懷孕前後今日: 18|主題: 329744

收藏本版

發帖

返回列表

跳至頁

樓主: Ching2327

廣華極速三小時生B記 [複製鏈接]

1 23

M.A.C

伯爵府

積分: 17773

41^#

發表於 16-3-28 00:59 |只看該作者

回覆 Ching2327 的帖子

同你差不多，好有同感呀！。。。。。。。生完住房係另一大大大大大問題囉！

私人傳訊

Ching2327

大宅

積分: 2094

42^#

發表於 16-3-28 01:12 |只看該作者

終於等BB瞓左，我終於有時間可以講埋我嘅產後病房經歷喇！
BB1點多D出世之後！等護士幫我連埋針，然後等咗半個鐘，就有個好nice既姐姐黎同我過床，話準備送我去產後病房休息，惡夢就係呢個時候開始喇！一黎到姐姐就讚我好叻，用咗三個鐘就生咗個BB，仲同我講我個仔係佢呢一更，第一個出世嘅BB ，所以我生之前好多野佢地都仲未完全準備得好好，因為咁啱交更，加上唔夠人手，然後姐姐鋪好張床，就叫我自己過床喇，我話下面好痛喎，我真係郁唔到啊，你可唔可以幫下我，姐姐即時拒絕，話規矩係要我自己過床既，佢教我自己'吉'高個pat pat ，然後Pat pat過咗床先，咁樣會容易啲過喎，咁唯有照做啦，試咗一次唔成功，第二次咬實牙忍住痛終於成功，真係好L痛囉，好想講返小小連針果 Part，之前提過佢唔記得幫我打止痛針就同我連針，成個過程用咗個幾鐘先完成，係因為護士要教個新仔連針，個護士講咗句，你已經睇過兩次嫁喇！今次由你自己試吓連！個心即刻寒一寒，然後講咗句太太你放鬆啲唔痛嘅、然後就開始，佢一落針即時痛到想自殺，死忍咗1個鐘之後，我終於大叫，仲周身郁，問連完未，點知個護士答我，因為下面個結構分好多層，要逐層連，加上個新仔有啲位連得唔夠好，佢要幫我補多機針，仲話因為嗰幾針都係分開嘅，所以要分開打結，因為打結係最痛既，所以叫我再忍下！聽完之後，我即刻想送句粗口俾佢兩位！！就係因為BB出左世，已經冇咗陣痛掩飾，加上新仔唔記得幫我打止痛針，呢個時候所有痛都係下面，所以過床真係好痛苦！好啦終於過完床，諗住可以落去飲水訓個靚教休息下喇，就有個護士過嚟同我講，因為產後病房暫時冇床位，而且因為呢段時間有好多大肚婆生完出院，姐姐仲執緊床，等多陣就會送我落去架啦！期間有個護士話佢冇乜嘢做，就走左過黎教我按摩個子宮，嘩！一按痛到PK 我知佢係出於好心，但15分鐘之後真係忍唔住Stop左佢，之後我就係咁等啊等........等左個幾鐘，終於有姐姐黎推我去攞返個走佬袋落產後病房！呢段期間我老公一直陪住我嘅，終於去到屬於我嘅床位，唉！點知又要過多次床，個心即時xyzzz........然後護士就叫我交出濕紙巾一包， BB了片唔記得咗幾多塊，係比BB沖完涼之後用嘅

私人傳訊

KILW

男爵府

積分: 8460

43^#

發表於 16-3-28 01:41 |只看該作者

引用：終於等BB瞓左，我終於有時間可以講埋我嘅產

原帖由 Ching2327 於 16-03-28 發表
終於等BB瞓左，我終於有時間可以講埋我嘅產後病房經歷喇！
BB1點多D出世之後！等護士幫我連埋針，然後等咗 ...

您形容痛嘅感覺好栩栩如生. 我都睇緊廣華, 一路睇您嘅經歷, 一路好唔想去嗰度生b

私人傳訊

Ching2327

大宅

積分: 2094

44^#

發表於 16-3-28 02:36 |只看該作者

眨個眼，護士就推咗我個仔黎我身邊，然後護士就吩咐我老公幫我攞定啲日用品出嚟放喺指定位置，話而家唔係探病時候，有男人係病房，會阻住其他媽咪餵人奶，所以老公淨係可以係病房陪我十分鐘就要即刻離開，加上過咗派飯時間唔會有野比我食，叫我老公一陣買定嘢食等探病時間攞嚟俾我.....其實我已經通宵冇訓過，仲要十幾個鐘冇食嘢用盡力生完個B，呢段時間我已經餓到古古聲同已經攰到冇乜自覺，因為頭先連針太痛嘅關係，所以就算老公帶咗相機係身，但一直都仲未同BB黎個合照！我唯有死頂，爭取呢十分鐘時間影返幾張全家福！影咗幾張相就已經有第二個護士黎趕我老公走lu ，老公臨走摸左我個頭幾下講咗句，我愛你呀老婆，加油啊，好好照顧BB同自己，探病時間佢再嚟過，我就忍唔住喊到豬頭咁.......... 呢個時候突然間諗起，個best friend千叮萬囑，叫我記得放定兩支寶礦力係走佬袋度，佢話好重要係for 生完即刻飲，叫我記得，即刻嗱嗱聲攞出嚟成支一口氣飲晒！嘩.........我個刻我直情覺得支寶礦力救左我一命！正當我諗住訓教， BB就開始係咁咁喊............ 當我想起身去抱下佢，先發現自己原來痛落唔到床，咁我唯有較到張床最高，伸到隻手最長，拉BB過嚟我身邊，拍下佢心口安撫下BB喇，呢個時候，可能我較高左張床，個人坐直左既關係，所以feel到下面好多野流緊出黎好濕好濕，揭開張被一睇，成床都係血，雖然有一條好似熱狗咁既M巾綁住，但已經吸滿曬！又濕又血淋淋又一陣嗅味，，仲要有啲已經乾晒癡左係大比嗰度，果刻簡直覺得自己污糟去到極點！.........待續...............