我同意。強積金雖然有缺點,但依然係覆蓋率極高既退休保障計劃。政府應該改進強積金,而唔係一刀切取消。取消強積金既話,退休保障從何而來?難道靠上限為三十九萬既長期服務金?定係靠生果金同有資產審查既高額長者生活津貼?其實,取消強積金既話,最開心既係僱主。
雖然有人成日話強積金蝕晒D錢,但強積金分僱員同僱主供款。簡而言之,除非蝕超過一半,否則僱員始終係賺左僱主供款果部分。
另外,強積金都係睇長期。港股直衝三萬點果陣,強積金戶口日日有進帳,不過冇咩人歡呼喝彩。
今次調整只係影響月入30,001-55,000既僱員,佔全港僱員不到百分之二十。部分人可能以為調整每月供款比率,所以反應咁大。
取消強積金,真係因噎廢食。