論盡家傭今日: 5|主題: 133734

收藏本版

發帖

返回列表

跳至頁

查看: 543 | 回覆: 4

Javixx Aphrxx Quinxx 此賓已炒,在搵工 [複製鏈接]

sukimo0121

複式洋房

積分: 159

1^#

發表於 14-6-7 18:50 |只看該作者 |倒序瀏覽 |打印

依個賓賓係我岩岩炒左的，以我所知佢搵緊工，初頭都唔想開佢名，但佢太過份了！岩岩黎個時，我地同佢講如果夜晚做曬野，而我地又唔睇電視佢可以睇，佢黎到3日就“攤”係梳化睇電視，沖完就上身有著衫下身圍毛巾出黎，仲要我老公係到!佢咩心態我真係唔知喇，之後到左過年（我大肚中）我同佢講有朋友黎要焗茶，當時佢睇緊電視，我叫佢入廚房幫我拎茶葉，佢走入黎真係幫我拎完就即刻走返出去繼續睇囉！我就係入面焗茶，當時係下午6點，佢睇到8點我d朋友黎先停!仲有一次仲過份!!我有一個朋友黎我到，我地係房傾計佢就係出面睇電視囉，當時係下午5點幾睇到7點半，明明話做好曬野先睇，佢就無時無刻睇!!仲唔會理我朋友，唔會問人飲咩野，我仲要做埋佢個份!!!唉，真係貼錢買難受!仲要成未問過我地就隨便拎我地d野黎用唉。。。。仲有請佢個時同佢講左湊bb,先生唔係到佢就要半夜起身幫手，但睇朝可以唔洗甘早起身，佢經常扮傻，聽到bb喊都唔起身 ……
依d都係小事黎，佢仲要放假出去酒吧飲到醉左返黎，同佢講過放假飲酒我地冇權理，但佢要留係到就唔可以飲，佢話留係到，叫我地比次機會佢，甘我地又比佢機會佢（因為我就生，又以為佢會改過），但佢三番4次甘飲酒返黎，我地要佢湊bb唔可以飲酒，佢仲要遲返，講大話!自問真係對佢好好，見佢成日浪費錢買儲值卡打返菲律賓，甘我同我老公買左部平平地既智能手機比佢，等佢唔好用甘多錢，冬天又怕佢凍，帶佢去買衫送比佢，每日供應佢中意飲既咖啡比佢!仲想我地點？真係好心痛，第一次請工人就攪到甘。
無論我地對佢有幾好都唔及佢d朋友一句說話，因為佢d朋友成日教佢講大話，佢一黎到我地已經提左佢唔好亂聽人講，要自己分析一下，但佢當我地發嗡風，唉………………另外我地懷疑佢係酒吧做，因為成日有酒味返黎，好彩我唔比佢用洗衣機洗內衣褲，因為唔知佢有冇做"個d"以我所知好多賓出黎做的。
我希望大家注意下，小心依個賓，我唔想再有下一個受害家庭