吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 阿嫂同阿哥出現問題

婆媳關係今日: 0|主題: 27700

收藏本版

發帖

返回列表

跳至頁

樓主: Breamsum

2 3 4 56

積分: 257

101^#

發表於 18-6-15 12:19 |只看該作者

坐月日日要對6299咁多時間, 其實有壓力都好正常, 個個係你父母緊係覺得無問題, 但你試諗下到你坐月日日對住6299到淩晨, 又係唔係可以好自在從容呢?

私人傳訊

HAPI_HAPI

複式洋房

積分: 257

102^#

發表於 18-6-15 12:33 |只看該作者

回覆 Breamsum 的帖子

其實好多對夫婦都有佢地唔開心一面, 其他人真係唔好干涉, 同埋呢D都係阿哥把口講, 你有冇了解下阿嫂究竟咩事?
阿哥肯同你呻, 你做好聆聽者本份就已經好好喇

私人傳訊

Bobo113

子爵府

積分: 11316

103^#

發表於 18-6-15 18:32 |只看該作者

回覆樓主:

你父母肯做既，你就咪理禁多啦，一個願捱，一個願打，至於你阿哥同阿嫂之間的瓜割，就更加唔到你既position 去理，who are you?人家離唔離婚，関你乜事，閒事莫理，前世未比人話過咩

私人傳訊

monchhichi410

大宅

積分: 1725

104^#

發表於 18-6-16 14:33 |只看該作者

HAPI_HAPI 發表於 18-6-15 12:19
坐月日日要對6299咁多時間, 其實有壓力都好正常, 個個係你父母緊係覺得無問題, 但你試諗下到你坐月日日對住 ...

其實你阿嫂會唔會有產後抑鬱呀。

私人傳訊

brjhome

大宅

積分: 1740

105^#

發表於 18-6-16 23:49 |只看該作者

little06 發表於 18-5-24 12:50
睇你回覆後我反而覺得你大嫂有問題！有求於人仲咁多規舉！要人隨傳隨到！仲要跟晒佢套做法！咁巴閉你自己湊 ...

很認同little!06

我自己做梗人哋新抱，也是十幾年前坐月，奶奶也有幫手，没有覺得有壓力，反而身體回復好快，因為吃飽就訓，不用湊B,因自己開刀，傷口很痛，在此感恩我的奶奶當時的照顧!當大嫂第時做奶奶，她就會感受到做奶奶處境。
他朝君體也相同！

孩子就像海綿，需要水份般的知識澆灌,才能膨脹,茁壯。~努力~

私人傳訊

tigerchaichai

大宅

積分: 2587

106^#

發表於 18-6-18 07:18 |只看該作者

回覆樓主:

其實你阿哥衰多口, 好仔2頭暪, 教你阿哥講日後阿嫂講咩問咩都好, 都講句, ok啦, 佢地無咩所謂。

從呢度講, 好明顯你嫂想去day care而非你爸媽湊, 你哥將你父母唔like的comment講出來, 雖然無話唔俾.. 但你嫂聽到即等於唔俾的。你嫂唔搵野解釋即就唔可以去day care, 女人呢刻係需要support而唔係嘈, 或者你哥可以講阿爸阿媽點諗唔重要, 你想點做就點做.. 我諗阿嫂會開心d

私人傳訊

zxzx

伯爵府

積分: 17273

107^#

發表於 18-6-18 16:35 |只看該作者

回覆樓主

似乎亞嫂好多嘢不滿，今次一鑊爆出來。

私人傳訊

曈曈媽咪

男爵府

積分: 5525

108^#

發表於 18-6-19 21:06 |只看該作者

回覆樓主:

我都做人阿妹同時做人阿嫂，我媽一樣又係做人99，
我都曾經心痛我媽，不過叫佢唔理個孫，佢就仲慘，
所以做女既，只能夠講，如果佢地覺得咁樣湊，
雖然辛苦但覺得值得既，就去做～
至於哥嫂，你哥明顯溝通技巧上有問題，叫佢進修下吧～
阿嫂個度就唔到你去處理，如果會有見面時，就多D口頭上既體諒喇，（即係話下你哥唔幫手做咁）（明白佢好攰，又要湊仔，又要返工）
等佢知道有人明白佢，而並唔係好似得佢一個外人咁

私人傳訊

pianist2

別墅

積分: 676

109^#

發表於 18-6-19 23:19 |只看該作者

我生b前同老公、奶奶關係不錯，平時都與人為善生b後第一年，唔知係咩影響，包括嚴重睡眠不足，餵母乳問題，性情大變
我超級僧我老公，覺得佢就好，我就慘，我要忍受幾日痛楚佢就唔駛
我成兩個月日日呆在家，佢就唔駛
佢就日日見到呀媽，我就耐唔使先見到呀媽
而佢呀媽所有令我睇唔順眼的，我都會忍住，然後發在他身上
總之好似睇唔到佢同佢呀媽付出，雖然理性上是知，但內心總有怨恨
而呢d背後來自新手媽媽的心理，一切以bb為中心同時覺得自己好似好多野做唔好

bb既可以是愛情結晶，都可以是使婚姻破裂的開始
叫你哥重新約你嫂去街拍拖，需要的是暫時放下bb，才可以傾

唔好再拖，唔係你呀嫂覺得你哥唔明佢，久而久之，離婚都似

私人傳訊

mandy952

琥珀宮

積分: 156401

110^#

發表於 18-6-19 23:20 |只看該作者

Breamsum 發表於 18-5-23 12:45
阿嫂生完後
我媽媽即係佢奶奶第一日就即刻煲咗3款唔同嘅湯比佢飲頭一個禮拜阿嫂媽媽早上去煮飯比佢我 ...

到你生時就明白，其實孕婦生完係要休息

私人傳訊

花之豆

複式洋房

積分: 349

111^#

發表於 18-6-20 14:30 |只看該作者

Breamsum 發表於 18-5-23 12:45
阿嫂生完後
我媽媽即係佢奶奶第一日就即刻煲咗3款唔同嘅湯比佢飲頭一個禮拜阿嫂媽媽早上去煮飯比佢我 ...

本帖最後由花之豆於 18-6-20 14:37 編輯

其實當年我未生99已經話上唻，上足3個月，我以為佢講下啦點知，我一生完向醫院佢已經由朝坐床邊坐到晚，出院（第一日，佢知我亞嫲上唻探B,嫲嫲年紀大冇去醫院，所以一出院就唻）第二日開始佢大袋細袋一朝早8點幾上唻到夜晚見我食完飯8點幾先走！自己都未食，返屋企先食喎！
佢好客氣架，佢對我冇咩！不過真心好唔習慣，佢仲話頭3個月日日唻添！
頭兩日都暗示，其實我搞得掂，99唔洗辛苦日日唻啦，第三日老公開始放假陪我，我全日留向房因為第三日嗰種壓迫感越來越嚴重，所以基本上，老公自己陪99。99留到成9點幾先走，到第四日留咗半日就走因佢有野做。點知佢離開咗大約半個鐘，我一抱住個仔就喊到收唔到聲。我老公問咩事，我開頭唔敢出聲，點知我老公自己估到，佢問係咪99日日上唻好大壓力？嘩，我喊得更加勁！佢話佢自己多年冇同自己亞媽住，呢一日半佢自己都唔習慣，所以之後都叫99唔洗日日唻，唔洗次次朝9晩9咁！

講真之後佢真係冇上唻個心鬆咗好多，冇咗嗰份壓力！

所以⋯其實你父母勁好，好照顧後生，不過個薪抱真係唔一定習慣架！餵奶又唔方便，坐又會唔自在，好似每行一步都有人望住。你諗下你可唔可以接受6299日日上唻，就算佢地勁好，冇説話，冇氣受都好，真係未必咁容易接受到架！

當然你亞嫂應該一早出聲，唔應該一直接受好意，享受完之後先出聲啦，初生頭3個月最難搞！

哄下同解釋俾你父母知啦，等佢地唔好唔開心！減少上去同縮短時間，大家都輕鬆D，有番D私人空間麻！

唔好因為甘搞到關係差呀，因為好明顯父母係愛錫哥哥一家包括嫂嫂先願意照顧，忍讓，勞碌奔波都冇出聲，同嫂嫂忍甘耐先出聲一定係有感恩同尊重兩老架！唔好因為甘影響咗往後既關係！