angel_ying 發表於 17-7-20 09:13
大家。。睇黎我要準快搵人修補先得。。。今早訓醒見到隻兔已經變成咁樣
但阿女好可愛咁樣對住免 ...
其實只係甩線,識勾織嘅唔難搞,快趣揾人幫手,否則越甩越多越大撻。細路仔好得意,我女早輪唔見咗隻hello kitty公仔,翻箱倒籠都揾唔到,佢以為我同婆婆收埋咗,我地冇,佢喊咗成個星期,我話買過隻都唔肯要,又畫咭又寫信俾唔見咗果隻公仔,見到都覺得陰公,後來買番一隻同款嘅,但因為舊果隻已經有五六年,白色嘅公仔已經變成灰色,佢一眼就知唔係,不過佢都收貨,話見到隻新嘅會掛住舊果隻。我仔有隻毛巾恐龍公仔,由1歲攬到而家11歲,佢細個咬住瞓,而家隻公司又霉又爛又甩晒色,我補到要加布上面至補到,但我唔敢掉。
花旗太太生活在花旗國,留意時差,你問我未必即時答到。