係呀!所以我即刻話:梗係有啦,我父母家姐阿哥都會買俾我,唔駛擔心!
奶奶最後都有買,但就俾左好多說話我聽囉,又話本來打算融左自己嗰隻,但話地收好少錢攪到佢要買一對新(但成日表現自己係有個臭錢既上等人!),又係咁講啲金幾貴云云,咁心痛咪唔好買囉!你地冇面又唔係我!
差唔多 big day 99 再問:「哎呀~妳真係夠唔夠鐲帶架,唔夠的話叫姑9 借俾妳~唔駛唔好意思~」
咩意思呀!聽見都火滾!驚我寒酸?
到斟茶嗰陣,佢大方咁送多個吊咀俾我,但我想話,之前見佢帶過囉!
姑9 仲攪笑,送左條手鏈俾我,又係帶過,係佢阿媽做女嗰陣啲過期款,一粒粒細細粒玉連住k金嗰隻,仲同我講 I send you something old and something blue. 妳估妳真係鬼妹?
可能有jm 會覺得有野收仲嫌三嫌四,港女,但當妳係當時人,見到佢地既咀臉,仲要送自己啲「珍藏」(因唔想駛多錢),又要俾說話妳聽,我寧願唔要囉!
幾時都係覺得自己媽咪最好~