新工仲要算係升職,預咗唔容易,冇可能熟悉環境同工序,除非你係原地轉職升職。其實十居其九嘅工都預咗冇交接,有係好彩,即使有交接亦唔代表會順利,政策會變,人事會變,你講以前果個同事能力好好但上司都唔滿意,聽邊個講?冇人會想自己下手比自己能力強,比自己做得好,佢唔跣你算好彩。
返一個星期你期待自己會識幾多同做得幾好?你有心做的話,坐低同上司傾吓,問佢期望你嘅工作表現去到點,可以的話,大家傾好一個進度表,一個月、三個月、六個月、九個月。。。每個時段想你可以做到熟悉到幾多嘢、邊D嘢。。。上司對上手期望同對你期望應該唔一樣,就算一樣,你地係唔同嘅人,長處、短處唔同,上司不滿上手唔代表一定會不滿你表現,如果上司係一個嚴緊又有料嘅人,我反而好想跟佢學嘢,希望能夠提升自己,就算以後走都唔係空手離開,睇下你對自己工作規劃係點,想挑戰自己與否。
反而公司氣氛差就要小心,唔好輕易信人,不過如果你覺得自己唔勝任呢份工,相信唔會做得好,係想走就快D,費事要通知期。
花旗太太生活在花旗國,留意時差,你問我未必即時答到。