吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› SMILE 矯視經驗分享

自由講場今日: 243|主題: 1303839

收藏本版

發帖

返回列表

跳至頁

樓主: yen1706

SMILE 矯視經驗分享 [複製鏈接]

123

BaileyChung

大宅

積分: 1189

牛年勳章

21^#

發表於 21-2-18 10:37 |只看該作者

yen1706 發表於 21-2-18 01:39
竟然係咁!!!!!!!!!!!!!
我覺得有時真係好睇彩數..........

無
見得一兩分鐘
話復完緊

我都希望係

私人傳訊

yen1706

大宅

積分: 2222

22^#

發表於 21-2-19 01:40 |只看該作者

第九章：做手術了!
等左45 MINS，終於姑娘叫我入得手術室了!

因為我已經冇戴眼鏡，所以其實我係完全睇唔清楚既!
眼矇矇情況下，我唔敢行得咁快，步步為營，
姑娘都好細心，扶住我慢慢行，
原來醫生經第二個門口已經入左手術室，準備好幫我做手術!

一入到去，姑娘就請我坐係手術床上面，
然後叫我慢慢訓低，
訓好個位置後，莫醫生就一路話比我知，佢即將會做D咩野，
等我有個心理準備，唔使咁驚!

醫生調較好手術床既位置，高低前後適中之後，
手術就正式開始了!

首先醫生先做右眼，
佢用醫學膠紙將我既眼皮及眼睫毛痴住，
作用係以防我眨眼，同埋D眼睫毛阻礙做手術，
之後就連下眼睫毛都痴住，
痴好膠紙，醫生就ZIP左個固定我眼睛既儀器係我眼球上面，
雖然我睇唔到，但我FEEL到好似一個圈咁既。

固定好眼睛後，姑娘再幫我滴多次麻醉藥眼水，
過左幾十秒，我FEEL到醫生好似用一個「掃」狀物體打橫掃一掃我眼球一下，
放心，唔痛既，你FEEL到醫生做緊咩，但並無痛楚感覺!
之後醫生就將個激光矯視儀器慢慢移動，對準我既瞳孔，
個儀器移到好近好近我眼球，但又掂唔到我眼球既，
係呢個時候我都有少少緊張，因為我知道呢個係最關鍵既一刻!

當個儀器愈移愈近，我就開始見到一個綠色點，
跟住我就同自己講：死望住個一個綠點，唔好唸其他野，死望住!
之後我就聽到個儀器講左句：ACTION BEGIN (大約好似係咁)
真係開始射出激光了!
醫生一路安撫我，話我做得好好!
個個綠點由最初好清楚，大約十幾秒後，就變得愈來愈矇，
最後綠點就消失左了，
之後我又聽到個儀器講左句：ACTION OFF (大約好似係咁)，
跟住我就FEEL到醫生用儀器將我頭先激光完眼角膜下面既多餘組織「撩」返出來，
大約撩左幾下，醫生就話右眼已經做好了!
當然，痴住眼睫毛D膠紙要MEET返出來，
嘩..........MEET返出來個下話完全冇痛就厄你既.........

做完右眼，醫生重複剛才既步驟係左眼再做一次，咁就做完手術了!

我唸由我行入手術室至到最好晒兩隻眼，
前後少於10分鐘!
醫生好PRO，好快手，成個過程好流暢!

做好晒兩隻眼，醫生請我慢慢起返身，
姑娘扶我慢慢行過去另一部檢查眼睛既機器前面坐低，
部機器有盞燈既，醫生請我忍耐一下，
因為佢要檢查我個眼角膜傷口是否正常，有冇問題，
而醫生表示一切正常，手術做得好好!

檢查完冇問題之後，醫生就話手術已經完成!
我可以離開手術室了!

私人傳訊

yen1706

大宅

積分: 2222

23^#

發表於 21-2-19 01:56 |只看該作者

第十章：離開手術室
臨離開手術室前，我問醫生需唔需要戒口?
醫生話西醫唔講戒口既，刺激性既野唔好食住，唔好飲酒住就OK了!

出左手術室，姑娘帶我取回LOCKER內既個人物品，
除晒手術袍、手術帽、鞋套，
我就出返等候大廳等取藥了。

大家一定想知做完手術，我對眼睇唔睇到野?

當然，剛剛做完，係矇既，
但你絕對係睇到路，行到既!

我只可以話，我未做手術之前，500幾度近視，
我唔戴眼鏡，我係唔敢周圍行既，
而我剛剛做完手術出來，我係可以自己冇人扶，行返去等候大廳既!
感覺就好似有300度近視咁啦!
即係做完手術即刻已經比我未做時睇野清晰左喇!

所以有網友問我，可唔可以自己一個人去做矯視?
我自己個人係覺得OK既，
其實我都係自己一個人去，唔使一定要人陪既!

私人傳訊

clarawuwu

珍珠宮

積分: 32804

虎到金來勳章牛年勳章 2018復活節勳章親子王國15週年勳章

24^#

發表於 21-2-19 01:57 |只看該作者

Jasber 發表於 21-2-18 01:48
追....樓主描述得好仔細、好有趣

好有心機鋪排啦！

私人傳訊

米巴太太

男爵府

積分: 8289

25^#

發表於 21-2-19 09:19 |只看該作者

我剛响養和驗完眼，約左12/3做lasik, 醫生話我800度，做lasik好啲，養和2種既價錢都一樣$22000

私人傳訊

ikokam

珍珠宮

積分: 35676

2024年龍年勳章 2023年兔年勳章 2018父親節勳章親子王國15週年勳章開心吸收勳章食得好勳章

26^#

發表於 21-2-19 09:39 |只看該作者

會有做完果幾日後既故事繼續嗎?

私人傳訊

kolun

子爵府

積分: 10849

27^#

發表於 21-2-19 09:50 |只看該作者

請問如果做一隻眼會便宜d嗎？

私人傳訊

TOMATOO

伯爵府

積分: 17189

28^#

發表於 21-2-19 09:50 |只看該作者

yen1706 發表於 21-2-15 04:01
第五章：手術前檢查

終於來到手術的一天!

拜，文宣

私人傳訊

yen1706

大宅

積分: 2222

29^#

發表於 21-2-19 11:33 |只看該作者

ikokam 發表於 21-2-19 09:39
會有做完果幾日後既故事繼續嗎?

有既，請繼續留意~

私人傳訊

yen1706

大宅

積分: 2222

30^#

發表於 21-2-19 11:35 |只看該作者

kolun 發表於 21-2-19 09:50
請問如果做一隻眼會便宜d嗎？

一定會平D,
但價錢我真係唔太清楚，
我估15000左右啦!

私人傳訊

kyingyoyo

大宅

積分: 2320

31^#

發表於 21-3-7 02:15 |只看該作者

想問下係咪要1年內度數穩定先做得？
但係我唔知自己係咪穩定⋯如果唔係咪要等1年先可以做？

私人傳訊

gold1836

大宅

積分: 3799

32^#

發表於 21-3-7 08:36 |只看該作者

回覆樓主:

呢個應該係marketing之類的廣告post。我身邊都有好多人想做Smile，不過做前要考慮清楚，前幾日有篇訪問就係有關做smile的失敗例子。

私人傳訊

yen1706

大宅

積分: 2222

33^#

發表於 21-3-15 20:34 |只看該作者

回覆 gold1836 的帖子

哈哈.....
我都想我係MARKETING, 收住錢寫.......

可惜我冇錢收~

私人傳訊

yen1706

大宅

積分: 2222

34^#

發表於 21-3-15 20:54 |只看該作者

本帖最後由 yen1706 於 21-3-15 20:55 編輯

第十一章：拿藥走人返歸

做完手術出返等候大廳，終於都唔使點等喇......

5分鐘左右，姑娘就叫我去拿藥。

總共有2隻眼藥水，兩隻都係幫助消炎既，
每4個鐘滴一次, 每次每支滴1-2滴。
然後仲有一盒獨立支裝既眼藥水，
都係4個鐘滴1-2滴。

拿完藥，約埋第2日覆診既時間，就可以走得喇!

之前一直都擔心，一個人走得唔得呢?

我個人既感覺係可以既。
手術前，我有成600度近視，
做完手術感覺似有300-400度近視，
其實行出街都感覺OK既~

我同自己講：試下行下落街睇睇感覺如何先，
如果冇咩安全感，就伸手截的士返屋企啦，
點知行下行下又覺得冇咩野WOR........

卒之我都係坐左公共交通工具返屋企。

返到屋企，其實已經覺得對眼又再清左少少，
但係可能麻醉藥力已過，
所以對眼開始有少少「銀銀」地，但就唔係痛既，
不過我都只係「銀銀」地左一陣間，
已經走去訓覺LU~~

私人傳訊

yen1706

大宅

積分: 2222

35^#

發表於 21-3-15 21:06 |只看該作者

第十二章：第二日去覆診
第二朝一打開眼，第一件事係搵眼鏡.......
好好笑.......

其實都仲係有濛既感覺，
覺得大約睇到8-9成啦~
已經冇左「銀銀」地既感覺，
亦都冇痛。

行出街都完全冇問題!

今日覆診不在中環，醫生今日係旺角~
旺角個CENTRE仲大D，新D~

今次覆診完全唔使等!
由我登記、見醫生、檢查、再約1個月後覆診，
前後用左大約15 分鐘!

醫生話我傷口好正常，完全冇問題!
提醒我要乖乖地定時繼續眼藥水就可以!

其實我好想知而家隻眼係幾多度，
不過醫生話而家隻眼未復原，度數未穩定，
所以CHECK來都冇咩意思。
醫生話一個月後返去覆診就會幫我CHECK度數 GA LA!

私人傳訊