懷孕前後 今日: 1 | 主題: 329759

積分: 348

1^#

發表於 18-7-27 13:40 |只看該作者 |倒序瀏覽 |打印

之前已經試過一次IVF放Day5胎, 之後週六大已經話小產左。隔左一年再放Day5, 由驗到有左嘅第四週開始已經流啡，之後每大一週流血情況越來越嚴重，每日都訓床迫自己食多啲嘢，以為捱到BB有心跳之後可以安心，直到第九週醫生話BB突然無左心跳，即時崩潰大喊。下星期做人工流產手術，我真係好傷心又害怕，因爲上次一様做「真空流產」手術過程真係好恐怖..... 全程無麻醉，只會做手術前食止痛藥，但係做手術前食擴大子宮的藥之後就已開始子宮痛（係未做手術前已開始痛緊），做手術前仲要飲水脹住肚，肚皮由一位醫生用儀器大力壓肚，另一位醫生係下面做引產，要一邊忍料一邊忍痛去做手術，仲好記得上次做完手術之後仲持續劇痛了半天，第二日都會繼續痛，只係無第一日咁痛，大約四天後子宮才唔痛，醫生之後都只會比止痛藥，但食幾多粒止痛藥都無用跟本就止唔到痛，之後晚晚發惡夢，每次都發夢自己係手術室，有次仲嚇醒左之後狂喊....... 昨晚一諗起又要再一次面對同樣情景真係好驚，加上個肚一直作小產痛痛地，不禁發c6脾氣，因為要做IVF 跟本就係c6問題，但係為左捍衛所為的男人尊嚴，明明唔係我嘅問題都要同人地講係我嘅問題，本來剩係做IVF 我都可以啃了所有死貓，但現在的我辦法唔怪責c6，我知兩公婆唔應該互相追究責任，因為對件事無意思，但呢兩日個肚都持續痛，真係好辛苦、好難捱又好驚......完全控制唔到情緒

0 0 0

私人傳訊

積分: 1436

2^#

發表於 18-7-27 14:11 |只看該作者

回覆 AshesPearl 的帖子

抱抱樓主~ 其實可唔可以做藥流或者麻醉手術又或者其他方法? 你個醫生/醫院淨係得呢個方法? 我聽到你咁講我都好心痛你.

私人傳訊

積分: 348

3^#

發表於 18-7-27 14:38 |只看該作者

marsh_mallow 發表於 18-7-27 14:11
回覆 AshesPearl 的帖子

抱抱樓主~ 其實可唔可以做藥流或者麻醉手術又或者其他方法? 你個醫生/醫院 ...

佢話用藥有兩成風險留有殘餘物，如果清唔乾淨最後都係要做刮宮手術，但係刮宮手術始終會用硬物工具去做，雖然會落麻醉藥，但係就有風險傷害子宮。我好想有自己bb，好想有自己寶寶，所以最後都揀左呢個手術

私人傳訊

積分: 1436

4^#

發表於 18-7-27 15:52 |只看該作者

回覆 AshesPearl 的帖子

咁你醫生係講得無錯, 不過咁樣對你心理會有陰影...過程咁恐怖...
我自己個人經歷係咁, 我曾經3次早期流產, 第一次係手術, 覺得快,因為麻醉左無咩感覺的, 之後身體都唔太痛.
第二次係用藥流, 醫生都係話可能一次清唔哂, 我就塞完一次之後仲有少少未清, 再塞一次就清乾淨.
第三次就好早期一直流血, 自己化學左. 咩藥都唔洗

私人傳訊

mimi26

子爵府

積分: 11716

5^#

發表於 18-7-27 19:03 |只看該作者

回覆樓主

我做過一次刮宮，過程全麻醉，無痛無驚，做完即時行得走得，依家都自然生左個可愛bb，如果真係情緒太困擾，刮宮都係個辦法。揾個手勢好既私家醫生就ok，唔好太擔憂。

私人傳訊

積分: 348

6^#

發表於 18-7-27 19:53 |只看該作者

marsh_mallow 發表於 18-7-27 15:52
回覆 AshesPearl 的帖子

咁你醫生係講得無錯, 不過咁樣對你心理會有陰影...過程咁恐怖...

係呀⋯⋯真係好驚.......咁你仲打唔打算再試要bb? 其實發生左呢兩次我真係覺得好攰.... 唔計IVF浪費嘅時間、金錢，但係付出嘅心機、前途還有無人理解嘅心情係最難受（除左c6之外無人知我去左做IVF)，因為做IVF日日要去打針、抽血，之前份工跟本無可能比咁樣日日有兩個鐘唔見左人，朋友成日講笑話我咁好做闊太......次次聽到佢地咁講個心都覺得好難受，可以嘅話我都想又有事業又可以做媽媽。

私人傳訊

積分: 348

7^#

發表於 18-7-27 20:00 |只看該作者

mimi26 發表於 18-7-27 19:03
我做過一次刮宮，過程全麻醉，無痛無驚，做完即時行得走得，依家都自然生左個可愛bb，如果真係情緒太困擾， ...

我會好好考慮.... 但係因為醫生又建意拎個胎組織去化驗，不過其實唔太聽得明佢要驗啲乜，因為個日一照到bb 出事就即刻傾做手術，個陣情緒太低落，機本未黎得徹反應。
希望將來都可以好似你咁有做媽媽嘅緣份

私人傳訊

lovebb2018

別墅

積分: 606

8^#

發表於 18-7-27 22:31 |只看該作者

AshesPearl 發表於 18-7-27 13:40
之前已經試過一次IVF放Day5胎, 之後週六大已經話小產左。隔左一年再放Day5, 由驗到有左嘅第四週開始已經流 ...

我舊年因爲好特殊既情況，九週時刮宮+腹腔鏡移除右卵巢宮外孕，全身麻醉，醫生手勢好，我手術後搵中醫調理，康復得好快,樓主加油，養好身體再黎過！

私人傳訊

淳熙媽咪

男爵府

積分: 5262

9^#

發表於 18-7-30 01:32 |只看該作者

AshesPearl 發表於 18-7-27 13:40
之前已經試過一次IVF放Day5胎, 之後週六大已經話小產左。隔左一年再放Day5, 由驗到有左嘅第四週開始已經流 ...

我都是2次小產，2次都是6周...
一次自然，一次藥流，
2次都無受過苦，只是像黎m咁排晒出黎就乾淨左，有輕微m痛feel，藥流都唔係想像中甘差。
之後都無特別坐月，只有買d雞精日日飲，
多d休息就ok，
你唔駛擔心，每次懷孕都係獨立case,
Bb下次執齊野佢返黎既
我流產後5個月已經中返啦…

私人傳訊

積分: 1436

10^#

發表於 18-7-30 10:39 |只看該作者

AshesPearl 發表於 18-7-27 19:53
係呀⋯⋯真係好驚.......咁你仲打唔打算再試要bb? 其實發生左呢兩次我真係覺得好攰.... 唔計IVF浪費嘅時間 ...

我經過3次早期流產, 所以我婦科醫生轉介我去睇慣性流產, 之後做哂所有檢查, 發現係我免疫系統問題, 會排斥BB. 我之後試左差不多兩年都無自然懷孕, 都疊埋心水唔諗. 點知突然發現有左, 跟住即刻睇醫生同食藥, 而家就快10周.

你之前有無做免疫檢查同埋血栓檢查之類? 如果你打算生, 我覺得不如檢查下先.

私人傳訊

積分: 1436

11^#

發表於 18-7-30 10:43 |只看該作者

AshesPearl 發表於 18-7-27 20:00
我會好好考慮.... 但係因為醫生又建意拎個胎組織去化驗，不過其實唔太聽得明佢要驗啲乜，因為個日一照到bb ...

胎組織應該係驗DNA同遺傳問題. CHECK下係咪BB自身既問題而導致流產.

私人傳訊

積分: 348

12^#

發表於 18-7-30 10:52 |只看該作者

淳熙媽咪發表於 18-7-30 01:32
我都是2次小產，2次都是6周...
一次自然，一次藥流，
2次都無受過苦，只是像黎m咁排晒出黎就乾淨左，有輕 ...

不幸中的大幸最後自然流產，無人工流產咁辛苦，只比M 痛再痛多少少.... 會盡快收拾心情再上路

私人傳訊

積分: 348

13^#

發表於 18-7-30 10:59 |只看該作者

marsh_mallow 發表於 18-7-30 10:43
胎組織應該係驗DNA同遺傳問題. CHECK下係咪BB自身既問題而導致流產.

無驗免疫檢查同埋血栓檢查，因為做IVF個陣其實一直係醫生叫我驗乜就驗乜，下次等我再問下醫生先！
醫生話驗個胎有問題嘅話，下次再做IVF 可能睇下有無方法揀走老公有問題的叮叮，不過因為今次自然無左，所以又無得驗.......

私人傳訊

積分: 1436

14^#

發表於 18-7-30 11:39 |只看該作者

AshesPearl 發表於 18-7-30 10:59
無驗免疫檢查同埋血栓檢查，因為做IVF個陣其實一直係醫生叫我驗乜就驗乜，下次等我再問下醫生先！
醫生話 ...

咁下次見醫生再問下洗唔洗做D咩檢查啦. 醫生收咁貴, 問多D野當係增加知識都好呀. 又可能其實你已經做哂呢D檢查都唔定. 我都係睇仁安既醫生, 我響美麗華醫療中心睇的.

你今次最後決定用咩方法呀?

私人傳訊

積分: 348

15^#

發表於 18-8-1 17:16 |只看該作者

marsh_mallow 發表於 18-7-30 11:39
咁下次見醫生再問下洗唔洗做D咩檢查啦. 醫生收咁貴, 問多D野當係增加知識都好呀. 又可能其實你已經做哂呢D ...

最後自然排左出黎，雖然無左bb 好唔開心，但係算是不幸中的大幸.... 因為同上次要人工流產比，真係無咁辛苦，流血量都無流咁耐同咁多。

我會努力調整心情之後繼續努力(emoji)(emoji)

私人傳訊

Huiting

積分: 264

16^#

發表於 18-8-3 16:11 |只看該作者

marsh_mallow 發表於 18-7-30 10:39
我經過3次早期流產, 所以我婦科醫生轉介我去睇慣性流產, 之後做哂所有檢查, 發現係我免疫系統問題, 會排斥 ...

想問你身體排斥胎個証狀係點嫁，我剛流產，好怕第二次都係咁

私人傳訊

積分: 1436

17^#

發表於 18-8-3 17:00 |只看該作者

Huiting 發表於 18-8-3 16:11
想問你身體排斥胎個証狀係點嫁，我剛流產，好怕第二次都係咁

其實無咩証狀嫁, 就係咁先得人驚... 試過同正常懷孕一樣有懷孕反應, 檢查時都有閃閃, 但之後再檢查就停左發育.
亦有試過一有左就一直流啡之後流血.
所以真係要做檢查先會知道係免疫系統問題.

私人傳訊

Huiting

積分: 264

18^#

發表於 18-8-3 17:11 |只看該作者

marsh_mallow 發表於 18-8-3 17:00
其實無咩証狀嫁, 就係咁先得人驚... 試過同正常懷孕一樣有懷孕反應, 檢查時都有閃閃, 但之後再檢查就停左 ...

無勇氣經歷第二次

私人傳訊

Manmanman12345