我同佢分享我有一個朋友十六歲時懷孕生 B、結婚、之後離埋婚的故事,佢竟然駁我,話你都唔擔保你身邊果個男人唔會離開你!我真係激死,無錯,就算結左婚,都無人保證佢一世唔會變心、唔會離婚,但至少我老公唔係十八廿二,大家有共識生小朋友,會明白係一世的責任。坦白講,廿歲未出頭的後生仔,有幾多個真係心甘情願放工唔出街玩、返屋企去湊仔呀?聽到好多 CASE,最終都係男方唔甘心被束縛,女方就怨男方唔肯放棄吃喝玩樂的時間去照顧家庭,最終,咪就係淨返個 B 跟住阿媽囉!
佢口口聲聲話為個 B 著想,但自己同男友都未獨立,又唔同屋企人傾,淨係問其他媽咪健康院/醫院會唔會話比屋企人知,咁即係想點呢?無經濟基礎、又未有屋企人支持、又未做產檢、究竟邊方面係為緊 BB 著想呢?