吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 這樣婚姻的該不該繼續?

夫婦情感今日: 8|主題: 42450

收藏本版

發帖

返回列表

跳至頁

查看: 7540 | 回覆: 45

這樣婚姻的該不該繼續? [複製鏈接]

12 3

馨花8G

洋房

積分: 99

1^#

發表於 19-4-24 00:43 |只看該作者 |倒序瀏覽 |打印

我係一位結婚將近20年的全職媽媽，有個12歲的囝囝，老公比我大10+，在親朋戚友的眼裡我是個幸福的女人，阿囝帥氣又聰明，老公顧家又有穩定收入。可這一切衹是表象，內心的我有誰知我痛苦煩惱到患抑鬱反反復愎超過十年:1.老公有三大愛好抽煙、喝酒、賭馬，喝酒基本每晚都喝連星期六日在家也不例外一支紅酒唔夠飲再追加威士忌，飲多咗就會在梳化呼嚕瞓覺;賭馬一星期二次也不會錯過准時開場，就算不在香港用手機投注照樣不誤;抽煙反正睡醒上廁所就抽，陀囝嗰陣時及好幾次曾要求佢戒煙做個好榜樣俾囝，也別讓我們吸二手煙，佢答應過努力嘗試，可惜好似從來沒改變過~
2.我們的性生活也很不正常一年偶爾有一次甚至沒有，這樣的無性生活已維持超過10+，令我平時就用發脾氣沒好面口來發泄對他的不滿，其實我係個比較傳統的女性，不會跟身邊的人去説這種事真的似啞巴吃黃蓮，更不想讓他沒面子。我也嘗試跟他溝通過夫妻間發生親密關係係正常身理需要，就似肚餓了需要食嘢一樣，但他的回答是工作忙、壓力大，所以問題一直係度，難道我就這樣過一世嗎?
3·他不懂理財衹活在當下愛享受愛旅遊，他的原話就係錢要使就要使一㗎啦，現在不是你爸媽那個貧窮年代啦~
很明顯我們的理財、消費概念存在好大差異，佢影響埋囝也大使天天新主意天天有新嘢要買! 我平時做榜樣教囝要學識儲蓄要精打細算，衹買需要的，不買想要的太多無謂嘢，要有危機意識積谷防飢(save money for raining day)，但老公卻説他的日子沒有raining day，也試過俾佢自己的信用咭阿囝在網上購物(解釋係之前應承過會買樣嘢俾囝)激到我要離婚，離唔離譜? 令到阿囝依家唔多識滿足不懂珍惜! 有次阿囝無意間説漏嘴，爸爸説"你媽最緊張就係錢啦! "但事實上我們衹是普通中產家庭，我平時好慳買嘢會格價，有時慳自己份也不敢慳佢哋嗰份，這20年的全職主婦生涯我已練得一手功夫，盡量在家整煮佢哋倆父子鐘意的食物，這樣又健康又可慳錢也能體現我的價值，可惜他不懂我一心一意地付出和努力!反正夫妻倆的很多概念不同令我教囝很有挫敗感，好擔心第時會養出個碌咭數碌到爆的囝，到時手尾長，點算?
花了好長時間寫了我的肺腑之言，希望真誠的朋友給我忠實意見~ 🙏🙏🙏

0 0 0

私人傳訊

pkbkek

大宅

積分: 1034

2^#

發表於 19-4-24 01:08 |只看該作者

馨花8G 發表於 19-4-24 00:43
我係一位結婚將近20年的全職媽媽，有個12歲的囝囝，老公比我大10+，在親朋戚友的眼裡我是個幸福的女人，阿 ...

樓主，我同你的價值觀都差不多的。
我亦是好反對小朋友未學會賺錢先學會洗錢的。
當然，亦有人會認為懂洗錢的人，才會有搵錢的動力。我不反對，但此需要在心志成熟的人才能實踐的，否則好可能會失控，不能自拔。

所以，我並不睇好你小朋友現時的情况，除非他將來事業能一帆風順，否則我怕你們要支持他到不知何年何月了～

在教育上，我覺得首先要與你老公取得共識，他的操作方法最好等小朋友心志成熟點才慢慢灌輸，好讓小朋友懂得分析利害關係。

在性生活上，相信是典型的供求失衡問題，在Babykingdom 多的是。只好亦靠你主動爭取每一個機會，如果仍然不成功的話，亦可能需要見下婚姻輔導，希望專業的人士能幫你點醒一下你老公。

私人傳訊

Nancy20090615

瑪瑙宮

積分: 128800

3^#

發表於 19-4-24 07:34 |只看該作者

去番工，儲多点。

私人傳訊

qee

大宅

積分: 4263

4^#

發表於 19-4-24 07:40 |只看該作者

咁都做咁多年全職主婦？
一早應該出去做嘢儲私己啦

私人傳訊

crystal媽咪

寶石宮

積分: 330314

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

5^#

發表於 19-4-24 08:02 |只看該作者

馨花8G 發表於 19-4-24 00:43
我係一位結婚將近20年的全職媽媽，有個12歲的囝囝，老公比我大10+，在親朋戚友的眼裡我是個幸福的女人，阿 ...

1、2問題嚴重
3問題，如佢肯交啲錢比你投資、比你管我覺得ok。
做part time搵多啲錢先可以再諗係咪同對方一齊落去。佢唔一定會比生活費、贍養費(假設你哋離婚)

不要從別人的嘴裡去認識我

私人傳訊

馨花8G

洋房

積分: 99

6^#

發表於 19-4-24 09:16 |只看該作者

回覆 pkbkek 的帖子

佢仲話依家的孩子個個都差唔多，鍾意玩遊戲對電子產品感興趣，加上這年紀會返叛點~還告訴我佢女同事嘅仔17歲試過2日不回家，但我問佢你同事是單親，你是否也想?
我覺得細路細時唔教大個咗更加教唔到啦~
佢就話囝囝是個心地好善良的人他不會學壞的，仲叫我俾點耐性教囝，話我有時太強硬了~其實佢平時嬲時咪一樣用震壓式教囝。

私人傳訊

馨花8G

洋房

積分: 99

7^#

發表於 19-4-24 09:36 |只看該作者

回覆 crystal媽咪的帖子

佢每月一出糧就會俾錢我，錢方面他對我也不孤寒，絶對放心及信任我，仲叫我得閒買下股票賺下零用錢，因為我是個好實在不虛假的人，所以我也不會存私己，畢竟錢是他賺也是大家一齊洗的~

私人傳訊

Nancy20090615

瑪瑙宮

積分: 128800

8^#

發表於 19-4-24 09:56 |只看該作者

馨花8G 發表於 19-4-24 09:36
回覆 crystal媽咪的帖子

佢每月一出糧就會俾錢我，錢方面他對我也不孤寒，絶對放心及信任我，仲叫我得閒 ...

咁講你會一直 FTM 直到佢無搵錢能力為止? 佢又煙又酒遲下身體就出問題, 影响工作, 兼要負醫療費, 退休兩人靠佢獨力維持, 你諗住可以? 你个仔重有排先工作, 工作一未必有錢剩比到家用你, 二可能問番你地轉頭接濟因為月月洗大.

佢應該近 5 , 年紀大, 體力降, 工作到頂, 唔炒就好, 你應該過左 4 , 長遠錢方面無問題就乜都唔使諗, 到時至算.

你睇目前咁短視, 好危, 反而性, 都幾十歲又慣左少算喇.

私人傳訊

馨花8G

洋房

積分: 99

9^#

發表於 19-4-24 10:08 |只看該作者

回覆 qee 的帖子

未生囝前佢就話鍾意我在家打理得乾乾淨淨等他回家，開門俾佢~到有囝後就更加冇機會去工作要陪伴囝囝成長
上年我嬲時試過出去做兼職店務員半年，有次行街時我好開心話佢知嗰月賺了5仟蚊糧，佢即刻stop我叫我不要咁大聲講~
佢好大男人又好面子有時也有點自大，甚至叫我不要刻意去講我返緊兼職的事俾他的哥嫂兄妹知，我説我又不是偷又不是搶靠自己付出勞力有何問題，最後佢死死地話隨你喜歡啦~
最後辭職因為快到暑假想陪囝放長假，畢竟好多年沒返工賺得又唔多，我做得咁辛苦不及佢鍾意食的一餐日本餐~

私人傳訊

馨花8G

洋房

積分: 99

10^#

發表於 19-4-24 10:31 |只看該作者

回覆馨花8G 的帖子

我可以點做?我係香港冇其他親人，
娘家有親人等於冇，兄姊各自忙自己生活
佢哋話我身知福中不知福~
離婚又好似唔夠本去獨立

私人傳訊

crystal媽咪

寶石宮

積分: 330314

11^#

發表於 19-4-24 10:43 |只看該作者

馨花8G 發表於 19-4-24 10:31
回覆馨花8G 的帖子

我可以點做?我係香港冇其他親人，

點解唔儲私己錢？？有冇做嘢其實都應該要經濟獨立d。至於離唔離婚我會覺得如果辛苦過做女嘅時候會考慮離開，當然有小朋友要考慮仔細一啲

不要從別人的嘴裡去認識我

私人傳訊

qee

大宅

積分: 4263

12^#

發表於 19-4-24 11:06 |只看該作者

馨花8G 發表於 19-4-24 10:31
回覆馨花8G 的帖子

我可以點做?我係香港冇其他親人，

仲要冇娘家back up都咁安心做咁多年全職主婦

唔係人地話乜就乜㗎嘛，人生屬於你自己㗎
個仔都咁大，出去做嘢都冇問題啦

私人傳訊

asa2012

伯爵府

積分: 17194

13^#

發表於 19-4-24 11:26 |只看該作者

恕我直言，其實你不可能離婚，因為你20年來的生活，已經把所有時間，精神放在他們2父子身上。撇除經濟獨立問題外，你仍愛他們2人，只是不喜歡，不認同他們的消費模式。

現實些，如果老公的經濟能力可以一直讓他過這種生活（可能在投資上已制造了穩定的現金流），你無法，也沒急切需要要改變他。
如果你感到不安，私底下儲錢，一來求安心，二來家有甚麼事，仍有補貼的錢。

孩子的事，盡了做母親的責任就算。有時性格，習慣也是改變不了的。

至於性生活，放棄吧，消極些想，自己遲早也更年期了，清心寡慾⋯⋯

私人傳訊

Nancy20090615

瑪瑙宮

積分: 128800

14^#

發表於 19-4-24 11:28 |只看該作者

本帖最後由 Nancy20090615 於 19-4-24 11:37 編輯

馨花8G 發表於 19-4-24 10:08
回覆 qee 的帖子

畢竟好多年沒返工賺得又唔多，我做得咁辛苦不及佢鍾意食的一餐日本餐 ...

即是你決定就是唔做野, 繼續靠佢, 咁你有咩能力離婚? 咪當繼續打佢工, 到有乜 e 郁先算. 女人 8,90 歲架, 老公唔養你, 係咪靠个大花同 ge 仔?

我同事个親戚 60 歲, 2月發現胃 can , 4 月就走左, 佢老婆 ftm, 好在係仔女大孝順住公屋, 唔會無人養食住無問題, 唔係就淒涼喇.

私人傳訊

馨花8G

洋房

積分: 99

15^#

發表於 19-4-24 13:05 |只看該作者

Nancy20090615 發表於 19-4-24 11:28
即是你決定就是唔做野, 繼續靠佢, 咁你有咩能力離婚? 咪當繼續打佢工, 到有乜 e 郁先算. 女人 8,90 歲架 ...

咪當繼續打佢工? 如果我係咁心態諗就唔會有依家嘅煩惱和痛苦了，但偏偏我份人好單純愛了就會全身心地去付出，也相信佢對我的承諾。
香港地貧富懸殊好大，我們比上不足比下有余所以我好知足也很感恩~
我們暫時的最大支出是每月供樓和囝的教育費，加上供保險教育基金及日常生活支出等，基本上也算月光族了~
我也和囝傾過，我們要供樓借了銀行很多錢，我們不是富貴人家，你不要去同人哋攀比，人哋家庭有錢係人哋爸媽叻，不是你朋友叻，你們現階段要比的是成績，如成績優秀就是小朋友自己叻，我就敬佩佢~
有些同學可能係來自土豪家庭，父母冇時間陪伴佢生長，窮得衹剩錢來滿足孩子的物質需求，我問囝，難道那才叫真正的愛嗎?
反正苦口婆心的該説教的也都説了，不知能否起作用?

私人傳訊