本周分析:
上星期提及若大市未能企穩31000, 6月都不太樂觀, 結果雖然曾升穿31000,但最後都未能企穩,而於本周四開市前我亦作了一個重要決定,倉位減持至3成及全面對沖,原因係擔憂周五特朗普會宣布徵收稅項,結果特朗普始終都係一意孤行,以強硬姿態聲明未來數周會加大對中方關稅稅收,中美貿易聲明亦很大機會因而作廢
特朗普到處發炮,已經引致多個國家不滿及進行報復式徵收關稅,加上中方還擊,令我最擔心係因為貿易戰影響,各行業既預測盈利將會大大下降,從而降低市盈率預測,換句話說,大市有條件向下走!!
之前我一直維持後市上36000+的看法,現在不得不改變看法,因為貿易戰帶來既真正影響仍然係未知之數,如果全球不斷擴大關稅,後果就不堪切想
加上,中國現時仍然非常之水緊,上證已經率先破底,香港仍難以獨善其身,長遠我係睇好中國股市,因為逐步開放市場係有利整個經濟體系運行,但呢個長遠可能至少都要三年以上
講番香港,相信未來數個月都係炒股不炒市,而醫藥股亦率先係高位進行配股,好似1548呢類股份已經從高位回左3-4成,對於呢類股份,亦盡量避免撈底,因為個底唔知可以去到幾深
做投資永遠要有兩手準備,短線未能企穩31000,都只能視為反彈,中線黎講要升穿及企穩32000先有機會轉番好,現時(呢一個月)急跌機會不大,大市較傾向反覆慢跌,但之後就難講
2018年係難玩既一年,因為大市極受重要政治人物既言論影響,特別係特朗普成日係TWITTER發炮,又經常講一套做一套,今日應承左既野,後日又可以反口,面對咁既情況,好無奈地投資者要緊貼時事新聞,因為一句說話一個舉動,都足以短期影響大市運行
在我個人操作黎講,我現時主要DAY TRADE為主,中長線倉剩下3成(已全面對沖),炒股不炒市,面對不明朗因素,切忌持重倉及或大額落注,應該保留現金,一切以風險管理行先!!
呢個世界唔知幾時開始變得愈黎愈複雜,
公平呢兩個字已經漸漸唔再存在
埋沒良心既人愈黎愈多
騙子亦愈黎愈多
是我們變了,還是世界變了..