mugtaitai 發表於 18-9-5 19:54
高分低能嘅學生到處都有,唔少亞洲學生好識得考試,SAT/ACT 攞到好高分,但真係唔代表佢哋“叻”,而家陸 ...
一個真實例子:我以前老細個女入一間好貴吓嘅外州大學,老細話一年六萬幾,第一年佢居然俾學校踢出嚟,因為唔夠分,過程點解我唔知,亦冇特別問,老細話當時個女好灰,打電話俾佢,佢問個女有冇心讀,知唔知自己問題係咩,個女話知,因為自己態度唔認真,懶懶閒又自以為是,於是老細教個女去同教授求情,教授話有條件,話要佢暑假收番D科,仲要去到某個grade,老細個女答應,佢暑假係邊做工邊返學,時間表真係好緊,最後收番晒要收嘅科又合乎要求,教授安排佢復學,最後畢業。果間唔係Ivy league,個女後來畢業去考Microsoft,幾百人取錄幾個,同場好多Ivy League嘅學生,成績冇問題,仲個個都好叻,但Microsoft要請嘅唔係叻人,本身公司有邊個唔叻?佢地要請可以做team player嘅人,要識personal skills,要識點同人相處,要有common sense/being logical,唔係講笑,考試過程係幾日幾夜請你上遊船,包晒食住,有group meeting,有Team play,有Individual interview,根本連點餐食飯都係考核嘅一種,最後我老細個女入選,已經做咗幾年,做得唔錯,因為佢識得點同人講嘢,點樣play in a group,呢D喺成績度係反映唔到出嚟。
中國人好多蝕底在只係識讀書,唔識點樣做team player,好多父母覺得要做第一,但做第一要識得點樣同第二第三甚至第一百好好共事至係呢D大公司要請嘅,人際關係同埋點樣增加自己嘅價值非常緊要。
花旗太太生活在花旗國,留意時差,你問我未必即時答到。