啲人話Aeon係荷花之後。估計2月尾3月頭。我試過幫好朋友買過一張0/3 Baby (唔細亦唔係接床)。好抵。平咗好多。但都成年前唔記得價錢了。BB展我去咗4次(計埋今次)。第1次去時係2月嚟(星期六/日)。老公朋友公司有擺佢又幫我哋買咗好多嘢。所以入場支持吓同當見識吓。果陣仲有兩個幾月就生。所以個肚好大吓。好恐怖。多人都嚇親。又車又喼。仲要係咁撞。我老公好驚我俾人撞親所以行咗半個圈走了。零收穫。心諗冇下次。我屋企附近有Aeon。所以當做運動成日落去格價。佢哋bb展都抵嘅。但真係唔夠荷花多選擇。咁我又有喺護協買嘢。但麻煩因爲有啲遠。生完果轉8月荷花冇去嘅。去咗一次一田。我覺得一田優惠一般。但佢算啱我買嘅。咁之後朋友生咗我又當陪佢再戰一次。。價錢係荷花最平。但好多時睇入貨嘅量。如果每樣只係買少少試。我覺得唔抵。但果陣我bb都9個幾月。大慨都摸清試啱佢要啲咩。所以最近3次都有豐富收穫。買過一次coupon book 就知唔啱自己。我唔排贈品亦唔買奶粉。我全人奶。因為bb唔肯食奶粉同埋我一早預咗位置擺存貨。所以我模式係大量入貨。我會繼續去入貨嘅。雖然奶粉尿片冇我粉(唔食同P牌加大以上冇優惠)