2015年結婚，35歲，同好多夫妻一樣，第一年都係自然試，無特別度體溫計排卵。
之後開始心急，去左家計會做連串檢查，當時唯一發現既問題就係老公精子型態唔合格。
2017年喺家計會做左兩次IUI，食白果……印象深刻既係手術室門外不時見到金毛仔等女朋友入面落仔，心諗有人咁恨有，有人就唔想要！之後佢地寫信比我地去QM排IVF。
去到QM，公家個期係2020年，等得黎都成40歲，於是無特別再做咩research，好順理成章去左QM私家。
好快，2018年頭就開始程序，抽11粒卵，有5粒Day 5胎，年頭放2粒，有著床，但生長唔理想……之後搵左中醫調理身體，針灸中藥薰肚，半年後再放一粒，都係有著床無生長！
萬念俱灰下，好努力睇好多資料，想搵出原因，從而認識到免疫造成既不孕，於是去左中環專科做檢查，結果甲狀腺有問題，但醫生睇過認為唔影響IVF。
自己唔忿氣，2019年頭一個人過左台灣愛群再做檢查，報告出左後翁醫師建議要用藥3個月，放胎後要打針。
記得2月去左搵孫醫生攞藥，食到4月諗住約期放胎，點知QM手術室要裝修，所以押後到5月，返去覆診時醫生又建議我地驗下兩夫婦染色體先，所以又無得放住，繼續食藥……
之後，神奇既事就發生左，7月尾竟然自然BINGO！一次又一次唔比我地放胎，原來上天有安排，BB今日100day了~
我相信免疫問題真係會影響受孕，希望我既經驗可以為其他仍在努力既JM帶黎希望~加油！！！
發表於 
返回列表
