yauchuchu 發表於 23-1-29 07:00
外國老師對SEN 比例 1:1 / 1:2
excursion/ outing 甚至放學等家長黎接都係幾個老師手拖手mark實每一個學生 ...
其實外國對SEN都係要家長主動配合,亦有去到1:8嘅情況(對比普通班1:24-35),見識唔少父母唔肯承認自己仔女有問題,錯過晒所有可以幫仔女嘅機會,甚至有D自欺欺人到話仔女太聰明,冇人明白佢地。OK,咁以後大個唔駛返工面對同事?唔駛生活?唔駛同人相處?細個時都可以俾諸多籍口去開脫,小朋友細個唔識,小朋友細個未明白,但大大吓就唔會再有人肯包容佢地小朋友"細個"呢個籍口,5歲時唔面對,到15歲已經好難改變,然後25歲冇法生活自理,父母唔通保護佢地到65歲75歲?
不過的確外國某D地方對SEN支援較多,亦唔需要等一年兩年至見到醫生做評估,學校亦有特殊學校/班俾嚴重嘅SEN,問題較輕嘅可以讀普通學校/班,校區安排支援,不過唔係種種問題都有支援嘅資源,例如社交能力訓練等就要睇下特教老師是否用心同是否有時間,感統普遍冇資源,父母當然可以搵私人訓練,只係費用唔少,同埋都要睇下夾唔夾到人,近三年對SEN非常困難,網上學習完全係死路,但都無辦法。
花旗太太生活在花旗國,留意時差,你問我未必即時答到。