夫婦情感 今日: 5 | 主題: 42445

積分: 13291

101^#

發表於 15-7-25 10:56 |只看該作者

回覆：有冇最近都係同老公或男朋友因為小3 分開既jm

um… 男人猶豫不決，左搖右擺既時間係佔大多數，有咩能夠促成佢有決心離開另一邊呢… 就一定會係自己既改變，增加自己既吸力… 一個男人要絕情會有幾絕，其實呢度好多jm都感受過，包括我，所以佢亦可能會好絕捨棄另一邊，唔係無可能！

私人傳訊

積分: 1862

102^#

發表於 15-7-26 01:32 |只看該作者

多謝你地認真甘睇我呢件事，其實我同佢既問題.....早在三年前我就發現係佢會上網識女人可能有去開房，但個時我剛有bb, 一切默然不語，c6對一個人好係可以好好（表面），但有時女人就係被蒙蔽。生完bb 後，老生常談既問題就發生，湊b,管教，升學，每一個細節都可以有爭執同挑剔，c6本身無舒緩壓力既方法時常發脾氣，而我因每次爭吵都好似辯論比賽甘，漸漸就晒佢費時嘈，但有時明知唔work,臨撞埋牆我會轉軑，件事做得好但關係仲差，因佢講求一致同commit,。一環扣一環溝通出左問題，其他問題就出現，係呢兩年家中發生很多事，老爺患病離世，c6失業，我患内分泌失調等等，工作生活......各有各壓力，繼繼續續發現佢係前後兩間公司同同事有曖昧.......可能睇到呢到已有jm爆鬧你仲忍佢縱佢，其實我check佢已經係不信任動作侵犯佢私隱，c6好重私隱係佢唔岩都唔會傾落去.......上年呢個時候我建議去揾婚姻輔導，c6話佢唔信呢套.......到今年新年，我整親腳，大家工作，佢又惹官非，姐姐又唔做，小朋友唔舒服，呢段時間佢已變心同有壓力好少在家半夜先返，這半年我過住單親媽媽既日子，好無助然後迷信，係家中放觀音相和係老爺上位後回家過火盆呢兩件事觸發佢不回頭，佢覺得傾過唔擺神佛但我唔問就放同埋唔尊重老爺。
呢個月由我自責後悔到發現2月起既大話，我只能説溝通不足無默契，條隙越撐越闊，條隙大要蛇蟲匿藏。

私人傳訊

積分: 1862

103^#

發表於 15-7-26 02:30 |只看該作者

今日見佢掙扎好耐，望下阿仔獎牌又望下窗，最後坐定傾左三個中，佢話我地問題係工作壓力 .....財政壓力....面對我同阿仔既壓力....，最大問題係溝通已無信心......佢無方法去解決呢幾個困局，唯一諗到既係搬出去輕鬆點個人可能有新想法，佢呢個諗法未有落實時間仲諗緊，佢唔想影響阿仔會應付阿仔既開支，佢問我有咩想法，我諗左一陣話以上壓力有方法同可以點解決，但心態既轉變就好靠自己，選擇第三條路係可能覺得輕鬆，但佢面對既壓力仍然係度。佢話搬出去可能會提高大家相處既質素。
其實佢只想我知問題係甘樣，別無其他因素，請有準備佢會搬出。

私人傳訊

eggpudding

積分: 14327

104^#

發表於 15-7-26 10:14 |只看該作者

引用：今日見佢掙扎好耐，望下阿仔獎牌又望下窗，

原帖由 alp0805 於 15-07-26 發表
今日見佢掙扎好耐，望下阿仔獎牌又望下窗，最後坐定傾左三個中，佢話我地問題係工作壓力 .....財政壓力.... ...

我個人認為
千其唔好搬出去
男人有時好衰
話搬出去分開一陣冷靜下係分開的前奏
其實人生一定有好多難關
你地兩個可唔可以過番d拍拖生活
可能一星期搵一日搵人睇住阿仔
兩個人輕鬆咁拍下拖，無生活壓力咁relax下
每個人解決方式唔同
但係一個家唔係佢話解決唔到就走左去
你可唔可以寫d point 列出解決方法同佢傾
但有時男人覺得唔work就唔work唔解決就左去
你努力動之以情，唔好硬碰硬
加油
希望你地可以解決到

未經本人同意,請勿轉載內容!

私人傳訊

ms_ck

積分: 13291

105^#

發表於 15-7-26 11:34 |只看該作者

回覆：有冇最近都係同老公或男朋友因為小3 分開既jm

其實你係咪肯定佢有小三先？如果係肯定，佢講既全部借口黎既

私人傳訊

積分: 1862

106^#

發表於 15-7-26 23:08 |只看該作者

我揾幾張開房單，屋企唔用既套，情人節前買香水既單，四五個月話ot,1，2點先返，有四五晚無返來話係公司做，尋日講到幾重視阿仔，但全日打機上線，得閒同阿仔講兩句講幾個生字，今日天氣好少少，問佢有無諗住帶阿仔出去，佢話無，但佢自己諗住出去行下，行到宜家十點都未有返黎，叫自己唔好諗佢去睇戲定同人開房.....但心真係痛..........唔係我唔想傾，列point話我俾壓力，佢呢個天蠍男係好固執佢唔願同我傾野，佢whatapp狀態講唔行出第一步，夢想唔會實現，我尋日問佢夢想係咩....佢話可能係自由。我都唔想佢搬....情況唔到我控制.....坐我隔離食飯都唔願意，身體接觸都唔得....出街係無可能.....
我有諗過幾萬蚊揾私家偵探跟佢幾日，等自己清清楚楚，你地覺得點？我少少想知清楚，最重要係有證據防止佢爭阿仔，但又覺得知道又點，錢對我重要些.....

私人傳訊

eggpudding

積分: 14327

107^#

發表於 15-7-27 01:16 |只看該作者

引用：我揾幾張開房單，屋企唔用既套，情人節前買

原帖由 alp0805 於 15-07-26 發表
我揾幾張開房單，屋企唔用既套，情人節前買香水既單，四五個月話ot,1，2點先返，有四五晚無返來話係公司做 ...

唉，有女人的話
列咩都無用
無女人有得傾，有女人出面果個樣樣都無壓力
成件事都唔同
分居的話叫佢俾贍養費
如果唔想分唔好俾佢走喇
有女人的話，走左去好難救
同埋佢講果堆野係籍口
一定樣樣推落你地，千其唔好不停自責
至於私家偵探，其實會燒銀紙
但我唔知道有無幫助
jm 俾個心理準備自己
就算失去都忡有個小朋友

未經本人同意,請勿轉載內容!

私人傳訊

積分: 1758

108^#

發表於 15-7-27 11:17 |只看該作者

引用：我揾幾張開房單，屋企唔用既套，情人節前買

原帖由 alp0805 於 15-07-26 發表
我揾幾張開房單，屋企唔用既套，情人節前買香水既單，四五個月話ot,1，2點先返，有四五晚無返來話係公司做 ...

其實好明顯你知道個事實。。。
唔需要曬錢去証實
佢根本就已經將所有責任推晒比你嫁啦
你唔好自責
我當時初初發生
我好自責唔珍惜佢放大晒佢既優點
但我朋友同我講
佢點大壓力都好嬲你又好冷静又好鬧你又搵過第2個女人。。佢就係一個不折不扣既賤男
有壓力你冇女人個時又唔見話分開。。借口到不得了
你要好好諗清楚呀

私人傳訊

ms_ck

積分: 13291

109^#

發表於 15-7-27 11:52 |只看該作者

引用：我揾幾張開房單，屋企唔用既套，情人節前買

原帖由 alp0805 於 15-07-26 發表
我揾幾張開房單，屋企唔用既套，情人節前買香水既單，四五個月話ot,1，2點先返，有四五晚無返來話係公司做 ...

其實你已經知得7788啦，查沒意思，佢甘既情況，你放手俾佢去happy啦，唔好人在心不在，得你辛苦同亂諗！佢無失去你，你又接受共存的話，佢一定會甘落去的，因為齊人邊個男人唔想做呀？係你就係你，放出去，佢自己識返黎，唔係你就唔係你，留佢係間屋，佢都唔知做乜！

私人傳訊

積分: 1862

110^#

發表於 15-7-27 15:02 |只看該作者

我揾到既始終如表面野，拎出黎講仲會話我摷佢野，其他唔使講，錢同屋都唔俾同個女人快活，宜家我覺得佢拖緊，間公屋無得趕佢走，只係叫自己不要在乎佢，

私人傳訊

積分: 1862

111^#

發表於 15-7-27 15:05 |只看該作者

點先佢會搬又繼續俾屋企開支.....等呢個時間俾我平復同經濟獨立自強

私人傳訊

積分: 1758

112^#

發表於 15-7-27 17:48 |只看該作者

引用：點先佢會搬又繼續俾屋企開支.....等呢個時

原帖由 alp0805 於 15-07-27 發表
點先佢會搬又繼續俾屋企開支.....等呢個時間俾我平復同經濟獨立自強

你本身冇做野。。有冇傾過佢肯唔肯比呀

私人傳訊

sweetdonut

別墅

積分: 696

113^#

發表於 15-7-27 18:22 |只看該作者

回覆：有冇最近都係同老公或男朋友因為小3 分開既jm

睇依個post睇到喊，第一次喺呢個版留言。
知道呢個時候失戀既人唔止自己一個...
我都係岩岩經歷緊分手，尤其版主一句由100跌到0，感受真係好深。佢真係我既全世界...我到而家都唔知佢係咪有第二個，但我同佢感情真係因為大家轉左工而壓力大左好多，差左...我脾氣都差左...
佢又唔係啲唔開心就會講既人，終於忍唔住爆煲
去左算命話佢有第二個，但我就無從稽考...

私人傳訊

積分: 1758

114^#

發表於 15-7-27 18:36 |只看該作者

引用：睇依個post睇到喊，第一次喺呢個版留言。知

原帖由 sweetdonut 於 15-07-27 發表
睇依個post睇到喊，第一次喺呢個版留言。
知道呢個時候失戀既人唔止自己一個...
我都係岩岩經歷緊分手，尤 ...

你要加油。。就算由100到0 我都捱左過去
最重要擴闊圈子出面世界好大只係我地個時太專注呢個人。。。。
記得有咩就呻。。
一定係辛苦。。但時間一定幫到你嫁
雖然我仲有d沉。。但知道自己已經比之前進步左好多。。
你都可以加油

私人傳訊

sweetdonut

別墅

積分: 696

115^#

發表於 15-7-27 19:47 |只看該作者

回覆：elaine1021e 的帖子

多謝你呀elaine..
我都感覺到自己一日比一日好，我知總有呢一日....
我其實心底裡仲希望佢仲記得我地開心既時光，會番黎我身邊
我話我可以改，佢話俾啲時間佢，遲啲再講...
但我已經一日比一日既盼望少，起碼食得番少少野先...
我連facebook都剷左...唔想自己成日睇番..

你而家呢? 冇拍拖會做咩？

私人傳訊

angieyu

積分: 3994

冬日勳章

116^#

發表於 15-7-27 20:19 |只看該作者

回覆：有冇最近都係同老公或男朋友因為小3 分開既jm

我都岩岩同男友分手1個月多d,分手時唔知係因為有第2個,仲以為自己問題,食唔到,訓唔到! 真系好辛苦! 個人瘦左, 跟住好多病痛走出嚟, 不停出入醫院!

係我之後先自己發現, 原來有第3者!嬲到爆!但系都系好傷心....

話說我同上面jm一樣, 我都系算命講過會有第3者, 不過果陣時唔信, 發生咗之後咪信囉...

大家要加油啊

私人傳訊

積分: 1758

117^#

發表於 15-7-27 20:35 |只看該作者

引用：多謝你呀elaine..我都感覺到自己一日比一日

原帖由 sweetdonut 於 15-07-27 發表
多謝你呀elaine..
我都感覺到自己一日比一日好，我知總有呢一日....
我其實心底裡仲希望佢仲記得我地開心既 ...

其實所有野唔聯絡係最好
我冇拍拖我讀番書學yoga 學結他
依家發覺之前因為世界只有佢
自己變左個大懶蟲
以前放工等佢放工食野睇下電視上下網咁就一日
依家要追番我之前懶既時間
夜晚一定會唔習慣冇左人係身邊
但我相信都可以慢慢習慣番自己一個
你要加油。。。搞到自己有咁忙得咁忙
好快就可以忘記到佢。。
而且你自己都會堅強左成長左
大家一齊加油

私人傳訊