Baby Kingdom - 親子王國 香港 討論區 › 首頁 › 夫婦情感› 不快樂的婚姻

夫婦情感

收藏本版
發帖
返回列表
跳至頁

首頁
23456

尾頁
   14
Belovedjohnjohn


大宅

積分: 1800


81#
發表於 17-12-24 14:48 |只看該作者
Deek1025 發表於 17-12-24 11:28
你有工人，有時間去學野，去放鬆。
你老公放工都需要休息，入屋洞享受下私人時間有何不妥？
你抱怨老公唔 ...

本帖最後由 Belovedjohnjohn 於 17-12-24 18:34 編輯

我講過食飯等齊人係基本禮貌, 佢唔理, 自我中心, 漠視別人感受咁我係咪要日嘈夜嘈? 我教唔到佢係咪就要欣然接受? 我上網只是想抒發情緒。
我病佢唔理, 並唔係指一般傷風感冒, 係入院做手術, 手術後出院果一刻, 佢仲要因為停車場夠鐘叫我行快啲。
我獨自面對死左4個親人, 還要接受佢嘅漠視俾佢享受佢嘅個人空間, 體諒佢俾佢放鬆之餘, 更要體貼入微擔心佢會遇上另一個女人??????

謝謝妳的溫馨提示
做女人, 特別是沒有工作的女人活得真卑微。
私人傳訊

RAY媽


伯爵府

積分: 19342

2024年龍年勳章


82#
發表於 17-12-24 15:12 |只看該作者
Deek1025 發表於 17-12-24 11:28
你有工人，有時間去學野，去放鬆。
你老公放工都需要休息，入屋洞享受下私人時間有何不妥？
你抱怨老公唔 ...

你才不卑微，你很偉大。我尊重你這種懂得維繫維護家庭的媽媽，和太太。

唔知足的人才最卑微，最怕家裡有負能量爆燈，自吹自擂話自己全職媽媽幾咁為頭家然後人哋點唔關心佢點對佢哋唔住，自己搞到老公出去搵第二個成頭家散晒。最後受害係自己，小朋友以及丈夫。

我喺私家醫院生但公立醫院上足堂，啲堂真係好好! 講得很好就係：家庭以夫妻為中心。
我愛小孩，小孩需要完整家庭；我對丈夫好其實係對家庭好，可以讓小朋友在愛裡成長。
私人傳訊

babyjjj


大宅

積分: 1753


83#
發表於 17-12-24 16:52 |只看該作者
Belovedjohnjohn 發表於 17-12-24 09:25
大家都覺得我不再愛先生......
很可惜, 明早我的人的確少得可憐。
如果一個人不斷付出, 而另一個人一直往山 ...

其實我明白你的，如果不愛才不會去在乎了，只是每個人對愛的定義是不同。有些人對先生外出揾錢好appreciate, 會多了一點理解，我本身同先生都要工作，我們是很平等的，關心，理解也是互相的，不存在對方番到黎已很辛苦，生活誰不辛苦？難道每個老公都透明？但是你老公不會去想改變，你也是沒有辦法呀。你逼唔到佢。。難道你真的想離開？愛情的現實就是這樣，誰抵不住頸，誰就要屈服，要不就離開。你自己想想要不要離開，如果不想，其他姊妹的意見也很有用，分散一下注意力，你才可好好生活。
私人傳訊

Deek1025


別墅

積分: 506


84#
發表於 17-12-24 23:54 |只看該作者
Belovedjohnjohn 發表於 17-12-24 14:48
本帖最後由 Belovedjohnjohn 於 17-12-24 18:34 編輯

我講過食飯等齊人係基本禮貌, 佢唔理, 自我中心, ...

我唔係卑微，做全職媽媽前我每月搵4萬幾，而我屋企收入並唔係請唔起工人，只不過我地唔想同個陌生人一齊住。我覺得自己要盡母親責任照顧個仔，但我明白同時我係人地老婆，太太家庭崗位就係持家有道，令老公安心俾個家你管。

我以前每星期做SPA FACIAL HIGH TEA 係最基本，但湊仔之後根本連FACIAL 都甩唔倒身去做，呢D 就係我對個家嘅付出，就等於我老公一個人工作支持成個家都係佢嘅付出。但我老公無嫌我皮膚無以前咁好WO, 因為佢明白所有野都有取捨。

你入院如果佢真係唔關心就唔會接你啦，我年頭小產要刮宮我老公都無接我，佢當時年結要做通宵，咁我咪自己攪掂囉。。。安全感唔係要別人給予的。

明白你上bk 想呻下，但我動機係想你反思下點樣改善關係，如果無第三者根本唔需要離婚，你地有個仔更加應該努力。圍爐取暖同你一齊數老公不是好容易，但唔想你仔仔因為bk d 留言無左個老豆。。。。

私人傳訊

AudiQ7


大宅

積分: 1175


85#
發表於 17-12-25 01:04 |只看該作者
Belovedjohnjohn 發表於 17-12-16 04:26
我以為嫁給你會讓我幸福，可是並沒有。我不快樂都是因為你從不關心過我。
...

同感
私人傳訊

creambb


珍珠宮

積分: 36439


86#
發表於 17-12-25 01:05 |只看該作者

回覆樓主:

好欣賞你勇敢去同你先生坦白自己感受，希望你地關係有好轉
私人傳訊

AudiQ7


大宅

積分: 1175


87#
發表於 17-12-25 01:11 |只看該作者
Belovedjohnjohn 發表於 17-12-18 22:47
又唔講得完全無貢獻
他一個人努力工作養我們及工人, 但除了金錢付出, 人在身邊, 再沒有其他connection了。
...

如果我話你知，我個c6連經濟都交曬比我一個人，你不是最差了，我仲捱緊，你會否好過點？
私人傳訊

soso1227


珍珠宮

積分: 37298

醒目開學勳章 畀面勳章


88#
發表於 17-12-25 16:39 |只看該作者
回覆 Belovedjohnjohn 的帖子

你連續走左4個親人，負面情緒爆燈容易諗埋一邊，
試下打電話去香港健康情緒中心熱線 28330838傾訴下。

你老公唔係完美老公，
但比上不足 比下有餘，
試下同佢講你想要乜，
Be specific，
例如 生日丶情人節要有禮物丶
要等你埋枱先食飯⋯⋯
私人傳訊

haileypinki


大宅

積分: 1607


89#
發表於 17-12-28 14:08 |只看該作者
Belovedjohnjohn 發表於 17-12-18 22:36
我們每日就是在同一空間各式其色, 沒有共同話題, 沒交流, 一家人一直這樣會快樂嗎？
...

我同你處境一樣，我都想知婚姻點解會係咁
私人傳訊

takkno


大宅

積分: 2161


90#
發表於 18-1-11 16:09 |只看該作者
Belovedjohnjohn 發表於 17-12-16 04:26
我以為嫁給你會讓我幸福，可是並沒有。我不快樂都是因為你從不關心過我。
...
到~
私人傳訊

anyuser18


子爵府

積分: 14110


91#
發表於 18-1-12 08:43 |只看該作者

回覆樓主:

既然都去過婚前輔導，不如再找婚姻輔導。
樓主都話知道幾年重心放在仔，咁突然親人離世自己需要另一半嘅關心多咗，但前幾年就關係一步步疏離，咁好難即時俾到咁多關心喎，何況個老公仲要返工養家。

諗吓，個小朋友最無辜，既然花了咁多心機讓佢成長得好好，不如再努力多步睇吓原因出在邊，一齊努力多一排。若佢態度好差唔肯就另計。試吓。
私人傳訊

luckybaby2011


水晶宮

積分: 72641


92#
發表於 18-1-12 11:10 |只看該作者
Belovedjohnjohn 發表於 17-12-20 21:12
對呀！幾乎一樣。
到今天他仍然說愛我, 但我完全唔感覺到。
有時食飯, 我還在廚房忙, 到我出來, 他已吃完 ...

好有同感
我諗佢唔係唔愛你、只係唔識表達、我老公都係咁、但長期單方熱情都會枯萎、去旅行我plan我負責、回來發現根本只有我拍他們、我個都係仔、我唔出聲唔主動安排佢可以成日窩在家、由平日到節日如是。有時我問自己係咪太貪心、我都係ftm 因為佢份工好忙成日不在家、但我更珍惜他回家大家相處的時間、但有小孩後、兩個就更加相對無言咁、佢話唔覺有問題
私人傳訊

Nancy20090615


瑪瑙宮

積分: 128674


93#
發表於 18-1-12 11:18 |只看該作者
Belovedjohnjohn 發表於 17-12-24 14:48
本帖最後由 Belovedjohnjohn 於 17-12-24 18:34 編輯

我講過食飯等齊人係基本禮貌, 佢唔理, 自我中心, ...
你个囝大 d 你去做番野, 你又 attention seeking, 成日數住老公比唔到乜野你 (關心, 時間), 既係咁, 你就整到自己忙過佢, 去平行番你自己的缺失, 佢比唔到, 就算比到都係得果少少, 都係唔够架, 你又唔係離婚, 唯有自己改變. 一个人孭頭家的經濟唔輕鬆, 佢重要諗埋你兩个老左的退休支出, 這是計你个囝可以獨立到, 如果佢要靠你地, 你老公咪更吃力.
私人傳訊

hannah.ip


洋房

積分: 95


94#
發表於 18-3-2 17:25 |只看該作者
Belovedjohnjohn 發表於 17-12-24 09:25
大家都覺得我不再愛先生......
很可惜, 明白我的人的確少得可憐。
如果一個人不斷付出, 而另一個人一直往山 ...

本帖最後由 hannah.ip 於 18-3-16 17:24 編輯

.
私人傳訊

hannah.ip


洋房

積分: 95


95#
發表於 18-3-2 17:28 |只看該作者
AudiQ7 發表於 17-12-25 01:11
如果我話你知，我個c6連經濟都交曬比我一個人，你不是最差了，我仲捱緊，你會否好過點？
...

我先生都係無經濟...連屋租，牙仔學費都係我自己負責，唉，仲要對我無關心
私人傳訊

lovelykoala


別墅

積分: 820


96#
發表於 18-3-3 02:58 |只看該作者
Belovedjohnjohn 發表於 17-12-24 09:25
大家都覺得我不再愛先生......
很可惜, 明早我的人的確少得可憐。
如果一個人不斷付出, 而另一個人一直往山 ...

我明白你感受，結婚都係想搵個互相扶持同關心嘅伴侶啫， 長期承受冷漠對待， 咁結婚嘅意義響邊？ 我覺得對方唔可以話因為工作攰或者需要私人空間 而長期冷落個老婆， 呢啲唔係叫唔體諒， 係個老公根本冇理過老婆感受， 冇關心冇陪伴咁不如大家獨身獨居啦， 何必結婚？

我前夫又係好似你先生咁㗎， 喺屋企完全唔理我， 唔會同我傾計冇 心靈交流， 完全好似同屋主咁， 我一啲都感受唔到被愛， 同佢反映過好多次 佢都冇變， 佢又係把口就話愛我囉， 但行為完全相反， 不過佢冇你老公咁離譜， 連你病同埋親人去世 都咁對你， 我覺得完全不可接受!

我就係咁長期受冷漠對待， 同你一樣覺得好唔開心， 成日喊， 差唔多去到抑鬱嘅地步， 所以我決定同佢離婚， 離咗婚不知開心幾多， 講真老公對 自己 漠不關心 即係等於精神虐待， 真係寧願 一個人過 都好過長期有個人虐待自己
私人傳訊

lovelykoala


別墅

積分: 820


97#
發表於 18-3-3 03:25 |只看該作者
babyjjj 發表於 17-12-19 23:36
好似你咁做，兩夫婦各自生存，其實唔係婚姻，因為單身都做得到，你享受，只不過係你叫自己唔在乎，叫自己 ...

講得好，非常認同
私人傳訊

Belovedjohnjohn


大宅

積分: 1800


98#
發表於 18-3-4 14:37 |只看該作者
lovelykoala 發表於 18-3-3 02:58
我明白你感受，結婚都係想搵個互相扶持同關心嘅伴侶啫， 長期承受冷漠對待， 咁結婚嘅意義響邊？ 我覺得對 ...

我同意你所講。
私人傳訊

bocopo


大宅

積分: 3727


99#
發表於 18-3-5 03:00 |只看該作者

回覆樓主

我媽咪講過一句說話，我記了一世。
想要改變人，不如改變自己。

問自己，佢將以後都一個樣。你真係選擇放手？
問自己放手是否比現在快樂？自在？
問自己放手後就可以不愛他？

如果以上全是，可以放手。

如果你有猶豫，不如改變自己想法。
難，但係是一個最好辦法。

快樂不快樂係自己決定，而不是取決別人。

單手拍唔響，你有咁既想法同時你先生可能有相同感覺。只係佢唔知點面對你。
私人傳訊

alice_b


大宅

積分: 1015


100#
發表於 18-3-6 01:04 |只看該作者
同意bocopo所說。每個人都有好有唔好，係一個package。你接受唔到就冇嘢好講。如果唔係，試下改變自己嘅睇法，自己搵辦法令自己開心d，而唔係靠佢令自己開心。而且人都是互相影響的，你開心佐佢一定會比你影響，一定會有好的互動。當然說易過做，而且只有你自己清楚自己感受。但記住要珍惜，唔好做d嘢令自己後悔，加油！
私人傳訊


首頁
23456

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見