J&D 寫道:
如果你d奶順, 你起身泵一次, 假設8安, lunch再泵一次(隔左5個鐘), 假設有5安, 收工(6點幾)泵一次, 假設又有5安, 食完飯9點幾又泵一次(4安), 12點幾再泵一次(4安), 如果頂得順, 半夜起身泵一次, 又有4安........足夠bb一日既食量, 你話你一星期會去契媽到1,2次, 咁你咪每次去都交手上既冰奶比佢, 咪唔洗一次廿幾三十包咁囉...
好多在職媽咪都係公司泵2次奶, 不過佢地多數lunch就泵一次, 下午4-5點又泵一次, 因為會就返放工立刻返去比bb埋身啜, 我建議你用電泵, 唔洗泵到手軟; avent電泵雖然問題多多, 不過目前都係好好既選擇, 因為avent泵得清多medela好多, 而且當你泵到無奶出既時候, 好多人都會收工, 但你堅持由佢泵空氣咁, 5分鐘左右無拿拿就會出左安幾2安架, 所以咪要用電泵囉....泵完後冰係公司, 再用frige-to-go帶返home再冰, 無問題喎, 返到去都唔會溶(當你放工立刻返屋企)....
如果真係太難做得到, 咪泵得幾多得幾多, 比bb混合食囉, 不過係一餐人奶, 一餐奶粉, 唔好一餐裡面一半人奶一半奶粉咁喎....學我老公話齋, 餵到咪餵, 餵唔到咪餵唔到囉, 唔好比咁大壓力自己, 越大壓力越無奶架....我初初餵人奶, 成日好緊張d奶量, 一泵得少我就好失望咁, 咁就越來越少, 後尾我老公開解完我, 我都諗住餵唔到咪補奶粉囉, 點知d奶就巴巴聲...記得每次泵完奶都要飲一大杯水/湯/飲料............返工做起野上黎就成日唔記得飲野!!!!
發表於 
返回列表
