少年成長 今日: 1 | 主題: 15861

積分: 518

21^#

發表於 14-7-23 20:17 |只看該作者

每日媽媽發表於 14-7-23 20:00
試下問番佢點解咁做，點解咁問同咁講，俾佢試下反思個問題~

－呢啲嘢點解唔係佢做唔係你做係我做？

多謝你用咁多時間回應，好感動！
你講嘢同我對佢講嘅幾乎一模一樣，更多嘅係未講到三句，佢就一句車過嚟話：你講嘢一句就一句，可唔可以簡單啲？你知唔知你咁兜兜轉轉都講唔到重點好煩？

於是，我就一句：我想你點點點⋯⋯？

佢繼續坐響度㩒電話！

私人傳訊

i0nly

洋房

積分: 62

22^#

發表於 14-7-23 22:08 |只看該作者

很值得同情,你C6肯定是錯的,我太太和他差不多,一切為了和諧..
但我想你要關心你C6一下,作為男人如此奴隸 (我想你也跟他說很多次了),又兩面夾,心中不知哭了多少次.
為了女兒,厚黑一點:
1.先巴結你老公站你一邊.多二人談心.明顯你C6覺得在你女兒那裡得到更多的快樂.不管你是否覺得奴隸.
2.只要女兒覺得孤立,那便可行你的一套.

點評

el0128 不理，一就站在我一邊發表於 14-7-23 23:39

el0128 都係我管教理念。一就發表於 14-7-23 23:38

el0128 父母管教方向一致一直發表於 14-7-23 23:36

私人傳訊

積分: 518

23^#

發表於 14-7-23 23:06 |只看該作者

本帖最後由 el0128 於 14-7-23 23:31 編輯

i0nly 發表於 14-7-23 22:08
很值得同情,你C6肯定是錯的,我太太和他差不多,一切為了和諧..
但我想你要關心你C6一下,作為男人如此奴隸 ( ...

噢！有個男的比意見真好！很想睇唔同性別，唔同層面嘅人嘅意見。
我不嬲都行你果套厚黑，其實，也不需特別巴結我老公，不談女兒時，他對我極好，也經常談心。我們是這種行街仍會拖手，睡時也要攬在一起，閒時會兩口子吃飯睇戲的那種老夫老妻。

我C6對住我同個女，佢一方面對住個女奴隸獸，仍然乜都提供，乜都滿足佢，又唔想同女有衝突；一方面我在場時，就扮附和，一就扮見唔同睇唔到唔知道，因為佢見到個女㩒iPhone唔出聲又同我有衝突。佢好似厚黑過我！

不過，咁對個女無好處囉！你話係唔係？

佢喺外面做嘢就日理萬機。但佢同個女或者同我有衝突，明顯好吃力，講兩句已經上氣唔接下氣。

就在剛才，我同女講：你看電視看了整天，可不可以做點暑期作業？C6附和：對！對！依家即刻做！
女：以為一個有病，原來兩個都有病！
說畢，繼續睇電視。唉～～～

私人傳訊

加菲

積分: 11064

24^#

發表於 14-7-24 11:54 |只看該作者

回覆 el0128 的帖子

看到你的post, 令我氣難平, 你叫你先生看看黃毅力 (eric wong) 的著作吧, 他其中有2-3本是有關育兒養兒的書籍, 一定對你們有幫助。依家已經唔係爭辯誰對誰錯了 (因為好明顯你女兒的態度和價值好有問題), 你嘗試email給黃毅力先生, 他一定會給你解答和分析困局。如果再如此下去, 你女兒就會像新聞裡看到的年青人一樣 (20- 40yrs嗰班), 覺得呢個世界欠咗佢一樣, 出面一不如意就情緒失控, 甚至結束生命, 或者終日做"廢柴" (唔好介意我咁講), 直至中年都係咁, 佢呢個性格唔會得到幸福的婚姻, 亦唔會養育到良好的下一代, 只會損人不利己。
希望你家的問題早日找出根治的方法, 另外想問問你兒子和姐姐的感情如何, 是否同一屋簷下, 但如同陌路人? 沒有半點手足情?

點評

el0128 手足情有，睇心情！發表於 14-7-24 17:55

私人傳訊

豬兜有情人

積分: 13179

25^#

發表於 14-7-24 14:13 |只看該作者

本帖最後由豬兜有情人於 14-7-24 14:30 編輯

el0128:

咁長篇~~~你一定谷得好辛苦? 其實你女未有iphone前/再細d時, 你同感情如何?

睇完真係好驚&好暈, 點解現今小朋友咁難教

私人傳訊

積分: 518

26^#

發表於 14-7-24 14:25 |只看該作者

本帖最後由 el0128 於 14-7-24 14:49 編輯

加菲發表於 14-7-24 11:54
回覆 el0128 的帖子

看到你的post, 令我氣難平, 你叫你先生看看黃毅力 (eric wong) 的著作吧, 他其中有2-3 ...

Eric Wong？我識佢！我有佢幾本書都係免費嘅！
依家都唔係有無專家幫到忙嘅問題，係C6接唔接受嘅問題。C6係一個大好人，愛家庭、愛仔女，錫老婆。但就是拿揑唔到乜嘢為之愛，乜嘢叫做對個女好。佢其他嘢好容易話為，但一講到對個女嘅管教就死牛一面頸！

我參加過好多親職講座，睇好多書，甚至上一啲青少年課程。我勸唔到佢，嘗試用專家嘅角度去改變佢，試過睇到一啲好啱嘅教育理念遞本書佢睇，又試過叫佢一齊聽講座，又試過同佢講阿邊個邊個(專家、講師)話唔可以點點點，否則有不良後果。佢會reject我話：專家就係專家係講理論theory嘅，唔係講practical嘅，唔好一部通書睇到老！我反駁佢：教仔教女我同你大家都未必識，唔識咪學囉，的確一部通書唔好睇到老，不過我地既然乜都唔識咪要聽囉，聽完咪參考一啲適合自己家庭環境嘅嘢囉！佢聽完唔夠我講就唔答，喺管教個女上依然故我！

好似個仔參加wildcamp，個wildcamp係訓練自理能力，適應能力，個機構亦提供咗個to bring list。C6成日同我拗個to bring list無話帶拖鞋，要比雙拖鞋佢，又話要比零用錢佢。我同佢講個wildcamp就係比小朋友用有限嘅資源去適應環境，又比呢樣又帶果樣，根本就違反個wildcamp嘅原意。佢哦咗好耐，我理佢，去到見到導師，我喺C6面前問導師需唔需要帶拖鞋、零用錢？導師笑笑口(我諗人地都覺得好笑)：我唔覺得有需要，只需要準備to bring list嘅嘢！C6話：唔需要比零錢經過啲士多買枝汽水咩？導師話：千祈唔好比，佢地要學習佢隨身枝水嘅重要性，唔好比引誘佢地！

返屋企我話掛住個仔，C6話：我一啲都唔覺囉！(佢仍然覺得提供物質係愛嘅表現，我唔比帶拖鞋、零用就係唔愛個仔！)

另一個camp又開始，以為佢經一事長一智，個to bring list要預備＄100零用，佢叫我比夠＄300。唉～～～

返屋企我話

私人傳訊

積分: 518

27^#

發表於 14-7-24 14:44 |只看該作者

豬兜有情人發表於 14-7-24 14:13
el0128:

咁長篇~~~你一定谷得好辛苦? 其實你女未有iphone前/再細d時, 你同感情如何?

未有iphone前，衝突無咁大！
不過C6成日為咗比個女(公主)一啲好日子，用好多歪理去反駁我認為唔啱嘅做法。有啲我妥協，有啲我堅持，我都唔想日日為個女嘅事爭拗。

個女三、四年級喺房做功課，佢容許個女一路開唱機聽歌(有歌詞嘅歌)，我反對我話可以聽輕快嘅音樂，唔可以聽歌，聽歌有內容影響專注力。C6話自己讀大學時都係咁，有乜問題。講完我行我素。到今時今日個女會塞住隻耳仔一路聽歌一路做功課，或者寫幾句，行開搞其他嘢，總之坐低温書做功課唔會坐得耐過10分鐘。當然，大部份時間係唔交功課！我同C6講個女啲咁差嘅専注力喺佢搞出嚟。佢答我話個女D英文好都係因為聽得多英文歌。佢又撈埋黎講，我唔反對聽英文歌，我係反對一路聽歌一路做功課。類似呢啲爭拗無日無之。

私人傳訊

豬兜有情人

積分: 13179

28^#

發表於 14-7-24 15:23 |只看該作者

el0128 發表於 14-7-24 14:44
未有iphone前，衝突無咁大！
不過C6成日為咗比個女(公主)一啲好日子，用好多歪理去反駁我認為唔啱嘅做法。 ...

真係你有你講, 老公有老公做, 咁就真係講咩都無用!!! 你c6 都知個女咁態度對你, 佢見到都唔話個女無體貌對你, 咁個女更加對你唔尊重, <<<c6知唔知會有咁反後果出現???

私人傳訊

積分: 518

29^#

發表於 14-7-24 16:06 |只看該作者

豬兜有情人發表於 14-7-24 15:23
真係你有你講, 老公有老公做, 咁就真係講咩都無用!!! 你c6 都知個女咁態度對你, 佢見到都唔話個女無體貌對 ...

佢知個女無禮貌，不過無符，因為對佢更無禮貌！
C6啲概念好神奇，有次比個女激親佢佢發脾四對我話＂我忍夠佢地，唔好搞到我爆！＂我同佢講：細路嘅嘢，你忍乜呢？唔啱咪即刻話，即刻教囉！你估佢地係大人，知你忍讓緊咩？細路嘅嘢你唔講你唔教，佢地點知自己唔啱？你估老婆、客戶、合夥人咩？忍？(我真係想象唔到佢成長環境奶奶點教佢？教仔教女係要忍，啲仔女就知自己乜嘢問題？我真係投降喇！)
佢見到結果，不過佢唔覺得係我講嘅問題做成，因為唔覺得，所以唔配合，因為唔配合，所以惡果繼續。

事到如今，我唔係想爭拗邊個嘅做法啱。但C6一日唔知自己嘅問題，個結仍然喺度，問題仍然存在。

私人傳訊

豬兜有情人

積分: 13179

30^#

發表於 14-7-24 16:37 |只看該作者

el0128 發表於 14-7-24 16:06
佢知個女無禮貌，不過無符，因為對佢更無禮貌！
C6啲概念好神奇，有次比個女激親佢佢發脾四對我話＂我忍夠 ...

咁講番轉頭真係你要先好好教育你老公先, 但聽落佢仲難教過個女, 真係好嘔血

私人傳訊

MariaTsui

水晶宮

積分: 58682

31^#

發表於 14-7-24 18:35 |只看該作者

本帖最後由 MariaTsui 於 14-7-24 18:36 編輯

看見樓主的POST,又是電話問題

囝囝12歲,剛小六畢業,暑假後升中,囝囝用我的手機電話加入同學的群組,真的嚇我一跳,可以半小時內超過200訊息,有同學半夜點幾說睡不著,第2天4點幾又再發訊息,內容全部無聊,幸好囝囝中學不准用電話.

樓主,我相信你囡囡的電話訊息都是說同學的八掛事,只是浪費時間,但由於正值青春期,朋輩影響力大過父母的影響力,加上樓主的另一半全幫不上忙,真的比較煩.

囡囡15歲,已錯過母女感情培育期,保持家庭和諧是首要做的,因為囡囡已不再聽你說,就算另一半與你同一陣線,實行經濟封鎖,都解決不了,一個食慣,歎慣的少女,怎可能接受經濟封鎖,在朋輩面前,顏面可存,如果父母一齊做黑白天鵝,只會令親子關係更差,現在只可問自己的底線在哪裡,盡量守住這條底線,囡囡夜歸,樓主等門,一定要讓她入屋,千萬不要鎖門,看見她平安回家,只需說句,你回來,就好了,不要再責罵,現在只可採用懷柔政策,因為以你囡囡的性格,遲早都會遇到打擊(恕我直言),你要讓她知道,無論發生任何事,家門始終會為她而開.

青春期是少年人反叛時期,如果親子關係破裂,後果可以很嚴重,特別是女孩子.

點評

QUEEN314

發表於 14-7-26 14:54

i0nly Agree 發表於 14-7-24 21:37

私人傳訊

MariaTsui

水晶宮

積分: 58682

32^#

發表於 14-7-24 18:47 |只看該作者

本帖最後由 MariaTsui 於 14-7-24 18:50 編輯

我的小女兒10歲了,性格比較反叛,可能女孩子比較早熟,我都可以想象妹妹的青春期比哥哥煩.

現在我會培養我和囡囡的共同興趣,找一樣東西會大家一齊做,讓"它"變成習慣,將來,我們就可以一齊做下去,另外PILLOW TALK是很好的,妹妹有時不開心,遇到問題,就會約我去PILLOW TALK,告訴我有什麼事,問我意見,記緊PILLOW TALK時,你們是朋友,不是母女,千萬不要說教,要站在囡囡的立場去想,做媽媽的才會有共鳴,囡囡才會繼續約你去PILLOW TALK,一齊傾心事,也要讓PILLOW TALK變成習慣,囡囡將來有心事,也會第一個想起你.

我都是一邊做,一邊學習如何做一個能與子女溝通的媽媽,希望能順利過渡子女的青春期.

我覺得囡囡的成長是特別需要媽媽的引導,所以我對囡囡的關係特別緊張.

點評

el0128 Sorry, 故障⋯ 發表於 14-7-24 23:13

el0128 15歲了！還pillow talk？發表於 14-7-24 23:13

el0128 15歲了！還Pillow Talk？發表於 14-7-24 23:12

私人傳訊

i0nly

洋房

積分: 62

33^#

發表於 14-7-24 21:31 |只看該作者

el0128 發表於 14-7-23 23:06
噢！有個男的比意見真好！很想睇唔同性別，唔同層面嘅人嘅意見。
我不嬲都行你果套厚黑，其實，也不需特別 ...

FYI..
我比你好些, 我太太的的家人也會說她太縱女兒.所以她有時也會對方女兒很惡. 我太太的家人說一句發過我說十句.或許她會覺得我當女兒像敵人.儘管我沒此意圖,但可能無意中表現出來吧! 他是二形人格的人,因此保護弱者,愛好和平.基本人格定了,我知不可能改變她.
那我有時會表現得更弱者(好可憐好感觸的說,沒有抱怨她,沒有投訴她),最後便站我一方(雖然維持時間不長,哈哈)
紀然你女兒是一姐形, 她聽不進你看小她的說話.

私人傳訊

積分: 518

34^#

發表於 14-7-24 23:17 |只看該作者

MariaTsui 發表於 14-7-24 18:47
我的小女兒10歲了,性格比較反叛,可能女孩子比較早熟,我都可以想象妹妹的青春期比哥哥煩.

現在我會培養我和 ...

15歲了，還pillow talk? Pillow talk以前當然有，我想每對母女都有⋯⋯⋯不過不會在15歲了！Anway, 多謝你的提議，你女兒15歲時你會明白的！

私人傳訊

積分: 518

35^#

發表於 14-7-24 23:37 |只看該作者

i0nly 發表於 14-7-24 21:31
FYI..
我比你好些, 我太太的的家人也會說她太縱女兒.所以她有時也會對方女兒很惡. 我太太的家人說一句發過 ...

你似乎很明白我的處境。其實就算你不是敵人，因為一強一弱嘅對比，弱的一方處處遷就又要乜比乜，強的一方永遠也是阻她好事的人，無形中就好像敵人一樣，每事也＂降＂起曬(好似隻蟹咁)。我唔係要求C6打佢鬧佢，只係見佢無禮貌時或行為不好時，要即時話佢(係話唔係閙，話時語氣要堅定)。好多時，我話個女時，佢坐在一邊㩒ipad㩒電腦當聽唔到(唔知佢覺得咁樣會加入戰團，要和諧，還是驚同個女有衝突)，我就好似一個儍婆唱獨腳咁！有時我聽到仔對爸爸講嘢無禮貌(仔好少)，我會即刻走出去好嚴厲咁同個仔講：留意你自己對長輩講嘢嘅語氣同態度！我只係希望佢做返同一樣嘢！

私人傳訊

MariaTsui

水晶宮

積分: 58682

36^#

發表於 14-7-24 23:55 |只看該作者

引用：Quote:MariaTsui 發表於 14-7-24 18:47 我

原帖由 el0128 於 14-07-24 發表
15歲了，還pillow talk? Pillow talk以前當然有，我想每對母女都有⋯⋯⋯不過不會在15歲了！Anway, 多謝你 ...

我不是建議你pillow talk，因15歲的少年人不願這樣做，要由少做起，我是建議其他媽媽，這的確有效，我知道有媽媽很成功一者維持下去，當然不是每晚，只要有事懂得找媽媽已經很成功。

私人傳訊

積分: 518

37^#

發表於 14-7-25 00:14 |只看該作者

MariaTsui 發表於 14-7-24 18:35
看見樓主的POST,又是電話問題囝囝12歲,剛小六畢業,暑假後升中,囝囝用我的手機電話加入同學的群組 ...

其實我本來係奉行隻眼開隻眼閉嘅做法，有些事情唔太過份(即係你所講嘅底缐)就算數。不過，我嘅底缐就係對父母嘅態度，你可以烏槽核突唔刷牙唔讀書(譬如)，但對父母態度差萬萬不能！
我另一半嘅懷柔，軟弱(對個女)，但懷柔得嚟無底線，佢對C6無禮貌態度差，呢啲底線就會愈試愈過，爸爸可以喝斥，媽咪又試下，蔓延落嚟，我當然接受唔到，我會話佢，但話佢時，另一半又當聽唔到。(我絶對相信佢態度差，父母一齊用肯定嘅語氣話佢，第二次佢想咁做，都諗過先！)

就在剛才，一家吃完飯返家，一入門口女又攤喺沙發上㩒電話，我同佢講：學校去camp，你是不是應該執拾行裝呢？女㩒住個電話：做嘢有程序嘅！我就係要同同學夾要帶啲乜？我話：你可以同同學夾，但你亦可以一邊執拾一邊夾，無必要攤喺度＂等＂同學答！佢發悔起身一邊起一邊話：自己洗衫又慢又要人執！(呢！佢去做都要試底線㗎！唔出聲，下次又踩過啲㗎！)

P.s.回應返你：幸好佢好少出夜街，上面只係要佢交代幾時返，我覺得做仔女唔好話15歲，就算成年都要交代幾時返返唔返屋企食飯，尤其女仔。另外，佢地同學間真係會用whatsapp傾project(可能高中關係)，當然佢㩒電話大部分時間唔係傾project啦。

私人傳訊