌啦. 大家都係學習中, 慢慢黎, 唔駛喊呀, bb 係咪早產都好, 人奶路上個 ...

其實埋身位洗唔洗掃？因為掃極都無咩反應。不過我哋習慣佢食完會睇住佢，因為佢會含住啖奶訓，唔知時吐返出嚟。

我今朝10.30 開始餵，中間佢又訓著，又喊換片，搞嚟搞去，而家先食完訓左，仲要我都唔敢郁，怕整醒佢又喊過… 真係人都癲

唉，唔理啦，總之佢要食比佢食，希望佢快啲大多啲力食奶唔洗食咁耐

頭先仲試埋側卧，又真係幾舒服，但佢食到左食唔到右，唯有慢慢嚟… 攬球式我試過一次，但怪怪哋咁… 其實有冇邊個姿勢佢係易啲吸到奶？

起身唔見左個b 真係好驚嚇

點解我好似無噴奶反射… 其實除左有奶喺另外嗰邊出，點知有？

私人傳訊回覆引用

積分: 388

28^#

發表於 19-4-25 12:19 |只看該作者

bosch 發表於 19-4-25 09:09
你堅持到成個月, 已經要為自己鼓掌啦. 大家都係學習中, 慢慢黎, 唔駛喊呀, bb 係咪早產都好, 人奶路上個 ...

除左想追返兩邊奶量近啲外，其實仲有另一個原因… 我本身都左邊大少少，但而家因為佢食左邊多搞到我左邊胸大過右邊好多，係好明顯嗰種

點搞呀

私人傳訊回覆引用

積分: 6371

29^#

發表於 19-4-25 15:25 |只看該作者

momo.f 發表於 19-4-25 12:19
除左想追返兩邊奶量近啲外，其實仲有另一個原因… 我本身都左邊大少少，但而家因為佢食左邊多搞到我左邊胸 ...

係咁架。我上胎咪咁囉。又唔好睇又大奶量差距。所以我先強調要搞返好。
我覺你係好林善個種人,bb恰你啊！你要揸定主意唔好俾佢影響。喊係預左。(我啊媽啊婆好怕整喊細路,但其實佢識睇人面色,邊個驚佢喊就扭多d

)平時得我湊明顯係唔同因為佢知我唔受呢套

其實側臥式係會瞓著。既然你老公未瞓就靠佢實

。
另一方面你蓋被最高遮到肚,同埋用一隻手放係頭下,1隻腳屈曲。即是向左側就左手左腳屈曲lock實自己個身,唔會向前傾就相對安全。醫院姑娘教架

私人傳訊回覆引用

積分: 388

30^#

發表於 19-4-25 15:40 |只看該作者

dreamboy_man 發表於 19-4-25 15:25
係咁架。我上胎咪咁囉。又唔好睇又大奶量差距。所以我先強調要搞返好。
我覺你係好林善個種人,bb恰你啊！ ...

我想問收奶後個差距會唔會正常返？

我一啲都唔林善，基本只係比佢一個bully

咁我唯有狠心啲逼下佢食右邊

我要再試下側卧式！！旨意老公就唔好啦，佢如果唔係做緊野，多數會釣魚

唉，阿b 又屙屁唔出喺到喊，搞到我好頭痕

私人傳訊回覆引用

積分: 6371

31^#

發表於 19-4-25 17:27 |只看該作者

momo.f 發表於 19-4-25 15:40
我想問收奶後個差距會唔會正常返？

我一啲都唔林善，基本只係比佢一個bully 咁我唯有 ...

我一向都是大細邊。個時收奶就回覆返未生之前size。比例都是差不多。

我老公都是咁。打機都會釣魚

返工辛苦丫嘛

得閒幫bb搓下肚仔希望會好d。我仔超多風成日放屁都會因為咁而扭計。唔舒服嘛。大個個完全無呢個問題

私人傳訊回覆引用

積分: 388

32^#

發表於 19-4-25 17:37 |只看該作者

dreamboy_man 發表於 19-4-25 17:27
我一向都是大細邊。個時收奶就回覆返未生之前size。比例都是差不多。

我老公都是咁。打機都會釣魚 :wahah ...

我都係，但左右差距一定無而家咁勁… 聽完你講會變返之前咁，我都放心啲

講起返工，當阿b 勁喊 / 我餵奶餵到好累時，我都前所未有咁想放完產假

我本身都好佩服全職媽媽，而家係更佩服，尤其係無屋企人同姐姐幫嘅一腳踼媽媽…

我仔最搞笑會比自己放屁嚇親（我估），因為佢有時呠完會定格，過兩秒再喊

其實搓肚仔個範圍係咪圍住個肚臍？

我朋友教我用啲油捽熱喺手再搓肚仔，但我永無啱時機去做呢件事… 因為佢訓得好哋哋我又無理由搓佢整醒佢，沖完涼又無理由衫都未著喺到搓（佢次次沖完涼唔即刻著衫會勁喊）

私人傳訊回覆引用

積分: 6371

33^#

發表於 19-4-25 18:06 |只看該作者

momo.f 發表於 19-4-25 17:37
我都係，但左右差距一定無而家咁勁… 聽完你講會變返之前咁，我都放心啲

講起返工，當阿b 勁喊 / 我餵奶 ...

我求其架咋。咁啱抱住佢個陣就咁隔住件衫搓咋。不過佢個樣好似幾舒服

返工媽媽仲勁啦可以兼顧兩邊。我平時1打2,得閒返兼職和屋企做野,搵得唔多。不過老公返工時間唔長返黎又幫好多手,算是搞得掂。

私人傳訊回覆引用

積分: 388

34^#

發表於 19-4-25 18:33 |只看該作者

dreamboy_man 發表於 19-4-25 18:06
我求其架咋。咁啱抱住佢個陣就咁隔住件衫搓咋。不過佢個樣好似幾舒服

返工媽媽仲勁啦可以兼顧兩邊。我平 ...

其實我阿b 心情最好應該食飽時，但食搓應該唔太好… 沖涼後佢又多數要食奶，咁即係我得返佢換片時同訓覺時可以搓

我仲未返工，都唔敢諗返工之後點… 除非佢四個月戒奶，否則到時要諗點儲貨比佢飲… 不過過兩個月先算，目前最重要係餵飽佢… 我而家又逼緊佢食右邊

2打1 比我會癲左…… 可以講小朋友幾大？
有個唔係豬隊友嘅老公真係好重要
我老公有時都豬豬哋，唔知幾時先可以先呢

私人傳訊回覆引用

積分: 6371

35^#

發表於 19-4-25 18:58 |只看該作者

momo.f 發表於 19-4-25 18:33
其實我阿b 心情最好應該食飽時，但食搓應該唔太好… 沖涼後佢又多數要食奶，咁即係我得返佢換片時同訓覺時 ...

1個3歲未返學。1個3個月。我老公係神隊友,佢負責bb沖涼,我係唔識嘅

。我99後生個陣幫人湊細路,所以育兒野我老公識d咁
泵奶我教唔到你太多。我都係呢期先有搞。大仔只鐘意埋身

私人傳訊回覆引用

積分: 388

36^#

發表於 19-4-25 19:11 |只看該作者

dreamboy_man 發表於 19-4-25 18:58
1個3歲未返學。1個3個月。我老公係神隊友,佢負責bb沖涼,我係唔識嘅。我99後生個陣幫人湊細路,所 ...

三年抱兩

我阿b 都係老公幫佢沖，不過到正式坐完月，我會叫我媽專人指導下我… 因為似乎我媽沖得得佢最舒服

如果唔洗返全職，阿b 肯埋身咪仲好，洗泵洗樽真係好煩架

問多你一個問題，其實點知阿b 清晒乳房啲奶未？有時佢食到自己甩口，我用手揸都仲有啲奶出，但可能唔多咁解

私人傳訊回覆引用

積分: 6371

37^#

發表於 19-4-25 19:24 |只看該作者

momo.f 發表於 19-4-25 19:11
三年抱兩

我阿b 都係老公幫佢沖，不過到正式坐完月，我會叫我媽專人指導下我… 因為似乎 ...

通常好難擠先出到我都當食晒。有時係堅出唔到。食到自己甩口,我通常會掃下風先,睇下係咪頂住條氣食唔到。掃到風就再用手指試佢食唔食。食嘅就先俾同一邊睇佢反應,佢唔想食就試另一邊。
全埋身係慳功夫架,不過要長期痴實啫。

私人傳訊回覆引用

積分: 388

38^#

發表於 19-4-25 19:35 |只看該作者

dreamboy_man 發表於 19-4-25 19:24
通常好難擠先出到我都當食晒。有時係堅出唔到。食到自己甩口,我通常會掃下風先,睇下係咪頂住條氣食唔到。 ...

你真係解答左我好多問題，多謝你，遇到你真lucky

我頭先又逼佢食右邊，抖左陣佢再食，我都係比右邊，點知食左陣佢又爆喊，氹完佢試下比左邊佢食，佢就乖乖食… 跟住我手多擠下右邊，出左一滴就無，但過左五六分鐘，我再擠下又有返兩滴… 咁其實係咪右邊已比佢食晒？

咁又係，一要食，自己連廁所都無得去
我餵佢餵到好肚餓都無得食

私人傳訊回覆引用