本帖最後由 酸棗仁 於 16-2-12 05:24 編輯
yukiyukipang 發表於 16-2-11 22:40 
自從媽媽退休後，以為佢可以享福，點知無耐就確診柏金遜症，行路已經去到制唔到，腳無力，手又控制唔到，眼 ...
樓主, 見到你啲問題比較鎖碎, 我唔想記住再集合一齊回覆, 所以, 只係好粗淺咁見一個覆一個.
我係一個單親爸爸, 仔仔十一歲大; 同時都要照顧一個有多種老人病, 亦有腦退化嘅媽咪. 我媽嘅情況都不遑多讓.
其實, 有啲病未有得醫嘅話, 我地不妨往另一方向諗, 例如......點樣可以盡量保持/挽回 "生存" 質素. 就您呢個留言, 都起碼有幾點可以考慮.....
>>>行路已經去到制唔到，腳無力，手又控制唔到
我媽咪對腳都冇力嘅, 佢呢十年來, 跌過好多次了, 有時坐低咗都會起唔到身. 我地一方面幫佢補充食物營養, 再比一啲中藥補品佢食; 另一方面, 喺廁所等等地方, 加扶手; 喺企缸放張櫈等佢可以坐住沖涼; 出入口加鋪防滑地毯. 其實, 需要啲咩附助設施, 或者用品, 係可以向好多機構請教嘅; 如果冇記錯, 一線通平安鐘都有人可以幫忙提供呢類資料, 另外, 有一啲非牟利嘅護老機構, 都可以. 其中用品可以包括......助行架(坐喺度, 踢腳行行下嘅)可以練腿力, 又可以扶住行, 行得攰又可以坐下.......如果好多時間都要瞓床嘅, 又可以考慮一啲特別嘅床褥, 或者一啲特別嘅床, 同埋起落設施. 仲有, 針炙呢, 推拿呢, 呢啲都可以幫到手嘅.
>>>眼又時常流眼水!
我媽咪都有呢個問題, 醫生檢查話, (唔記得咗)淚線定淚管塞有問題, 跟住幫我媽咪喺面上按一下, 即刻流好多淚水......去睇睇專科吖, 可能只係小問題來架咋.
>>>今日我話佢食完野就要咩出聲叫我啦！唔好手多多，佢話隻手唔係我控制到，喊加話想死!如果真係想知佢實時情況, 一部 web-cam, 或者一部視頻 baby monitor 就可以幫到你了.
反而如果怕佢有咩事, 出唔到聲, 平安鐘, for 緊急事件, 當然有用啦; 一個鎖匙扣形嘅防狼器(一掹就會大叫嘅), 要來召喚屋企人, 好好用架.
>>>話想死!
呢樣, 識都唔教您啦. 但係, 情緒支援都好緊要, 尤其是做仔女嘅, 邊個鍚佢, 邊個唔錫佢, 佢會唔知咩? 所以, 多啲鼓勵, 多啲支持, 多啲幫助, 多啲有講有笑......我身為一個男人, 亦同樣有潔癖, 一聞到臭味仲會即嘔; 但係佢失禁時, 都係我(戴晒手套等等)或者仔仔(11歲咋), 幫佢拖地嘅; 我媽都試過偷偷地喊, 大家都心酸, 大家都難受架, 不過, 回心一諗, 佢又幫我抺咗幾多年 pat pat 呢? 我又幫仔仔抺咗幾多年 pat pat 呢?
咁多年喇, 總結一句經驗 : 只要有足夠嘅智慧, 就已經可以解決好多嘢; 更何況, 呢場仗, 無論人力財力, 仲有你三個哥哥一齊幫手架嘛!
緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ
發表於 
）
返回列表
