我都有兩個，差18個月，基本就由細打到大又玩到大，細個人一言不合就出手，哥哥抓花妹妹塊面，妹妹扯哥哥頭髮，但轉個頭又攬頭攬頸睇電視，拖住手出街，慢慢兩個一齊大咗，哥哥教妹妹做功課，妹妹幫哥哥畫公仔做手工。疫情網課果年幾，佢地好彩可以做伴，出街又會兩個一齊去（一個我唔放心），有心事會互相講，都仲有時會嘈交，但大部份時間都係融洽。
對仔女細個時，我同老公係行問責制同連坐，是但一個百厭或有唔好嘅行為，如果另一個唔制止或同我地講的話，兩個一齊罰，最初佢地覺得唔公平，後來講大話去掩飾，結果罪加一等。為人父母，係由不斷學習，不斷包容，不斷擦新底線，又不斷見招拆招中渡過。我成日話佢地係最親愛嘅戰友，又係最致命嘅敵人。
花旗太太生活在花旗國，留意時差，你問我未必即時答到。
發表於 
我絕對無偏心是但一方，兩個都係一視同仁
返回列表
