首先你要知現在保險儲蓄產品的結構:
1. 回本快，保證多，一定長期回報率比較低 2-4% < 因為用的係固定息率產品比例較高: 例如債券
2. 回本慢，保證少，一定長期回報比較高 5-7%< 因為投資股市會會較多
前20年回報, 兩款都應該回報差唔多，但2在20年後回報就會顯現。
你睇到佢結構就知道點解，保證多同保證少，股市點都會有一定波動性，所以到當年你退出個下先可以定左非保證落來，所以可能為左回報靚啲，都要選時退保。
現在息率愈來愈低，其實都係大勢令產品轉向非保證，所以你買非保證就要有打折預期，但做得太差，保險公司都會無左好多客仔既。
甘保險儲蓄產品係唔係唔好? 你放得長，你就當保險公司包你底囉，因為你唔洗接受股市波動洗禮，都可以拿到接近股市的長期回報(預期股市全球分散投資長期持有的回報係8%左右啦)
Final , 真係無一個標準可以用來評定佢好定唔好，因為人人想要既特性可能都唔同，同結構的產品實際回報都唔會一個天一個地，
最重要係你想點?
你想幾時用畢錢? 有咩目的想達到?
5年內目標就做定期, 10年內目標可以用股市, 唔願面對風險就用時間去接受儲蓄保險。
ErudTech 博學多財 小編
發表於 
返回列表
