lemontea520 發表於 21-6-30 11:39
REFER TO 新聞透視, 17歲開始整容個POST..留言講起呢D 係陰質錢, 然後有人問我睇唔睇得出有無整容, 或者想想聽下D 核突野..
我就分享下...
(利申，故事虛構, 如有雷同, 實屬巧合, 唔好問我邊間因為係"虛構"。不得轉載，不得以新聞引用出post)
先黎輕Keng d 既 -------打手。
每個行業都有打手存在。
美容業界更加會專設一個職位做打手。打手唔係d 咩衰相工作，都係一個平台開十幾個ACCOUNT咁O者。
有哂人設，有個表MARK 定咩login pw, 幾時開, 或者好似bk咁要電話no 註冊，就要mark 低係用咩no 開account,.,方便下手接替。
一開始都係吹下水, 儲下分。有d 打手係新豬既，唔識玩FORUM 一黎就會玩HARD SELL 好快比人踢爆。
識玩既，好似BK 某D 會員，絕對唔係新用戶，係公海活躍，但睇得出其實係打手..
慢慢將D 資料滲比你....
當然你去到美容區，好多都係自問自答架啦~用完A 戶口發問，隔兩個鐘B 戶口留言"我都想知多D 呀!"
搞搞下，其實10個留言，可能得一個人真係街外客......
其實BK 對於用戶登記都已經好嚴格。黎緊儲值卡實名制，相信會打擊到BK 打手。
不過，除左BK, 出面大把FORUM啦~香討、女.COM、同style 同音既平台...是真是假你分唔清。就算話有真人用家分享圖既...都算吧啦....
一到夏天就好多脫毛POST，冬天淡季就講下去斑....
無計啦~搵食丫嘛...唔係咁點會無啦啦搵到客o者!!!!仲要係說服你心郁郁打針/ 做FACIAL / 脫毛WOR!! 我唔洗你上黎開單, 你上黎資詢呀有登記個人資料，我都已經比公司讚啦!
所以我不停同人講，唔好盡信網上既野。就算係媽媽WTS GROUP, 三九唔識七你知人地一定係有BB 有小朋友既?
入面有SALES 你知唔知? 佢帶起個話題話食小朋友DHA，然後家長甲乙丙留言話有食開/ 好OK/ 好得, 我唔信你個心唔會郁郁下想試又想知邊度有得買...?
...
發表於 
第一次聽
返回列表
