3/7 而家係1009; 我抽完三粒卵,正休息中;等老公11-1 可來探我!
今天07:23先到急症室交錢,0730上到k5N; 等左半小時到、見吳教授照超聲波,診室內有另一女醫生,可能是trainee; 我一如以往好快就坐上椅照;醫生問下有無咩唔舒服,我話有少少胃反胃咁,吳教授無講咩....唔知係咪今次有trainee在埸,放入陰超棒時,吳教授手勢溫柔左,係我來咁多次,最唔痛的一次。吳教授一見就說兩粒size, 乜唔係三粒咩😨果粒差少少達標!?(13-15) 之後佢補充返,仲有粒細!加句好細粒....我心裡再沉多三錢....
之後再見姑娘放豆仔,左手插唔到,再插右,都唔萛好痛。
8:30到六樓病房,和另一女仔一齊入兩人病房,我心情太差,無交淡,換好手術衫,著保暖長襪,去清小便,等待....
原先說9:30 我係第一個抽卵,0910 巳有姐姐推我去五樓手術室。手術室有很多人,都4個,佢播左音樂,叫我舒緩下心情,佢地三個又講其他野分散我注意力,又話遲啲請薑醋比佢天花板,我悲從中來,得兩粒咋.......流淚...醫院姐姐(叫婆婆)見我都連忙安慰,睇運氣!唔好喊咁多,bb會小器等說話安撫我
一直訓低等左20分鐘,張手術床有暖暖功能🥰同埋係軟淋淋的,我諗緊係咪頭先個貌似trainee的女醫生幫我?等到腳痺之時,終於有姑娘告知我係等教授,是好的安排嗎?
教授0940 到達 、好快對名,姑娘在豆豆打鎮靜劑及止痛劑3支,我仲担心緊葯效夠唔夠快架?教授巳開始嚟料、不到數分鐘,我又無頭暈及眼訓感 只係天花板好像變灰了!好呀!越迷越好
教授放鴨咀夾巳經無咩大感覺,有姑娘大力按肚,好似話係等粒卵唔好走圍走無平時果種痛,跟住三兩下就話抽完一邊,我心中感動,真是唔太痛,係有一丁點抽痛,僅只於此;另一邊,一大一小,果粒細就抽耐左少少 過程都無15分鐘;每抽一粒時,我都同卵子/自己講加油,果下真係覺得佢地係有生命似的叫佢地加油,心中好有激勵之情。
我落床 自己行都無大問題,而家仲新鮮把自己所記得立刻寫下
如果大家都係在瑪麗抽,真係唔洗太驚,唔太痛!加油