自由講場 今日: 2951 | 主題: 1302942

積分: 9539

202^#

發表於 23-3-25 10:50 |只看該作者

回覆樓主:

第一假期時訓練返小朋友嘅忍耐力，同教佢點樣去整理好自己嘅褲仔，因為上到小學全校咁多學生，校工又會行開行埋，未必可以每次都幫小朋友處理到整好尿片呢個問題，另外開學前有小一迎新日，你可以向學校提交小朋友醫生證明，證明小朋友身體有事，需要穿著紙尿褲，再可以向負責特殊小朋友嘅老師，同老師去傾小朋友嘅問題睇下老師同學校可以點樣配合到

私人傳訊

面包豬豬

積分: 7298

BB防敏心得分享勳章

203^#

發表於 23-3-25 11:00 |只看該作者

其實我覺得要同小朋友介片咁，俾佢係屋企習慣唔著片，淨係著底褲，唔俾佢依賴條片，等佢知道急就要預早去，而唔係依賴條片。由佢係屋企賴，我相信通過不斷訓練，佢就知要早d出聲要去厠所。
朋友的小朋友係4-5歲時都會有呢個問題，每次都係最後一刻，甚至賴咗先講。佢哋出街會帶多幾套衫替換，訓練佢急要預早要去，最終佢哋用咗2年，令小朋友都成功介甩條片。
老實講，就算學校俾足方便你，老師體諒你，但初小的學生有幾多個會明白？當一個同學知道，就肯定全班都知，最後全級都知，總有小朋友唔明白會笑佢，呢樣好影響自尊心、信心、社交能力。
認真，唔好俾佢再依賴條片，唔係訓練佢忍尿，而係訓練佢早d去厠所，轉堂就去厠所，情願去得密d，都要同條片講再見。

私人傳訊

Matthew.Wong

複式洋房

積分: 224

204^#

發表於 23-3-25 11:24 |只看該作者

面包豬豬發表於 23-3-25 11:00
其實我覺得要同小朋友介片咁，俾佢係屋企習慣唔著片，淨係著底褲，唔俾佢依賴條片，等佢知道急就要預早去， ...

謝謝，但我諗我答埋今次唔會再答戒片的問題了。

他的情況是要訓練他忍尿，不要身體習慣一急就瀨出來。如果好似一般小朋友般戒片，要他經常去廁所，他的身體就會更加不習慣要忍尿，只會繼續接近反射動作般一急就瀨出來。

當然，到他上小學時，我也會教他多上廁所，這樣可以減少他要換片的次數。但除上學時間外，請不要再要我教他常去廁所。他K3了，要他定時上廁所他是做到的，他亦有意識知道急係應該去廁所，他甚至知道他這個歲數正常不會著片，也知道其他同學都已經戒了片。如果我要他在家中不著片每1.5小時去一次廁所，只要我告訴他下次去廁所的時間，他100%可以自己做到。只是這樣他的身體就會繼續不懂忍尿，一急就要瀨出來。

我知道大家都是好心，但要明白不同孩子是在面對不同困難，不是人人都是用一般小朋友「戒片」的思維就合適。謝謝。

私人傳訊

Yenyenng

積分: 6797

BK Milk勳章

205^#

發表於 23-3-25 11:29 |只看該作者

明白樓主情況。我就覺得唔係0同1之間嘅問題，其實可以平行地進行各樣嘢。
1.強大仔仔同自己嘅內心
2.遇難越難地面對換片嘅困難
3.簡單交待比學校知道讓小朋友可以有多啲上洗手間機會
4.強化肌肉能力

私人傳訊

Yenyenng

積分: 6797

BK Milk勳章

206^#

發表於 23-3-25 11:30 |只看該作者

1: 從來都係控制唔到別人的口，只可以調節自己嘅心態、想法。是難的，找一些書看，學習調整自己。
2.四時之景、日出日落，外在環境我哋控制不了，不要勉強去改變環境去令自己方便。要令人不覺得自己係弱者，先要有無比嘅決心，讓一切不可能成為可能。過程可能有無限嘅擔心同未知，但慢慢一步一步走吧，一定可以走到條路來。正如視障人士都可以自己搭交通工具一樣，慢慢衝破自己的障礙吧。是的，我知道是很難，相信自己和仔仔必可走過。

私人傳訊

cherry@sum

積分: 3476

207^#

發表於 23-3-25 11:32 |只看該作者

其實揀唔飲水得唔得？我自己讀書時都唔肯去學校廁所，因為有嚴重潔僻，所以我一般係學校係完全唔飲水，中、小學都無去過學校廁所，雖然唔健康，但可以考慮吓

私人傳訊

Yenyenng

積分: 6797

BK Milk勳章

208^#

發表於 23-3-25 11:34 |只看該作者

3.通知學校，讓學校知道小朋友的需要。其實係讓學校有更好的安排，不會令事情打岔學習進度。佢哋都唔想有額外的工作要做。
4.和小朋友多做運動，踎底起身。阿Mo係好勵志的，佢好堅毅的不對自己的情況屈服，盡力地去扭轉。你和小朋友都要努力，希望連手術都唔洗做。

加油呀，這條路不容易。好好地去做上天給你們這份「功課」吧！

私人傳訊

pig_tiger

積分: 8161

209^#

發表於 23-3-25 15:43 |只看該作者

Matthew.Wong 發表於 23-3-25 08:54
我明，但如果要在廁格除褲除鞋，其實好容易就會整污糟。換尿片就只要拉低條褲，唔駛除出來。

當然都要試 ...

我好少一個post留咁多次言，亦好少留言留咁長。。。但我感覺樓主態度幾好，所以我忍唔住再留。。。

原來小朋友的情況可以手術改善，老實講，比我會選擇做。。。除非會有嚴重後遺症，否則身體上的傷口總會癒合，但如果唔做，對小朋友心理的影響會造成無法彌補的創傷。樓主有無諗過，到孩子長大，小學同學聚會，可能同學間仲會攞黎開玩笑。。。

長痛不如短痛，樓主請再三思

私人傳訊

積分: 2503

210^#

發表於 23-3-25 18:15 |只看該作者

樓主你好，

看到樓主對一般戒片訓練暫時不考慮，只信醫生的「專業」建議。其實依度有好多育兒經驗嘅媽媽，雖然沒有醫生的「專業」但相信大家經驗都是寶貴的，希望你能採納。我是前幼稚園老師，希望可以分享一啲learning method 俾你參考

舉例教小朋友一個知識，例如點樣踩單車，如果老師一輪嘴咁講，「首先左腳後蹬、右腳同時發力踩踏，起動後左腳隨即上腳踏，再交替踩踏。。。」沒有小朋友會聽得明你講咩。反而將後面兩個輔助車轆拆咗佢，叫佢照樣踩單車。小朋友反而會跌吓撞吓嘅經驗下學識踩單車。亦掌握當中嘅平衡力。

私人傳訊

積分: 2503

211^#

發表於 23-3-25 18:16 |只看該作者

（續）

而唔係長篇大論喺度解釋乜嘢係平衡力，點樣運用你嘅平衡力，同埋手腳協調嘅能力去踩單車。

反而直接拆咗輔助轆，佢就自然識得踩單車。

The most natural and powerful form of learning is through experience or more precisely through reflection on doing.

私人傳訊

積分: 2503

212^#

發表於 23-3-25 18:16 |只看該作者

例如一個肌肉發展遲緩嘅小朋友，但又未去到特殊需要。佢個Learning plan 應該係點樣？係1）多啲帶佢去公園玩跑跑跳跳，發展佢嘅大小肌肉能力。定係2）坐輪椅坐到去青春期？但係如果一直坐輪椅嘅話，佢雙腳嘅發展反而就會被限制，亦過咗個黃金期。

假如樓主個兒子喺黃金期唔學習，點樣去控制膀胱肌肉，任由佢喺屋企同學校都着住片，佢好大機會會對尿片有咗倚賴，好大機會會着片着到去青春期。反而着片會限制咗佢不同學習嘅體驗。

私人傳訊

積分: 2503

213^#

發表於 23-3-25 18:18 |只看該作者

以下是方法如何控制膀胱肌肉：

初戒片時，仍然一急就會瀨，瀨到成地都係，此時小朋友亦都到一臉茫然。家長只需要說：「下次急時，記得去廁所」咁就得啦。有啲小朋友可以兩日，或一個月，就識得急時去廁所唔會賴，自然學識運用膀胱肌肉，怎樣去控制，呢啲都係靠自己心神領會，都要去靠自己去感覺，好難教到佢點樣做。大自然孕育萬物。有時唔需要用過量嘅說話，只需要喺自然嘅情景下，小朋友能夠自然學習一啲成長嘅元素。唔需要外界過度介入。有啲嘢係需要放手比小朋友去慢慢體驗，戒尿片同着底褲呢一個都係一個心理同觀感訓練。片同底褲有唔同嘅質感。都要放手比小朋友去體驗

私人傳訊

積分: 2503

214^#

發表於 23-3-25 18:19 |只看該作者

樓主可能會反駁，小朋友係有膀胱肌肉問題，而唔能夠用一般戒片方法去訓練。話要訓練佢忍尿。話如果好似一般小朋友般戒片，要他經常去廁所，他的身體就會更加不習慣要忍尿，只會繼續接近反射動作般一急就瀨出來。呢個情況起初會發生，但相信我幾個月後佢自然就會識得控制膀胱肌肉，可以學識忍尿。膀胱有問題嘅人更加唔應該剝削佢學習嘅機會。

戒尿片就係一個好critical 嘅childhood development . 係學識忍尿嘅一個重要元素。反而着住尿片令佢有咗倚賴。一樣技能，如果唔學習或者使用，會容易喪失一啲基本嘅天然能力。

私人傳訊

積分: 2503

215^#

發表於 23-3-25 18:19 |只看該作者

醫生比咗啲學術上嘅專業嘅醫學建議，例如着片仔褲，嚴重嘅話可能着到去青春期，然之後做手術。但呢個建議其實係唔全面嘅，冇包含一啲learning, acquire skills, acquire knowledge 嘅建議，如何去令孩子習得、獲得技能/知識等。

最後，希望小朋友能夠自然健康地成長，亦都希望樓主加油，放鬆啲，唔洗太擔心。記得以前教K3時，有好多小朋友都係一急就舉手，就要即刻去廁所，唔俾佢去佢就會賴尿。此乃正常情況，小朋友膀胱肌肉控制能力較弱也是正常，大大吓自然就會好轉。

（唔好意思，內容可能長咗啲，多謝你耐心閱讀）

私人傳訊

Bobo1210