shan6233 發表於 18-8-11 20:22 
吾該哂你呀。即係我依家要搵辦法搵返哂所有出入境時間。我之前搵過機票尾吾齊 我睇下我點樣搵返齊所有時間 ...
你好多問題喎
，我盡量試下答啦。
係咪每一次出境幾年幾月幾號 再入境幾年幾月幾號都要寫足？"係，張表要你填嘅係過去5年內所有出境逗留超過24小時嘅行程，你係要寫清楚離境日期同入境日期，去邊度，總共出境幾多次。"
有咩辦法查返記錄同報返所有稅？我無留低之前報稅既文件同4年前返工既糧單之類既野 係咪有地方可以補返？"報稅表好緊要架，你以後一定要留底，我有留十幾年紀錄，因為稅局可以追你7年稅，少至幾蚊銀行利息都可以追，美國報稅唔同香港會寄報稅表俾你，要自己主動報稅，每年4年中就要寄番去，所以果陣D會計師會忙到顛。我唔清楚點可以查番，試下去問下會計師點樣可以幫你申請番以前嘅記錄。"
你屋企人一直無返黎"會有影響，因為入籍填表會問你父母資料，係唔係公民，如果係移民轉公民，會問埋佢地入籍時間，不過就冇話佢地唔返美國會點影響你入籍。如果佢地真係唔打算再返美國，不如主動去美國領事館提出放棄綠咭，跟住即時申請埋VISA，否則佢地一直唔返，但又冇報稅的話會好麻煩，綠咭10年期，每10年換一次証，換証時要喺美國境內，佢地而家入境，隨時會俾人取消綠咭，都幾頭痕。"
我岩岩2月至6月係香港，黎緊12-2月要再返香港。我應該幾時交表申請入籍？"通常通知打指模係入紙申請收到之後一個月，如果你會出境咁耐，而家申請都會夠時間做埋打指模啩，但如果你唔想搏就等下年返嚟先，反正你都要搜集齊出入境資料先，不過咁又變成排得後咗。"
因為我上網見到話交表前要係呢度連續住滿3個月 咁係咪即係我2月返黎要等到5月先交表？"住滿3個月嘅意思係你要喺你入紙申請果個地區住滿3個月，如果你一直都住San Diego就唔駛等，除非你而家又搬去另一個城市另一個州就要等3個月。"
申請左之後如果我返香港佢會吾會突然叫我返去？ "睇你有冇咁好彩，返咗去就到下一個程序，有三個程序係要你親自到，一個係打指模，第二係考入籍面試，三係宣誓。之前我講過，打指模係好快架，入紙後多數一個月後就會通知你去，入籍試就有排等，我剛查過，San Diego入籍等候時間由10.5至16個月，咁你自己要計住數。"
面試英文會吾會好難？"我自己就覺唔難，試題都係果100題，有時要睇你好彩唔好彩，遇著個咩考官，有D係好友善，有D又唔係。"
我不停返香港佢地會吾會為難我？我應該點答好？"照實答，點解你要成日返去，美國佬好注重誠信，你想隱瞞講大話，只要佢地覺得你有問題就會幾MEAN吓，美國呢邊好多時係寧殺錯冇放過。你入境過移民局時應該都經歷過俾人質疑你點解成日出出入入，的確，綠咭唔係一個旅遊証件，我十幾年前都俾人留難過，唯有照實答。"
如果成功入籍申請護照會吾會無左香港護照？"唔會，美國政府係唔會主動同你取消香港護照，香港係容許雙重國籍，係中國唔得，所以香港人係好多揸住兩個公民身份，但一入美國籍，持中國籍嘅就要放棄戶籍，所以好多大陸人都唔一定入籍，但香港就冇呢個規定。"
花旗太太生活在花旗國，留意時差，你問我未必即時答到。
希望可以俾到d意見我丫
係咪每一次出境幾年幾月幾號 再入境幾年幾月幾號都要寫足？
之黎佢有提我話叫佢地吾可以離境太長時間。我話知道我會提佢地。 
我上網睇過下d試題 個個字我都要翻譯 好驚我過吾到。
浪費左咁多時間。
我自己搵又會有排搞都查吾到。 唉 我返香港都係探親 今次本身諗住4月返黎入籍點知俾狗咬入左院6月先返黎 跟住12月又要返去。即係又要搵齊同整好哂資料同文件再返黎入紙再等。起碼又多兩年。
發表於 
返回列表
